中三一段不可能忘記的初戀: 8.

 
第二日校運會都係最精彩嘅一日，所有高年級決賽都會係今日一次過去曬，而且中五同中七可能最後一年，大家都好期待呢場事賽。
 
「今日跳高決賽咩？」我
 
「咩呀，跳高只係過去曬架啵，冇初賽決賽。」同學A
 
「到MING跳啦！」啲女出曬水係咁叫
 
「佢同佢死敵都有參加，唔知邊個嬴呢？」「一定係MING啦！」「未必，MING從來都冇羸過佢。」


 
睇黎今次跳高比賽會係最精彩嘅賽事，因為短跑佢無可能會輸。
 
其實對囡囡黎講可能好刺激，但係對我黎講遠遠不及短跑刺激，連個廣播都冇講佢地跳緊幾高。終於到MING跳啦，我係觀眾席都見到佢十分集中咁望住個高度，助跑，起跳，彎腰，落地都係完美，抵佢咁多囡囡為佢瘋狂。
 
我完全感受唔到個種氣氛，但係值得一提MING最高加最後一跳嬴咗，同第二名比高成10CM，見第二名完全唔夠佢玩，唔知MING練習咗幾耐先有咁嘅成績。
 
轉眼去到頒獎典禮，唔係社長提我我都唔記拎獎，雖然第三，但係企係頒獎台個感受真係完全唔同。最正拎完獎可以係繼續係下面睇，啲囡囡女童軍定咩春都著曬制服真係另類誘惑。
 
到校長致詞，MING行咗過黎，同我講：「你係唔係五仔？」


 
「我係，MING哥。」我感受到有種壓迫感
 
「我女朋友呢排成日提起你啵。」MING
 
「可能坐佢隔離啦，同埋你之前叫我幫手睇住佢呀嘛。」我唔知點解有少少驚
 
「幾叻仔呀，校運會咁多人參加拎到個牌真係好叻仔。」MING
 
「唔好講笑啦，你三個金牌，我得個銅。」我


 
佢微笑一下，「最近考MOCK有啲忙，校運會到聖誕係會考前叫有啲得閒嘅時間。我都想抽多啲時間陪下我女朋友，可能佢仲係有啲細，一直踩住線都唔知，希望你提下佢，唔係踩過界就太遲。你明唔明白我意思。」
 
「呀……我明啦，我會抽多啲時間打機或者溫書，考到好大學先識女朋友。」我諗咗一諗都明白佢意思
 
MING好滿意點咗一下頭。其實聽得出佢都好關心條女，而對我嘅語氣盡可能最好。咁樣一講我聽得好舒服又令人明佢意思，咁我都要識做啦。
 
之後個一個月MING成日黎班房探佢條女，我都好識做咁去其他地方避一避。我都少咗同佢傾計，MING嫂約我出街我都搵藉口話唔得閒。其實我都好想約佢出街，MING嫂係有男朋友，我都忍住希望我自己唔好再踩咁深。
 
到聖誕聯歡會，完咗個歌唱比賽就上番課室，MING嫂比咗張聖誕卡我「番到屋企先拆黎睇。」
 
「你搞到我好想睇啵，不如我而家拆啦！」我
 
「你而家拆我即刻收番呀！」MING嫂
 


「OKOK，話時話第一次收聖誕卡，有啲感動，多謝曬！」我
 
「又拎咗你第一次添，唔好意思囉！」MING嫂
 
我最後一次聖誕聯歡就係呢個開心嘅日子完結。
 
通常完咗我同啲換套衫就落街去網吧打機。九點幾先番到屋企，一開電腦MING嫂MSN我，「你睇咗張卡未。」我見到佢個行就即刻睇下寫咗啲咩咁秘密要番屋企先睇得。
 
五仔︰
 
今個學期好開心識到你呀，你知我冇咩朋友架啦，你係MING仔外第二個男仔Friend。一開始覺得你有啲黑人憎架，以為你又係啲一般黑人憎個啲男仔，但係慢慢發覺你好捨得幫人，好似你好有心機教我數學咁。
 
仲記唔記第一次同你出街，你食飯個樣真係好樣衰呀，雖然我漫無目的咁行，你只係怨咗一句，你其實真係好有耐性，係我最孤獨嘅時候扶我一把，我一定唔會忘記
 
自從校運會你就無以前咁關我，但係見你都仲好肯幫我，所以我好想知發生咩事。其實呢個月MING多咗好多時間陪我，但係我有啲自私嘅，我都好希望你都好似以前咁樣對我。雖然MING對我好好，唔知點解我反而想你對我好。


 
祝你聖誕加新年快樂！
XX晴
 
我心真係有啲軟，我真係有啲想番以前日日引佢笑，日日整少少野玩下佢，有少少曖昧，但係真係好懷念個種感覺，又或姐自己真係已經鍾意咗佢。
 
我諗咗佢，「我有新目標，唔想同你咁埋令人地女仔誤會我同你咩。」
 
我就冇理個MSN，之後打機分散一下自己個注意力