第163章:

某天,我、露比和游也多的三人組早上先到運動場跑步,開始這一天的修練。
跑過步後,我們來到我們大廈的天台,繼續下一步的修練。

「噗」

露比隨隨的拾起地上飛刀,回望一下被她一下割開了的沙包,摸著頭說:「嘻嘻,係咪勁左好多呢﹖」

「係喎,你動作真係快左好多……」游也多驚訝的說。





「係啊長長,自從果次地鐵站之後,我係咁練我嘅速度嘛。」露比說。

「不過你整爆左我地個沙包囉……又要搵小丑國佢地買過個。」我無奈的說。

「買過咪買過囉,使唔使咁孤寒啊你,大把錢啦我地。」游也多不屑的說。

「我幾時有話唔買姐,係覺得走黎走去好麻煩咋嘛。」我說。

「懶就懶啦你……」





「又嘈咩啊你地?打過啦……」這時候,左又近從樓梯走上來說。

「又係喎,不如長長同多多姐打返場啦﹗可以當修練嘅一部份,不過你地唔好咁重手啊﹗」露比說。

「好啊﹗打咪打﹗」游也多樂意接受挑戰。

「咪話,廢事話我打女人勝之不武。」我拒絕。

「打你就打啦,婆婆媽媽,你咪仲似女人﹗何況游也多都唔似女人啦﹗」左又近諷刺說。





「收聲啦﹗打贏呢條契弟下個到你啊﹗」游也多說。

「唉……好啦。」我唯有接受挑戰。

「啊,唔係喎……我地開左個結界咁咪唔會痛,又唔會比人睇到。」我提議。

「係啵,長長好聰明啊﹗」露比說。

「係幾醒嘅,咁等我揸住部機啦。」左又近接過我遞給他的結界產生器。

大家立刻收好剛才玩鬧的心情,立刻將整個大廈天台化成結界擂台陣,左邊選手林隼和右邊選手游也多即將進行一場激烈的戰鬥。

「好啦,你地準備好就開始啦。」左又近說。