[刺客教條][長篇故] 果晚玩完刺客教條，家姐同我講……: 第161章：大家加油

第161章：
 
經過為期大概半年的修練後，刺客兄弟會和《聖音騎士》各人都把自己的實力提升了，為剷除腐敗的聖殿騎士作好能力上、身體上的準備。
《聖音騎士》突如其來收到的誤發電郵，正是這次行動的契機，聖殿騎士將會為訓練成果和未來規劃舉行祝捷晚會。
呂麻君、和人和露比一同前往秘密地點與施若兜見面，一來確認郵件的真確性，二來如果事件屬實，則為行動作好事前的準備。
 
「我地返黎喇﹗」到了晚上，呂麻君、和人和露比終於回來了。
 
「咁耐咖，宜家先返黎咖，都唔知留餸定唔留餸比你地好。」家姐撐著腰，像一個媽媽般說著。
 




「呃……」呂麻君看來被家姐吸引得說不出話來。
 
「家姐我地食左咖喇。」露比笑說。
 
「所以我咪冇留到囉。」家姐攤開手說。
 
「啊……好想食定姐煮嘅飯啊。我地去m記食麥樂雞咋。」露比說。
 
「麥樂雞都好好食啊，唔係咩﹖」呂麻君無奈的說。
 




大家都笑了，不過按下來，大家笑的時間似乎所剩無幾了，必需開始認真起來了。
 
「咁你地係咪已經搞掂曬喇﹖」我問。
 
「係啊，我地搵施若兜確認左件事係真嘅，同埋我地已經喺ifc同會展周圍收好左啲支援用嘅用品喇。」和人說。
 
「咁其實實際行動係點咖﹖咩都唔講我地打天材波咩。」左又近無奈的說。
 
「喂喂喂，使唔使咁心急啊，宜家咪講囉，仲影左好多相比大家睇個位喺邊。」呂麻君說。
 




說罷，他就拿出手機，揚手示意大家走近，並開始指示支援物資分佈位置，及與大家商量行動計劃。
 
「就係咁先喇。」大家終於把計劃大概討論好了。
 
「係囉，宜家距離實際行動仲有成個禮拜，大家準備下又訓練下又好玩下又好點都好啦……呃……大家加油﹗」雖然我仍然說不出什麼澎湃熱情的鼓勵說話，說以大家加油振奮一下大家的士氣吧﹗
 
「大家加油……哈哈哈，呢個打氣說話黎咖，好弱雞啊﹗」游也多恥笑說。
 
「咁我真係唔識講啊嘛﹗」我激動的說。
 
「……」
 
「佢地又嘈交喇……」大家無奈的說。