[刺客教條][長篇故] 果晚玩完刺客教條，家姐同我講……: 第164章：林隼升 vs 游也多

第164章：
 
「游也多你準備好啦嘛﹖」我問。
 
「你問你自己先啦。」她自信的笑著回應。
 
擂台的叮叮聲在我腦海中響起，我和游也多立刻衝上前，拳腳交替的互相攻擊大家。
 
「哼，修練呢段時間，都唔覺你勁左咁多喎。」游也多一般攻擊一邊說。
 




可是每拳每腳都被我一一擋下，當然我的攻擊同樣都被她擋下。
 
「咩叫勁左咁多，我不嬲都勁嘅……你估我流咖﹖﹗」相方退後了一步，我說。
 
「咁等你試下我招新野啦﹗」游也多抓出長笛，雙手向地下一推，做出跟打開結界相似的動作，大叫了一聲：「出黎啦﹗」
 
突然間，周圍充滿電光的煙霧。「咳咳咳，游也多你搞乜鬼野啊﹖﹗」
 
「哈哈哈，既然大家喺結界，我咪即管試下新招囉。」煙霧隨著游也多的說話慢慢散去，她身後突然出現了三隻佈滿金黃色電路版的奇怪東西。
 




游也多吹起長笛，像是命令那幾隻怪獸向我攻擊。
 
「嘩嘩嘩，多多姐叫出黎果幾隻野係咩黎咖﹖」露比詢問在旁邊的左又近。
 
「佢新練左招技，係可以用伊甸蘋果嘅力量產生果三隻野去打人，甚至擋住攻擊。果三隻野同我整出黎嘅電子牆同分身係一樣嘅物質黎。」左又近解釋。
 
「咁咪要我打唔到佢，但係我又會比佢地打到。」我一邊四處躲避他們的攻擊，一邊說。
 
「係啊，由於佢地係電子，仲可以變大細添。」游也多說。
 




「痴線，乜咁勁咖咩……」我說。
一邊閃避，一邊看著囂張站在的游也多，腦海突然浮現一個畫面：解鈴還需繫鈴人，如果我直接攻擊游也多佢本人……雖然唔可以打走呢三隻野，只少可以拖延下。或者我扔個煙霧彈過去，會阻隔到啲電子，唔理喇，試下先。
 
於是在空檔時間，我事不疑遲，立刻向游也多拋了一個煙霧彈。
煙霧散開前的一刻，煙霧果然阻隔那三隻東西的電子而慢慢消失了。
 
「太大意喇﹗」用鷹眼確認了游也多的位置後，伸出袖劍在游也多上空進行突襲。
 
游也多露出驚訝的樣子，可是一下秒我看到她奸笑的樣子，而且我的身體都被定住了；因為我被她使用的得意技《魔幻音鎖》打中了。
 
「哈哈哈，係幾好野啊，用煙霧整散我三隻野。不過懵仔始終係懵仔，你係咪唔記得左我仲有呢招啊，戇鳩仔。」游也多大笑說，然後一下向的腹部踏了一腳，整個人被踢飛出了大廈。幸好現處於結界，不會受傷之餘，大廈是結界邊緣，所以沒有跌落地面，安全的回到天台。
 
「嘩，你笨我都唔精，今次抵你話我戇鳩，我真係唔記得左，係有啲料到。」我站起來說。
 
「又真係幾抵嘅……係你精我都唔笨啊懵撚，哈哈哈。我有料到就梗咖啦，不過認真都要諗下頭先你破解到果下。」游也多摸著下巴說。




 
「長長，到你喇﹗」露比興奮的對我說，表示應該是我使出新技能的時候了。
 
「吓﹖乜你又有練新野啊﹖我唔知嘅……」游也多驚訝的對我說。
 
「哼，你夠冇話我地知啦……準備啦。」我做好了準備動作，把右腳踏前一步，把伸出來的袖劍指向游也多。
 
大家都把目光放在我身上，期待著我的精彩表演。游也多雖然沒有露出半點畏懼，但仍然擺出防禦姿勢。
 
「黎啦﹗」我大喊。
 
「咪住﹗」突然間左又近叫了一聲。
 
「做乜撚野啊左生，人地出技就唔好出聲住啦﹗」我洩氣的說。
 




「咪淨係識屌先啦，你睇下果邊先啦……」左又近指著我們後面的那座大廈的天台，正站著好幾個聖殿騎士成員。
 
「吓，又有人黎踏場喇……」露比說。
 
「屌你唔得，阻人出技要燒……燒咩好呢……哎，是但啦。咁我地等佢地行落樓梯先一次過襲擊佢地。」我激動的說。
 
「嗯……」「知喇……」「係，長長……」