[刺客教條][長篇故] 果晚玩完刺客教條，家姐同我講……: 第165章：穢土轉生？

第165章：
 
「咦，我頭先明明見到佢地喺度咖喎。」那幾名聖殿騎士正走到我們身處的位置。
 
「係咪呢度咖﹖你眼花咋下哇﹖」其中一人說。
 
「游也多紅毛咖嘛，左又近白毛咖嘛，仲有果個咩刺客大師同佢條女黑毛咖嘛﹗我好肯定。」那名聖殿騎士說。
 
「唔係喎，佢地可能入左結界都未定喎……」另一人說。
 




「咁仲唔快啲解左佢﹖」
 
我們聽到後，立刻保持戒備狀態，當結界一解除就立刻對準大家的目標。
 
「啊屌，冇預到佢地喺結界入面，冇帶到架餐。」另一人說。
 
「唉，少少野都唔準備好……抵你做死一世散仔。」其中一人說。
 
「你自己咪又係散仔﹗咪嘈啦，攞定武器……由樓梯行落去佢地度啦。」
 




我們四人互相對了下眼，游也多和左又近都搖搖頭說：「你睇下宜家班蛋散……」
 
他們一行三人往著樓梯走下去，我們立刻靠在樓梯口的兩旁，並把結界關上。
 
「左又近﹗」我示意左又近上前。
 
「電子牆﹗」他站在樓梯口外，向裡面產生一道電子牆，剛好擋在他們前面。
 
當他們來得及反應時，一切已經太遲了；正想調頭逃走。
這時候，游也多走出來，用《魔幻音鎖》把他們三人定住。




我和露比隨後衝進去，一拳把其中兩名聖殿騎士成員打暈了。
 
游也多放下了長笛，那名聖殿騎士立刻倒在地上。
 
面對我們的步步進逼，他只好瑟縮一角：「你……你地想點啊﹗」
 
「冇咩啊，姐姐想問下你地宜家搞緊咩咋嘛。」游也多微笑著說。
 
那人感到不寒而慄的立刻回答：「係係係……宜家，總部果邊開始......咪搞緊複製人囉。」
 
「喂，你吹水啊﹖複製人唔係一直都搞緊咖咩﹖」左又近在游也多背後問。
 
「係就係，不過佢地係複製返以前比你地打低過嘅人……專係再打過你地。」那人說。
 
「吓﹖﹗即係咩許sir啊，艦長……谷守果啲全部都會複製返出黎﹖」我問。




 
「我知就係呢啲咖咋……」那人說。
 
「咁咪同果套咩《火滾忍者》個穢土轉生一樣﹖﹗」露比說。
 
「咁又唔同嘅我諗……佢地最多都係去到tp3嘅水平姐，加上我地又有修練過……應該唔難對付嘅。」我說。
 
「係咪啊撚樣﹖﹗」游也多臉一轉，變得兇惡起來。
 
「係……係呱……我真係唔知啊。」那人發抖著說。
 
「真係抵你地做死一世散仔。」游也多搖搖頭說，然後吹起長笛。
 
「你……唔好殺……」那人發了一下呆，笛聲過後，其他人都一同醒來了。
 




「咦，你係邊個啊﹖我喺邊啊﹖」似乎游也多把他們三人的記憶清除得一乾二淨。
 
「呃……你地係……」
 
我拍一下左又近的膊頭，阻止他說下去：「你地係我地自己人黎，我地要準備打低聖殿騎士。」
 
「咩係聖殿騎士啊……」似乎游也多也清除得太徹底了吧。
 
「喂，你叫佢地加入﹖﹗佢地廢咖喎﹖﹗」游也多跟我說。
 
「都叫有幾條友可以頂下啊……既然你都搞到佢地咩都唔記得，咁仲好……唔會背叛我地先啦。」我說。
 
游也多想了想，似乎覺得也很有道理，所以都沒有繼續爭論下去。
 
「係啊，嗱……你地跟住我地啦。記得我地係好同伴黎咖。」露比溫柔的說。




 
「好啊好啊……」那三人興奮的跟著露比離開了。
 
「哎……仲要變曬弱智，希望你做呢個決定係啱咖啦。」左又近對我說。
 
然後大家一起離開了。