樓奴: (2)

永發已經睇左成十幾次樓, 仲未搵到心水, 貴過3百萬或者山長水遠大西北既樓,佢一慨唔考慮, 佢近排睇既都係一D連租約既九龍盤多, 價錢平少少, 不過冇實盤睇始終好難入手. 雖然話睇咁多次都冇料到, 永發都冇唔開心, 反而次次睇完樓返黎都心情好好. 詳情我就唔清楚, 不過大慨都知同佢一齊食足十幾次白果既地產代理叫Gennie, 之前佢去見經紀我都去唔到, 今晚我終於可以去喇, 我真係想睇下呢個Gennie係咩料…
 
Gennie: 阿發呀, 唔好意思呀, 今次唔可以俾你上去睇個單位喇, 業主話上次你睇過一次, 唔ok再上喎, 我都同佢傾過, 佢都係唔肯…喂呀, 唔好唔開心啦, 不如咁啦, 我地而家去對面街間翠華坐低再講啦, 好大雨呀.
 
永發同Gennie衝到對面既翠華, Gennie件黑色外套已經濕左少少, 佢坐係永發側邊除左件褸仔…哈, 唔怪得永發晚晚都忍唔住要做果件事啦, 我而家明晒啦, 白色小背心黑色短裙…永發視線已經不由自主咁近距離不停遊走係Gennie的面孔及身體, 手更竟然好熟練咁放在Gennie的大脾上. 似乎佢地已經超越左一D界線…時間已經係10點鐘, 經過兩個鐘既”詳談”, 永發終於簽左臨約, 俾埋小訂,送Gennie去塔的士, 雖然永發隻手沿路不時作怪, 係Gennie既小腰上下探索, 不過到左呢刻, 永發都只可以同Gennie講byebye, 目送佢坐的士慢慢消失係視線之中.
 
其實永發明白, 以Gennie一個咁既質素既女仔, 出黎”行”又放得開身段, 一定有男朋友, 更加有好多兵, 無論Gennie係只為份佣先肯俾自己抽下水, 還係對自己真係有好感都好, 永發都覺得事情係唔會咁荀, 或者係永發一直都冇運行過, 連佢自己都唔信自己會因為買樓而可以同靚女有下文. 永發一下大氣, 轉面向路邊, 揮一揮手, 截停一架綠Van, 返去屬於佢自己既世界…