「唔該,我係黎interview架,頭先打過黎架啦」我對住reception既中年阿姐道
「石至磊先生哦呵,麻煩請跟我黎」中年阿姐帶我去右方既走廊
呢度係中環畢打街告羅士打大廈35樓,我響睇到果份報紙之後既果個下晝,就到左呢度見果份私人保鏢既工

中年阿姐帶我到最盡頭既房間
「就係呢度?」我不禁問,因為間房只有四面牆,乜都冇
「係呀,你等一陣丫」中年阿姐hea應我就出返去

「屌...唔係比人呃左上黎做鴨下話....」我心裡一寒
「擦!」無幾耐,門再次打開




我望向門口,空無一人

忽然,我感到身後出現一股殺氣
我馬上轉身,一個身穿棒球褸既瘦削阿叔竟然出現響我既身後,正以迅雷之速踢向我既中軸
我冇諗太多,馬上雙手格檔
呢個阿叔腿力強勁,即使我受過師父既功夫訓練都比佢踢到退後兩步
襯住阿叔收招,我亦以箭步突前,以前手刺拳直攻阿叔既頭部

阿叔亦唔係省油既燈,佢用左前臂格開我既直拳
再轉以右手一掌襲向我




我睇準時機,用雙臂交叉作出空手入白刃,成功卡住佢既掌擊

「ok,你合格..」該阿叔輕輕咁講左呢一句
「吓.....」我漸漸鬆開雙手
阿叔道:「我係話,你已經過左初步測試啦,證明你可以勝任特工呢一份工作」
「特工?」我打左個突「我睇份報紙係寫..保鏢架喎,你係咪玩野呀阿叔...」
個阿叔從口袋拎出手巾抹汗:「大佬,就係咁先呃到d人上黎interview咋嘛,大大隻字寫特工既話冇人敢in啦」
仆街中伏:「屌,咁當我去錯地方啦,我走啦」
阿叔試圖留住我:「你知唔知,依家呢個香港既特工其實冇乜野做架咋...仲hea過d私人保鏢架」
我轉頭問:「係咪真係5皮一個月,包食包住先?」




阿叔點頭:「當然啦」
「唉屌,事但啦...」我只係唔想再受師父既臭脾氣,其他野事但啦,特工咪特工囉,我又唔係唔打得

阿叔微笑一下:「嗯,咁歡迎你啦石至磊,跟我黎」
個阿叔打開位於房間左邊既一道暗門:「阿叔你頭先就響呢度門入黎既?」
「係,所以先可以偷襲到你姐」

門口打開,係另一間房間
一張大枱,三張凳,係一個典型面試室既格局
仲有一個同我年紀相約既少女坐響凳上
啡長髮既佢著住tshirt牛仔熱褲,再配上vans布鞋
雖然同港女一樣都係冇乜波,不過勝在樣靚,對腳仲幾好J

「坐丫!」阿叔示意叫我坐響少女旁邊
我坐低,同時亦留意到少女對我既眼神有D敵意




「好啦,你地兩位都成功通過初步測試,亦都即係表示,你地將會成為我地International Intelligence Department,IID既特工.我唔單止係你地既考官,仲係你既既trainer以及未來既上司,你地叫我做boss得啦.咁..你地兩位先介紹一下自己先」
我吸一口氣:「我叫石至磊,18歲,中五學生..」
講到呢度,少女「嘻」左一聲:「唔係掛,18歲讀中五,哈哈...咁鬼死蠢就咪鬼黎in特工啦!」
仆街笑鳩我?:「我係唔鐘意讀書,唔代表我蠢喎!」
我繼續回答:「我尋晚比屋企人趕左出黎,我唔想再受佢地氣,所以我先黎in呢一份工」

叫boss既呢個阿叔道:「咁...呢位靚女呢?」
少女既說話感覺上比我輕鬆:「我叫rina,18歲,上年,讀,完,中,六!」佢仲要特登強調,真係打靶女黎
「我屋企人長年響外國公幹,我唔想再靠佢地,又見自己識功夫,所以我先黎左呢度」

