中三一段不可能忘記的初戀: 6.

跟住之後嗰幾個星期MING嫂男朋友唔得閒就搵我，恆仔週不時同我叫我唔好再做兵，話而家你咪係咁比人SIP時間，我都有諗過我可能做緊兵，不過開心就我啦
 
今晚MING嫂突然間叫我出黎，又唔同我講咩事，於是我就懷住不安同緊張落
 
「MING嫂，唔知有咩吩咐呢？」我
 
「其實就係咁嘅…跟我黎。」MING嫂
 
「有咩咁神第呀屌。」我
 


「登登登，就係呢度…」
 
「吓，咩料？」我望一望周圍完全唔覺得有咩咁特別。
 
「呢邊呀，呢間餐廳。」MING嫂「今日黎補番餐飯。」
 
「屌洗唔洗咁神秘呀，請食飯咪講聲。」我
 
「呢間野好出名架啵，你唔係唔識吓嘛？」MING嫂
 


「可能掛，話時話我好似未出世呢間野已經係度。」我「等我打番屋企唔洸留飯。」
 
坐低之後我望望個餐牌
 
「啲野都幾係野，叫個餐就二百幾蚊，」我「你又會喧捨得嘅。」
 
「請你食就唔好咁多嗲啦。」
 
「咁幫我叫最貴個。」
 


「最貴唔等於最好食架傻仔。」  MING嫂「等姐姐幫你點啦，比你叫就浪費金錢加時間。」
 
「咁你幫我叫埋啦，我食咩都冇所謂。」我見到一堆雞腸都唔知係咩撚野
 
MING嫂奸笑望一望我，然後同侍應講咗一堆野跟住侍應走咗
 
正當我諗緊點解個侍應唔收餐牌，MING嫂「坐好啦，姐姐而家教你英文。」
 
「人有三急…」我
 
「唔好扮曬蟹啦。」MING嫂「steak 係咩！」
 
「呢個我識，是的呀嗎，」我「牛肉囉！」
 
「牛排呀傻仔。」「我突登錯睇下你係咪真係識呀。」「唔好咁多嗲，下一個。」


 
過咗一陣，前菜到「得一份？」我
 
「成本問題，點講都有兩份，食吓睇下你知唔知係咩。」
 
我見到有麵包上面有舊啡啡地嘅野，我同MING嫂一啖食咗
 
我一食咗落口，即刻feel到入口即溶嘅感覺，啲肥油就比麵包吸曬，咬落去啲油就標曬出黎，成個感覺真係…
 
「好好味呀！！！」我 「佢高傲，但係宅心…」
 
「細聲啲啦！」MING嫂「咁知唔知係咩黎。」
 
「唔……知」
 


「鵝肝黎架。」
 
「唔怪得咁油…」我「但係真係好好食。」
 
MING嫂「跟我就有口福啦你。」
 
唔知星期六特別多人，我同MING嫂之後玩餐牌玩咗好一陣，慢慢都有少少明餐牌啲野係咩。
食完就附近行緊
 
「個steak 好soft好juicy呀！」我
 
「好難聽呀，講英文講到咁…」MING嫂「呢餐覺得點呀？」
 
「多謝MING嫂，我永遠唔會忘記呢一餐嘅恩典。」
 


「得啦得啦，以後記得乖乖地聽姐姐話下。」MING嫂「個日MING就係呢到同我示愛…」
 
「唔好曬得唔得。」我「你隔離個條友冇女架。」
 
「以前頭幾個月咩都得，」MING嫂「而家成日都話唔得閒。」
 
「嗱嗱嗱，你又黎啦。」
 
「其實啱啱間餐廳我第一次係同MING黎，食完佢就同我示愛。」MING嫂「第二次就係啱啱個次。」
 
MING嫂「早一排成日都叫佢帶我黎，佢又借啲已轉而話題，結果同佢講咗月都冇黎。今日叫番個日同佢食嘅野，我真係好掛住個感覺，啱啱埋單我嚇一嚇，原來都唔平，可能佢咁樣冇帶我黎，但係點解未追到之前咩咩咩，追到就埋我呀。最後就不了了之。」
 
我靈機一動，隨手係個公園摘咗朵花，「阿晴，呢幾個月黎我都好努力咁比幸福你，唔知你可唔可以成為我女朋友。」
 
我見MING嫂閃過一秒驚喜嘅表情，然後就開始大笑，「你扮得好猥褻呀！！」


 
「屌，都唔好玩嘅，」我無奈
 
「你再練下個表情啦！」MING嫂仲笑緊「比啲心機啦，你係識哄女仔嘅，你好快搵到女朋友。」
 
「你又點中我痛處，」我「只係越黎越難搵到一個啱心水姐。」
 
「等姐姐幫你下你啦。」「 靠你死得啦！」