「砰!砰!砰!」整個會場槍聲不斷,所有既人都爭相躲避
在場既特工有d保護住各國外長從各方出口逃走,有d同2名外籍女子駁火,可惜在未擊殺佢地之前,已經有幾名特工中槍倒地

我地三人先躲響大門後
我:「果然冇估錯...rina,新月,掩護我」
「石仔,你想...」rina未講完,我已經衝入會場,準備救走外長

我跑往會場既大枱既左邊,已經發現外長正響角落,抱頭躲避槍擊,周圍均是外長既保鏢,佢地均為保護外長受傷倒地
其中一名外籍女子已發現我既舉動,正想向我射擊
好彩,rina同新月已經響大門後連續向外籍女子開槍,為我拖到不少時間





還顧四周,其餘四國既外長就已經成功逃脫
我扶起印度外長,問:「Are you ok?」
驚魂未定既外長答:「y..yes..」
兩名外籍女子見狀已經馬上射擊,想阻止我救出總理

奇怪....果兩條女只係狙擊印度外長..完全唔去截擊其餘國家既外長
唯一解釋既係,今次Sombras既目標係,我身邊既印度外長!

我一邊推外長到大門方向,一邊向兩人射擊,再配合rina同新月既掩護,成功安全護送外長




滿頭大汗既我邊跑邊向佢地解釋:「今次Sombras既目標就係印度外長」
rina露出驚訝既神情:「吓...」
「冇時間解釋啦,依家最緊要係甩開果兩條女」
新月提醒我:「博覽道停車場有5架IID備用既私家車..」
「嗯,我知啦」

我地四人響通道狂奔,兩個外籍女子繼續追住我地開槍
我拎起掛響頸旁既耳機:「boss...」
boss:「石仔,rina,你地同外長冇事丫吧?」
「冇事,不過似乎今次Sombras既目標就係印度外長,我地四個依家會落去博覽道停車場逃走」




「好!小心d」

我地先將外長推入右邊既牆後,我望住右邊不斷出現既彈孔:「rina,一陣,我地襯佢地換彈果陣衝出去,我射左你射右!」rina點頭:「嗯」

「砰!砰!砰!」終於,等到佢地兩個同時冇子彈既黃金機會
我同rina襯住呢個空檔跑出,瞄准外籍女子
rina射了三槍,一槍成功擊中右邊既外籍女子胸口,應聲倒地
我向左邊既外籍女子開左4發子彈,其中一發打中左肩,另外三發都射失
「發!」忽然,一粒子彈中正外籍女子額頭,我望望右邊,係新月既「執雞」
新月微笑,道:「石仔,你眼光差左喎」
我企起身,尷尬道:「冇計啦,平日太少練靶啦..」

我地依住新月既指示,跑到博覽道停車場
新月指住一架黑色既toyota:「係呢架啦...」隨即遞上鎖匙比我
外長口吃地用印度式英文問:「what...what's happen?!」




我實在冇時間同佢解釋咁多:「somebody want to kill you ar on9!!!!!!!」
我地再冇理外長,新月將佢推入私家車既後座,而我同rina就坐前座,由我駕駛

「啪!」我地撞開入口既欄桿,直衝逃出停車場
我拎起耳機:「boss,我地帶左總理出會展會場,而家駛緊入告士打道」
boss繼續為我規劃路線:「做得好,你地首要任務係甩開所有追兵,用西隧或者紅隧都可以,confirm之後再聯絡」

我駕駛住toyota由會議道轉入告士打道:「我地依家先要確保冇追兵」
新月:「頭先我地解決左2個殺手,連埋之前響尖東捉到果個,即係依家仲有...5個殺手..」

「砰!!!」說罷,一架黑色寶馬就從左手邊,撞向我地
rina:「石仔,係追兵呀!」
「oh my god!」外長亦嚇得大叫

我迅速地回直軚調整汽車,再望向右邊,又出現一架灰色寶馬




車上既三人都係紅鬚綠眼既外國人
後座既一人正拉下手槍板機,對我地呢架toyota開左多槍

「右邊有槍!!小心!!」
我低頭避開破碎的玻璃,新月亦響後座保護住外長,將佢禁低
我同rina都拎出手槍,各自射向左右邊
rina開左幾發子彈,已經成功擊中左手邊既殺手,黑色寶馬亦失去控制撞向圍欄
但可惜我開槍既同時又揸緊車,始終未能射中右邊既三個殺手
躲避住子彈攻擊既rina亦忍唔住對我抱怨:「石仔你射準d啦,我地就黎比人射到變蜂巢啦」
「屌!!揸緊車點射呀!!」

新月於後方見狀,亦向右邊私家車開槍
佢槍法較準,並且可以專心瞄准,打中後座既槍手

屌,冇理由得我一個射唔中掛!





我踩實油門,再急速扭軚,撞向該車,車手馬上比我撞到失平衡,鬆開軚盤
我把握住呢一下拉近距離既機會,對車手開火,終於成功打中車手,灰色寶馬馬上衝落橋下

經歷一輪激動後,我地呢架黑色toyota已經千瘡百孔,繼續駛往東區走廊
我奸笑道:「rina,咁我咪打得中囉,嘿嘿」
rina:「哼,符碌!」

「砰砰砰砰砰砰砰砰砰砰砰砰砰砰砰砰砰砰」忽然,接連不斷既槍聲再次出現,亦將後面既車窗打碎
「屌!!仲有?!!」我望望倒後鏡,一架戴頭盔既黑衣男子,正揸住電單車用SMG掃射
竟然可以邊揸車邊射SMG,果然唔簡單

後座既新月上膛,繼續用槍射擊
黑衣男子面對新月不停既槍擊,就用S形既蛇式行走方式避開子彈,繼續處處逼近





電單車加速,駛到我地右邊,黑衣男士正用SMG對準後座既外長
呢個距離射既話,外長肯定冇命
「磨你薑!!!」我當機立斷,馬上扭轉軚盤,將佢逼到圍欄,佢亦一時始料不及,未能夠射擊

我馬上近距離開了兩發子彈,打中黑衣男士左臂
「砰!砰!擦!擦!」



「屌,冇彈!!!」唔係呢d生死關頭先搞呢d野下話

黑衣男子冇放棄,繼續利用自己剩餘既力量舉起SMG,指住我
我見前面50米就係圍欄既盡頭
再繼續響呢個距離既話,一定會撞上防撞欄

我立刻拉開距離,同時避免比佢零距離爆頭
黑衣男子太大意,佢只係掛住射我,冇留意到路面既情況
「砰!!!!!!!!」隨即撞向前面既摺疊式防撞欄

而電單車響撞向防撞欄後,油缸被撞穿,再加上高速撞擊,電單車隨即爆炸

8名殺手,全數被我地三人解決
已有 0 人追稿