我老母話我有未婚妻: 13
[八輩子,原來你大我成20年]
[你都3x歲啦,扮咩呀中女露]
[哼~~我係中女呀咁點呀~~好過你呀伯伯]
[係呀係呀,咁你係唔係唔要我啦~~]
[哈哈~~睇下你表現點啦~~乖乖地聽話唔會唔要你既~~傻佬]
見到佢個天真樣忍唔住一野捏佢塊面一下
之後旁邊屈機佬同童軍係到扮我地
[咦~~好衰嫁八哥哥你捏人既]
[咦~~你咁可愛]
之後露露追打佢地屈機重on99撞到房門
成班人係到笑
有時候覺得,如果無露露,我地既氣氛一定無咁好
果一刻真係覺得自己好幸福...
然後玩到累~~開始執野到打邊爐大會
果陣時己經玩到身水身汗,其實玩wii減肥應該ok我覺得
咁只係打邊爐好悶,咁班人就播住戲咁食啦~~
班人播生化危機2(姐係要係城市逃走果套)
本身大家都係夾D野,之後係到睇,之後又傾下劇情
露露就基本上係到食食食,無睇過套戲
咁突然之間,果邊有D聲突然好大聲,露露成個人彈左一陣
之後露露先開始留意套戲...
本身佢唔睇重好好地
但係佢一睇,完全投入..
重要捉埋我去沙發睇
佢又要驚又要睇
全程捉住我隻手一有少少野就拎黎遮住
有時dzombie未出黎佢又己經叫定先
攪到其他人都叫埋一份
我想夾野食佢又捉住我
[唔好走啦求下你我驚一陣突然彈d野出黎]
見到佢咁既樣我都唔忍心行開
佢一路睇一路問,又問點解要救個女仔呀果d
我就出奇
[你唔係睇住嫁咩點解你咩都唔知既]
[因為我長期時間其實係瞇住眼睇我真係驚有野彈出黎嫁!]
突然屈機佬係後面大叫
露露驚到抱實我係我耳邊大叫
攪到我驚埋一份係到望住屈機佬大叫
[呀!!!!!!咪埋黎呀!]
班人見到,係到一味笑
幫手執埋野,大家就解散~~
行返屋企期間,經過龍x居
同露露係裡面又食左d野先返屋企
佢真係大食到
食飽飽,拖住佢想返屋企
但係露露話唔想咁快返去~~
於是出左去出面坐,望住條臭河,真係情趣都減幾分
呢個地方其實同班人黎過好多次,坐係到吹水都唔係第一次
但係次次夏天黎親呢到又熱又多蚊
都唔明點解要係到吹水...
不過露露叫到無計啦
一坐低,露露突然張開雙手大叫
[今日好好玩,好開心呀~~我好羨慕你呀]
[嗯?點解咁講?]
[因為你d朋友對你咁好囉]
[呵呵~~還好啦~~我地都識左7,8年啦~~大家都經歷過算係多野~~]
[我...都唔知自己算唔算有朋友,但係自從同你班朋友一齊玩之後,我覺得你d朋友都好好人]
[緊係啦~~有我教導佢地呀麻]
[係呀係呀~~個個都好人,係你唔好人]
[點解喎~~我對你唔好咩~~]
[講笑咋~~,錫返無事~啜~~]
之後佢扮錫咁樣,用嘴發出啜一聲
突然,個天開始落毛毛雨...
於是我地兩個開始跑返屋企..
住屯門既人應該知,龍門居向碼頭方向有條路,要行天橋底
果到朝早以前有日剪頭髮20蚊個果個
但係一入夜果到又靜,又有橙燈,真係好恐怖
奈何,我地一趕到去橋底,落狗屎咁
迫於無奈,頭都未乾,濕哂身咁企係橋底等
人又無個經過..又靜真係好恐怖...
攬住露露,捱係旁邊,望住出面等雨停...
聽住d車係頭頂條橋經過..
出面又落住好大雨...
沙沙沙沙沙沙沙...轟隆轟隆車隆...
突然覺得個世界好似得我地兩個
呢一秒,我地擁抱住對方
下一秒,我地或者己經離開對方
我愈黎愈多呢種諗法...但係我叫自己唔好咁諗..
但係奈何,呢d場景,令自己心情陷入谷底..
我望住露露..
露露好好奇望住我,我重見住佢既劉海滴緊水..
[嗯?做咩呀八輩子?]
[露露...]
我慢慢靠近,然後親了下去...
親了第一下後,露露跟我說...
[做咩呀?]
[我...]
[我唔安心...我好驚....你唔會無啦啦自己走嫁可?]
[唔會呀....點解咁問呀..?]
[我愛你呀...露露..]
然後我哭了......
第二次了.....
第二次在她面前哭到這樣了...
有時候或者會諗
我地無識過咪好囉..
如果,我地果日,無望住對方,無笑過咪好囉..
如果,如果,如果...
如果,你唔洗走,咪最好囉....
緣為天定,份在人為
我地有緣相遇,而且經過我地既爭取,我地終於相遇啦..
但係呢?
無奈我地既結局,由我地識果日己經知道
但係我地都係一齊左
雖然話
曾經擁有總好過咩都無
但係果一刻,你或者會覺得
我地寧願無一齊過....
咁或者我地重唔洗咁傷心...
又或者,我地唔洗日後會諗起對方...
係天橋底既時候,一分,一秒咁走......
但係我地己經無在意時間既流走
只係想互相爭取時間去擁抱,去親吻...
好想盡力讓對方知道
[我係愛你嫁。]
係呀..係呀...我真係好想俾你知道我有幾愛你...
單靠動作又或者言語...根本表達唔到我心裡面既愛意......
點解人類可以咁無能..
點解我地可以要係人類...?
