中三一段不可能忘記的初戀: 5.

個計劃我都同MING嫂講咗，因為我個方法就係叫埋恆仔去。佢一開頭以為我叫埋佢做兵，我就同佢講佢想識朋友，有咩咪當面問清楚。
 
星期日我, MING嫂同恆仔約好咗去我個區其中一間西餐廳食野。
 
「我都估到娘娘實遲到。」恆仔
 
「等陣食飯唔好娘娘前娘娘後我都唔知點樣收科。」我
 
「係啦你條觀音兵。」恆仔
 


已經過咗半粒鐘，MING嫂竟然仲未到。
 
「打比佢啦，再等今晚唔洗食飯啦。」恆仔
 
「我冇佢電話‥」我
 
「屌你唔係呀嘛，唔撚理啦我叫野食先。」
 
「等多陣啦，」我「比啲耐性。」
 


「你咁鐘意等咁你就慢慢等‥」我見到恆仔有啲火都唔敢阻止佢
 
佢叫完野食冇幾耐MING嫂就到
 
「對唔住啱啱睇阿MING練習遲咗走，我電話咁」MING嫂「你好呀！你叫咩名？」
 
「我呢啲小人物你識唔識都冇所謂啦，MING嫂！」恆仔「我去個廁所先。」講完就行開咗
 
「你叫咗野食未？」MING嫂
 


「未呀，諗住等埋你先叫麻。」我
 
「唔好意思呀…」MING嫂「其實我已經食咗啦‥」
 
「吓！你…」我未講完，恆仔突然番咗黎「老母急call，我比咗錢打包走先。」講完就頭都未回走咗。
 
「你個friend好似好嬲咁啵…」MING嫂
 
「係我都嬲啦，你第一次同佢食飯遲多個半粒鐘！而家仲要同我講食完野，而家我都唔知食唔食好。」
 
「我都唔想架，啱啱睇完MING練習諗住去同你食飯，點知佢話請我食飯，我見咁難得佢有時間，仲有成個鐘應該都趕到黎掛，點知食完佢叫我上去佢屋企，我話約咗人，跟住我地開始鬧交。」佢講講下有啲眼濕濕。
 
「好啦唔好喊啦，得陣啲人以為我蝦細路女呀。」我
 
MING嫂笑咗一笑「喂，你都係大我一個月咋！」


 
「笑下咪幾好，我陪你行下啦，反正你都唔食野啦。」我
 
「估唔到你有時會幾好人架啵！」MING嫂
 
「我係一直都係咁好人。」
 
同佢傾咗半個鐘，或姐佢不停咁講咗半個鐘，大概都係呻佢地啲野，最後我忍唔住去M記買咗個餐。
 
「原本諗住請你食好啲，點知變咗食M記。」MING嫂
 
「算啦，留番下次請啦，」我「睇下25蚊加大分鐘仲飽過個西餐。」我
 
「點講今日多謝你陪我，如果平時我應該仲係屋企喊緊。」MING嫂
 


「唔好講唔開心野啦。」我
 
「比啖包我試下。」「唔係呀嗎包你都黎。」「講下笑姐。HEHE」
 
 
話咁快行到佢屋企樓下。
 
「你屋企都有啲錢架啵，呢到唔平架啵。」我
 
「咁又點，我阿爸阿媽琴日又唔知去咗邊，今晚又淨番我同賓賓。」MING嫂
 
「你唔鐘意賓賓咩？」我
 
「佢係好好人同好勤力，但係點講都唔係屋企人呀。」MING嫂「今晚真係唔想番去。」
 


「乖啦，聽日仲要番學架。」我「最多我咀啖咁就乖乖地番上去訓啦。」
 
「好呀！」講完MING嫂合埋眼抬起頭，好似好想我咀落去咁
 
「你…唔係…玩咁大…呀…」我少少嚇親
 
「玩下你咋，睇下你成個傻仔，真係笑地我。」MING嫂「我番去先啦，拜拜。」
 
「哇屌成10點半，我再唔番去就比阿媽鬧啦。」我「咁聽日見。」
 
第二朝
 
「琴日心情唔好，唔好意思。」恆仔
 
「唔緊要，係MING嫂太遲姐。」我


 
「我係同你講SORRY，唔係佢。」恆仔「我勸你盡早離開你個娘娘啦，係時候退伍啦。」
 
「都話咗佢唔係囉，佢琴日…」
 
「你中毒已深，」恆仔「我實在愛莫能助。」
 
「朋友，你返印度食蕉啦。」
 
「食屎啦你，你唔信就算。」