中三一段不可能忘記的初戀: 7.

過咗大約兩個星期，星期一，一年一度嘅校運會。對我黎講唯好處就係唔洗番學，同埋星期三放假。
 
「好眼訓呀！」恆仔
 
「琴日打機好似打到三點。其實就算係校運會都唔洗打到咁夜，起身真係好辛苦。」我
 
「係啵，我地好似一齊報咗個咩…」恆仔
 
「800米嘛。個社長好友善咁強迫我地求其簡個項目，其實參加下都好，唔係兩日真係憨鳩鳩唔知做咩。」我
 


「都睇下有邊個參加同幾點開始，聽講邊個係長跑校隊其中一個係800米。」恆仔
 
「你有諗過拎牌咩？最緊要唔係包尾就得啦。」我
 
黎到人山人海嘅告示欄
 
「我睇到時間係今日食飯前。」恆仔
 
「咁我地容咩易又遲放飯架，我想去食個間日本野呀！」我
 


「放心啦我地又唔洗點換衫，再唔係叫A同B幫我地攞位先。話時話點解搵極都搵唔係低年級800米架。」恆仔
 
「係啵…搵到啦！」我「屌你咁短唔怪得睇唔到。得八個參加…八個！？」
 
「你唔係講笑呀。」恆仔「屌真係得八個，唔通校隊參加嚇走曬啲人。」
 
「可能印錯呢，等陣開始咪知有幾人囉。」
 
話咁快到咗我地參賽嘅時間，張野應該印錯咗，因為現場……………得六個人。校隊，我，恆仔，兩個中一加一個肥仔。個肥仔就係咪問人可唔可以一齊跑，唔想一個包尾咁樣衰。
 


「同你鬥快呀！輸咗請食飯。」恆仔
 
「怕你呀！銀包袋穩啲呀！」我
 
我抬頭望向觀眾席，見到MING嫂係唔同社好似叫緊我同我打氣，我突然充滿鬥志。
 
「嘭！」六位參賽者就開始跑，個隊校好似要破世界紀錄咁一下就唔知去咗邊，我同恆仔十金力不相伯仲，但係好明顯好多人決定第一個圈留力。到第二個圈，大家開始發力。有個中一跑得好快，我同恆仔好明顯唔夠佢快，另一個中一都知唔夠我地快所以同個肥仔一齊跑，我同恆仔明白到如果要攞牌就要嬴對方，到最後二百米我同恆仔都好接近，如果咁樣落去我未必嬴到，突然諗到條計
 
「恆仔…有個秘密…想同你講…好耐」我
 
「有咩…跑完…先講啦」恆仔
 
「恆仔…其實…我係基架…」我
 
我見到恆仔跌一跌差啲仆街，係佢慢落黎同時加速直沖終點。就係咁拎咗人生唯一一個校運會獎牌。


 
「屌你呀，我真係比你嚇一嚇呀，如果仆咗街我比全校笑到面都冇呀！」
 
「你都唔係我恨有女恨到傻，咁到嚇到你就抵你請我食飯！」
 
 
今日流程快咗，仲有十分鍾學校先肯放飯，上留觀眾席後面見到MING嫂好似係到等我。
 
「你好叻啵，咁都比你拎到牌。」
 
「係咩？…好彩姐。」我「你條仔仲勁啦，短跑年年第一，淨係跳高輸比邊個拎銀牌。」
 
「佢係校隊黎架嘛，你唔同呢，『陪跑』都拎到牌。」MING嫂
 
「哇你笑我定串我呀。」我講完都覺得有問題


 
「我見到恆仔突然間仆一仆，你知唔知發生咩事呀？」
 
「我同佢講我係基，又真係嚇到佢。哈哈！」
 
「咁佢都信，哈哈！」我地兩個就咁樣笑就陣，突然……
 
「睇下你，出曬汗啦。」MING嫂拎咗張紙巾出黎幫我抹汗，「出咁多汗你一定好比心機架啦…」
 
我企定定唔識郁，佢一下一下好溫柔幫我抹，好彩所有人知道就黎放飯係曬門口等住走，冇咩人係附近睇到
 
「得啦得啦…」我「比人見到係你我就出事。」
 
「你成日都咁驚做咩姐，我自己有分數啦。」MING嫂
 


「點講你都有男朋友架。」我「我啲Friend等緊我食飯慶祝架，我行先啦。」
 
雖然口裡說不，心入面真係好想佢再抹多陣，我而家真係覺得好甜。
 
「做咩呀你，唔見十分鐘就嘴角含春。」恆仔
 
「諗起咁都有牌拎，跟住去有人請我食我最愛嘅日本餐廳我就覺得好幸福。」我講大話進步咗好多。
 
「諗起都嬲嬲地，點解咁都比你嚇到。」恆仔「算啦，兄弟嬴咗都係開心嘅。」
 
「多謝曬老細，唔知個到最貴係咩呢？」我「唔係咁對我呀五仔。」恆仔「而家唔食唔通到要我比錢先食？」