點解?點解。
點解我咁蠢明知你要走我都要去同你表白姐
你不停主動親我...
好似想作出心裡的吶喊...
我明白而且我感受到...
多謝你...多謝你....
我完全接受到啦...
但係,你收唔收到我內心既吶喊呢?
應該,收到吧?
點解我地要喊呢..
明明我地都愛著對方,是件幸福既事,是件別人都會羨慕既事
但係點解我地要喊呢
因為...
不久後我們就算我們愛對方愛到要死也要分開吧...
那時候,我己經哭到腦袋有點暈...
而露露也己經哭到開始變抽泣了...
我整個人靠著露露...
抱著她...
希望自己不要就這樣暈死過去...
因為我還有很多話,很多事想跟你說和分享...
我的世界,都想給你....
我們就算再珍惜對方,再重視對方...
遲點也只能遠遠的靠著網絡去連繫......
網絡的進步,令人與人之間的關係漸漸減弱...
可是很諷刺...
將來我們或者就是要靠著網絡聯絡......
我們會從一對戀人....退化到成位一對網友...
曾經的過去也不再真實...
我不知道你的世界,而你也不會知道
我們就這樣,兩個人,互相靠過一句又一句冷冰冰的字串去關心對方
很諷刺,而且很矛盾...
沒遇上你之前
我的世界只有自己......
或許有很多朋友,有家人
可是卻不滿足,而且不珍惜.....
你進入我的世界後.....
起初是多了你一個人
然後,你又把我的朋友,家人,慢慢拉回到我的世界...
慢慢,我發現我的世界是多麼的完整
多麼的令人羨慕...
令我多麼的幸福.....
可是我完全不敢想像你走後的世界...
會不會因為沒有了你這條橋樑...
而令我的世界慢慢崩塌...
再次回到那只有一個人的世界
我害怕,你一放手
整個世界連天空也許會塌下來....
其實說穿了,我是不捨得你走...
在天橋底下...兩人說了很多又很多好像上面那些奇怪的底話
或許你們會聽不明白,可是,我們卻銘記於心...
雨雖然沒停下來或是變少...
可是兩個人己經忍不到了...
回到家,家人都睡著了
大廳燈也沒開...
二人一進門口己經急不及待地開始互相親吻...
鎖好門後..二人慢慢轉戰房間
因為他們都打算再給對方多一點...
他們都希望,能令對方明白,自己是多愛對方...
燈,依舊沒開.二人在房間裡背對著對方...
慢慢脫下身上的衣物....
然後轉身對望
沒有一絲的害羞感
因為,我們本來一出生就是這樣的吧?
靠著街外的燈光,隱弱看到露露那個發育完全的身體...
[你..很漂亮..]
然後開始慢慢擁著她抱到自己的懷抱...
由額頭開始親..慢慢一步一步...親到臉部...
露露沒有感到反感
而且她笑得很幸福...
[我愛你..八輩子..你愛我嗎?]
[我當然愛你...]
露露聽到後,開心得抱緊我...
感受到那柔軟的身體,而且感受到那顆熾熱的心...
我是開始明白到,我有多麼的愛她...
兩人對望,但係一絲性慾都沒有
兩人無奈地對住對方傻笑..
露露突然關心咁講
[著返件衫啦,岩岩又淋完雨,一陣又冷親病呀傻佬...]
[你都係啦~你都著返衫呀,雖然你攬住我都夠暖~~但係咁細無謂羞家啦]
[你講咩呀,你夠膽講多次]
[無呀~~乖乖地,舉高雙手~~我幫你著返件衫啦~~]
[唔制~~好怕羞,你會望住人既]
[好啦好啦~~依家背對返對方...之後自己著,著完我地一齊訓好無?]
[嗯~~好,同你鬥快著]
雖然無做成果種事...
但係我相信...佢己經明白到我想帶出既感覺
而我都完全感受到佢對我既愛...
當我地著返衫..攬埋一齊果陣時~~
兩個對望住..
露露只係一味係到傻笑
我又只係對返佢傻笑
唔知想點,但係好開心
露露突然問我
[你唔知知王寶釧既故事?]
[邊個黎?]
於是露露就叫我坐直個身,聽佢講個故事
[從前,有個人叫薛平貴,佢有個老婆叫王寶釧,佢出去打仗,點知打勝仗~~皇帝獎勵佢,要佢娶公主,但係同時要佢休左屋企個老婆,薛平貴唔肯,扔低佢岩岩打勝仗拎返黎既城,獨個人騎住馬走過半個中國,搵返等左佢18年既老婆...]
露露講到呢到,佢突然嘆左口氣...
[傻佬,你明唔明我想講咩呀?]
老實講..我唔明
[你想指,就算距離對方幾遠都好,只要心裡面有對方就足夠?就算經過18年都會愛著對方?]
[呵呵,你今次蠢唔哂喎好啦~~錫你一啖獎勵你]
佢輕輕錫左我一啖之後,再解釋佢既用意
[其實我係想講既,同你所理解既差唔多但係我只係想講句,無餐點都好,我都係愛你嫁..所以你唔太傷心啦傻佬,你估得你唔捨得我咩我都唔捨得你嫁...我地又唔係佢地,我地掛住對方果陣時打俾對方或者直接飛去搵對方咪得囉,最多我地一齊去打工搵錢,我地勾手指尾好無?走既時候唔準喊.令對方擔心..]
露露帶著微笑同我講...
但係我相信佢同我一樣,都係好唔捨得對方...
我拎出手指尾,微住笑同佢勾勾
[嗯~~應承你啦傻婆..笑~~]
[岩啦,咁先係我既乖老公呀麻笑~~]
然後兩個人又抱埋一齊,訓返落床...
慢慢享受我地既甜蜜之夢...