中三一段不可能忘記的初戀: 18.

到咗星期日，
MSN
「咩你呢兩日咁得閒嘅。」恆仔
 
「哎，佢仲未講呀。」
 
「唔係呀麻，都成個星期架啵。」
 
「就係講咗成個星期都仲未肯講緊囉。」
 


「咁叫佢同個校草分手，同全校最柒嘅人一齊係有啲難度…」
 
「最柒嘅人好似公認係你啵…」
 
「屌，你自己知道自己有幾柒啦。不過唔對路啵，佢唔係真係拖你呀嗎？」
 
「哎，我真係唔知佢點呀，可能同人講分手係真係比較難掛。」
 
「可能係啦，總之你自己睇住啦。」
 


「其實，我可能讀埋今個學期就去外國…」
 
「你唔係講笑呀，你過咗去咁MING嫂點…」
 
「我都有同佢講呀，佢話走之前咩要留咩美好回憶喎…」
 
「你咁激佢，如果佢真係鍾意你就應該好快開口啦，但係…」
 
跟住阿晴打比我，「你可唔可以上黎我屋企呀，我好悶呀。」
 


「唔得閒呀！」
 
「你咪又係打緊機…」
 
「係又點，我又唔係你條仔。」
 
「唔好咁啦，我啱啱Send咗短信比佢話分手。」
 
「咁佢回個時同我講。」
 
「吓，而家人地想你陪我…」
MSN
「佢而家搵我出街…我話唔出。」
 
「佢係咪搵你做兵呀…」


 
「佢琴日同MING講咗唔出去，所以今日就得閒搵我囉。」
 
「唉，你想去就去啦，你都時日冇多啦。」
 
「咁聽日見…」
 
「得啦我出黎啦，去邊？」
 
「去我屋企啦！」
 
「你屋企冇人？」
 
「阿爸阿媽應該晏少少返，快啲上黎啦！」
 


「唉，考試前最後一次…」
 
我去到佢屋企樓下，突然有個男仔行過黎「呢到係私人屋苑，唔可以隨便架啵。」
 
「你係邊個，呢到實Q？」
 
「唔係，不過你冇需要…」
 
「咁我上去關你撚事呀！」
 
「你再係咁我會報警…」
 
「你咪報囉！我上去搵friend，睇下搵friend警察受唔受理。」
屌都知咩撚事第一次上阿晴比人問野
 


「睇下我send咗短信比佢啦！」阿晴比個電話我睇
 
「唉，佢回先講啦…」我「你之前又話面對面好啲嘅。」
 
「咁我唔夠膽嘛…」
 
「係呢，啱啱上黎比人問咩我唔比上黎嘅？」
 
「咁得意？」阿晴個樣有少少疑惑。
 
「唉，上咁多次得今次係咁，」我「會唔會阿MING叫人睇住你呀…」
 
「佢邊有咁得閒，佢叫你去你唔會唔睇住我？」
 
「咁佢有人跟佢架嗎…」


 
「我點知咁多姐，唔好講唔開心野住，搵啲野玩啦！」
 
 
之後冇咩特別野發生，我地兩個一齊出街食咗飯，奇怪嘅只係阿晴唔洗我送佢番屋企，我見佢咁堅決唔洗我送我都冇理咁多。
 
第二日返學，琴日係樓下見到個條友原來係同校，佢行埋黎同我講
 
「五仔，我想講MING已經有時間陪佢女朋友，請你以後唔好再煩住佢地兩個。」
 
「哦，原來你真係MING啲跟班，好好好，咁你以後唔好再煩撚住我OK？」
 
我同阿晴講，佢話佢都估到少少，只係唔知點解MING連佢屋企樓下都要睇住佢。
 
「今日MING同我講佢部電話壞咗…」
 
「有冇喧啱呀，」我「姐係琴日你send比佢個啲野佢完全冇睇過啦？」
 
「唉，我真心唔知點開口…」
 
「其實你可以繼續同佢一齊…」
 
「唔得，我一定做到，我同自己講過一定要講到出口，唔係嘅話我以後唔再同你出街。」
 
當佢講出口個一刻我真係有啲感動，不過我都覺得成件事唔會分咗手就完咁簡單。

不過佢都好似係不繼拖，我地仲出過一兩次街，不過大部份時間都係自己一個，突然好懷念冇月嘅日子，真係好撚自由，做咩都唔洗諗左諗右，不過我不時提下阿晴佢都只係話就黎就黎。不過每一次同阿晴出完街第二日返學都比人警告，其實都有啲驚講真個句。
 
到咗六月第一個星期，亦都係考試前一星期，阿晴終於講出口，個一日係星期一，佢喊曬打比我，我都知佢好辛苦，不過拖咗咁耐都總算講得出口，佢都鬆一口氣，之後個星期就要考試，我地都要開始溫書，不過考完試個日就係阿晴生日，我都好想快快咁考埋試就同佢一齊顛一日。
 
我阿爸突然同我講17號佢會同阿媽一齊去旅行，一星期之後先返，我仲講笑問佢地做咩唔監視住我溫書，佢話呢啲野自動自覺，佢地係唔係到都改變唔到啲。不過講真個句真係好開心佢地可以走，姐係考完試就可以帶阿晴番屋企過夜，雖然我地咩都唔做，不過成晚一齊個種感覺真係好幸福。
 
正當我以為我考完試就可以同阿晴一齊，MING終於做野啦