[刺客教條][長篇故] 果晚玩完刺客教條，家姐同我講……: 第162章：最佳狀態

第162章：

又是在露台上的一個晚上，我和阿純都坐在露台的椅子上，他抽煙我看著他抽煙。

「喂，就黎到大結局喇喎，有冇諗過之後點啊﹖」阿純吐出一口煙問。

「咩之後點﹖」我問。

「宜家就話同佢地幾個一樣目標姐，遲啲我地成功左，咁又要反面咖喇喎。」阿純突然正經的思考著。





「咁其實大家都可以和平共處嘅……呱。」我都不能肯定。

「你會唔會諗得太理想﹖話曬刺客同聖殿佬打左成千年……邊會咁易和平。」阿純說。

「……」

「定係你想和平共處咋……」阿純奸笑著。

「咩咩……同游也多行動得幾合拍姐，何況我有露比啦。」我連忙說。





「我都冇咩點解，鬼拍後尾枕喎你。」阿純大笑說。

「食煙啦你，食撚死你啊。」我一邊指著阿純一邊轉身離開。

的確雖然打算一下，當大家完成了這個行動後，我們應該是從什麼方向走。不說游也多，其實跟呂麻君、方次郎和左又近他們，大家都相當友好……好麻煩喔，唉……到時再算吧，現在先暫且放下，先享受這個星期吧。

「露比，趁仲有幾日，不過我地聽日去玩啊。」我走進睡房問快要睡覺的露比。

「成日掛住玩，就打咖喇，繼續修練下好過啦。我聽日就約左多多姐一齊修練喇，所以早啲訓喇。」露比現在已經變成強條起了，道理壓制下我都沒有反對了。





「好啦好啦……都好嘅。」說罷，我倆就躺在床上準備睡覺了。

「有得同多多姐一齊真係好。」

第二天，我們換上簡單的運動裝，在家門外等待游也多。

「咁快嘅，我地……行喇。」不一會，游也多打開門，嚇了一下說。

我們三人走到花墟公園先開始跑步熱身。

「喂……你地唔好跑咁快啦。」我說。

「唔撚等你喇，聽露比講仲話去玩喎，見到我車尾燈當你贏啦，bye。跑喇露比。」游也多大笑著說。

露比和游也多就加快跑速向前跑了。





「原來你都真係幾關心長長咖喎。」露比邊跑邊說。

「你...你...講咩啊，邊有人關心佢姐。」游也多否認。

「但係明明你約我地出黎咖啵，其實你係咪對佢有意思啊﹖」露比單刀直入的問。

「點會姐，阿隼佢有你咖喇嘛......」游也多喘著氣說。

「哦......即係冇我就有意思啦係咪啊。」露比奸笑說。

「唔係啊，唔係啊......你唔好誤會啊，我約你地出黎係因為我地要一齊行動咖嘛......」游也多連忙回應。

「多多姐，使咁緊張嘅，又冇話你係......不過就算係我都唔介意咖。」露比天真的笑說。





「你痴Q左線咩，邊有女仔鍾意同人地SHARE同一個男仔咖。」游也多說。

我終於追上停下來的她們兩人了，我喘著氣：「你地真係咁快嘅，仲有傾有講添，係咪講我壞話﹖」

「我地講緊如果多......」露比還未說完就被游也多掩著口。

「佢話...多得你佢先有今日...仲話想比個驚喜你咋嘛。」她連忙解釋。

「兩條友古古怪怪，我唔等你地喇，跑先﹗」我喝了一口水，就繼續跑了。