「你冇全名架?」boss不斷將我地既資料填上白紙
rina有d唔情願:「唔..講得唔得呀..你..你咪就咁寫rina落去囉」
「要整特工執照呀,講啦」

「陳小妹」





rina講得太細聲,boss再問:「咩話?!」
「陳...陳小妹」
boss聽到後忍住笑:「哦..陳小妹,都幾好聽丫」

「小妹呀哈哈哈哈..小妹呀格格格格格....」聽到「陳小妹」三隻字我已經笑到失控
rina怒視住我:「咪再笑呀,死變態佬!」
「吓?乜野變態佬呀!」
「你由頭先入黎再開始昅住我,仲唔係變態佬呀?」
「痴線,你乜水呀,唔比得人望架?」

boss打斷我地既對話:「唔記得同你地兩個講,你地兩個係今個月唯二合格既interviewee,所以我會安排...你地兩個成為拍檔」
「吓!!!!!!!!!!!!!!!????????????????」我同rina都嚇左一跳,唔係掛要同呢條女做拍檔,肯定多災多難
「大佬...我地IID好多個月冇人pass到初步測試啦,你兩個身手咁好,又狗咬狗骨,岩哂做partner啦!肯定唔會做左婚姻介紹所啦!」boss笑道
屌,唔係掛......




我望住rina,rina又望住我:「唉...是但啦,都係返工先見到呢條女姐」
「你估我好想見到你個變態佬呀?」
boss:「丫唔記得同你地講,你地兩個partner...係住埋同一間屋既,咁樣可以方便溝通」
rina:「唔係掛!!!!!!!!!!!!!!!!!!」

「嗱,呢一間就係你地兩個既屋啦,呢間獨立屋都幾好架」聽左boss講左幾個鐘既briefing之後,佢車左我地兩個去流浮山既一間獨立屋「不過你地暫時都仲係見習特工,每個星期六日都要接受我既訓練,詳情我遲下會再同你地講架啦,我走先,你地慢慢啦」
rina放低手袋:「痴線...點解要逼同你呢個死變態住喎...」
「你都低b既,一路響度屈我係變態佬,你有妄想症就睇醫生啦!」
「總之以後除左任務之外我係唔會同你有任何接觸呀!」rina斬釘截鐵道










「嘩屌..做乜發左個咁有歷史既夢呀...」我張開雙眼,原來係發夢
我望望鬧鐘,原來都6點幾,差唔多夠鐘車rina去機場

我從睡房行落樓下
聞到一陣美食既香氣「做乜咁香既...」
只見飯枱上有兩套西式早餐,rina除低圍裙:「醒啦石仔...食早餐啦」
「做乜臨上機仲咁麻煩整早餐呀?」
「我見咁耐以黎都未整過早餐比你食嘛,咪煮返餐當係慶祝你溝到瞳瞳囉...」
我食左啖太陽蛋:「丫又煎得幾好喎」
「嘻,駛乜講!」
「你去到果邊記得溫柔d呀,d日本仔唔鐘意女仔粗魯架」
rina食住香腸:「我好唔溫柔咩!?」
「對住我咪唔溫柔囉...」
「哼,餐餐煮飯你食都唔溫柔?!」
呢餐早餐,絕對係我食過最好食既

食完早餐,我就揸車送rina到機場
rina精神有d差,估計尋晚應該訓得唔係幾好:「你好似好眼訓咁既?尋晚冇訓呀?」
「唔係呀...訓得唔好嘛..」
我奸笑:「你緊係唔捨得我,所以訓唔著呢..」
rina打我一下:「邊個唔捨得你呀!....雖然...又真係有少少既..」
「唔好咁啦,你又唔係去左唔返黎,你放假咪返黎探下我囉」
「嗯..」

大約9點3
我陪rina走到離境大堂前
「石仔,你送到我呢度得啦..你唔係諗住入埋閘下話」
我點一點頭「嗯,去到小心d呀...記得識個靚仔男朋友」
「緊係會啦,我到左會報平安架啦!仲有丫,你要好好珍惜瞳瞳呀,比我知道你辜負佢,我即刻返黎打死你架」
「知啦..」佢由頭先開始已經講左十幾次叫我好好對瞳瞳,煩到丫
「咁好啦,石仔你保重啦,bye!」

「rina...」我拉住rina
「做..做咩呀?」
「...多謝你,呢段日子做我既拍檔」
rina聽住我呢番肺腑之言,笑道「你做咩呀,無啦啦講d咁既野,瞳瞳先係你女朋友呀!...真係走啦我,再見啦石仔」
「...嗯,再見啦rina」說罷,rina就走進離境大堂

頭先果一刻既我,唔知點解好想喊,但總唔可以響rina面前喊
我回頭一望,睇住rina既背影

不過我相信,我同rina呢對黃金拍檔總會再見

我拎起手機,睇到瞳瞳既信息:「石仔呀,我今日dayoff呀,不如一齊去行街丫」
「好呀,12點你屋企樓下等丫」

放心啦rina,我一定會珍惜瞳瞳

To be continued
已有 0 人追稿