3.yoakemae

「多..多多指教...」我回應
我地身後既狗公睇住長腿女神已經有著落,都懷著失望既心情返狗竇
airi拎出筆同紙:「好丫咁我地寫低名同student id先啦」
我地快快手寫好,交出去比光頭佬

返埋位後,airi問:「之前我仲驚冇去ocamp會搵唔到groupmates tim,好彩有你地兩個響隔黎姐」
我:「唔緊要,我地都冇去ocamp..不過你都唔驚啦,頭先我見到上面都有人想過黎搵你form group」我留意到坐上面果幾隻狗公已經仇視住我,大佬我都唔想架,我有瞳瞳架啦
「我見到呀,不過果d人個樣都唔似做野既...」吓唔通我同阿昇又似做野咩?





我再冇理airi,繼續上堂


大約上多個幾鐘,光頭佬:「咁,今堂就係咁多先,下堂繼續」
我望望手錶,原來咁快就兩個鐘
大專呢d上堂方式果然比起返中學自由得多

「阿昇,食咩呀,一陣一點半先有堂」
「求其啦..我都唔熟黃埔」




呢個時候,airi:「你地..」我地兩個回頭望住佢
「介唔介意我跟埋你地一齊食呀?因為我暫時成班淨係識你地兩個咋..我知隔黎poly間hall canteen好似都ok架,不如就去果間丫」
「吓..」我有d反應唔黎
阿昇:「緊係得啦,我同石仔都冇所謂既...」
我心諗,你唔係想收我同阿昇做兵下話?你攤大手板,後面隻隻狗公都請你啦,駛乜同我地食

hkcc同poly宿舍只有一條馬路之隔,我地三人好快就行到去
雖然呢個hall canteen有hkcc學生證就入得,但我總覺得周身唔聚財,就好似grad din毒男圖咁,成日feel到周圍既人笑緊我呢個asso仔
airi買左碟肉醬意粉,我同阿昇就買過頹爆既燒味飯就算,但求食完快d走
airi響食飯期間不斷問我地野,細至私下既興趣,大至dse成績都問




我同阿昇見airi好似冇乜機心,都願意答佢(當然阿昇個dse成績係佢9up啦)

「係呢,你地兩個有冇facebook呀,add左遲下做project都方便d丫」
「哦,好丫」我同阿昇都比左自己既facebook佢,然後我同阿昇都互add返
事關IID d特工都比較少互add facebook,所以我facebook係冇新月,阿昇,只係有add同我較熟既rina
我見到airi既facebook icon係同個男仔既合照:「咦呢個係你男朋友呀?」
「嗯!佢叫Jonathan呀」哦咁都好d,超碼佢唔係想溝我

阿昇既facebook差唔多乜都冇,得堆on9 game邀請
airi指住我個facebook:「咦,呢個係石仔你女朋友呀?」
我facebook icon係同瞳瞳既合照:「嗯,係呀」阿昇亦馬上禁入我facebook睇,真係八卦
「你女朋友...讀cu架?」相信airi已經禁左入去瞳瞳個page度「唔怪之得咁多ocamp相啦...」
呢一句話觸動左我既神經:「係呀,佢讀中文系,呢幾日仲響ocamp」
「嘩你女朋友好犀利呀...忽然好羨慕佢tim,又靚又叻」
你話我唔mind就假既,我即刻打開facebook




睇住瞳瞳著住唔同顏色既tee,同其他mk仔影大合照,又打埋d乜on9組名
個心,總係有d酸
不過既然係我叫瞳瞳去玩ocamp,就唔應該咁小氣既
聽日瞳瞳就出camp架啦,頂住

食完呢餐飯,我地三個又再返去上堂
由於呢一堂係跟dse成績分班既英文堂,英文較差既我同airi就一齊上,阿昇老作出黎既成績都有lv4
airi見我冇乜玩手機,好奇問:「石仔,點解咁少見你玩手機既?」
「手機game我麻麻地鐘意,何況我女朋友都未出camp,whatsapp都冇人好搵啦」
airi嘻左聲:「就咁聽,石仔你都算係個廿四孝男友喎,又唔會唔比女朋友去ocamp,又唔會襯佢唔響度搵其他女仔」
「係..係咩..」
上英文堂實在太悶,所以我同airi都忍唔住打下牙較,同時令我對佢有多幾份了解
嗱唔係溝女呀,我了解下新同學姐

佢阿媽早死,所以一直由阿爸一手養大




「airi咁你中學果陣...多唔多人追架?」
airi有d難為情:「呃..都有既,拍拖就一兩次咁囉」
「你咁靚女唔係應該好多人追架咩」
「未必架,有時d男仔反而會覺得你高不可攀而唔敢追你」
咁講都好d,我對瞳瞳又多返少少信心

就係咁,我同airi兩個吹下水,仲終於頂到三點半放學
「喂石仔你咁遲架!返去啦」比我早放既阿昇已經響校門口等緊我
我對airi道:「我同阿昇走返黃埔果邊搭車呀,airi你呢?」
airi:「我搭火車返屋企呀,聽日見啦石仔,bye!」

我同阿昇望住airi漸漸縮細既身影
「喂,點解佢淨係同你講byebye唔同我講架?」阿昇真係痴線的
我為airi辯護:「一時唔記得姐,何況我頭先上堂同佢傾耐d計,friend d掛」
「屌,你唔係睇中人下話?」




一聽到呢句我即刻火都黎:「你講乜野呀,我對瞳瞳一心一意架」
阿昇見我有d火,馬上笠水:「講下笑姐,唔講邊有得笑丫,哈哈...」

我同阿昇走返去停車場:「阿昇你比起我仲似睇中人啦」
「唔係,識多個朋友姐..你知架啦,我果陣讀engine男女比例係99:1架,比我識下女仔丫,何況....新月bb先係我杯茶嘛,hehe」
「唉,冇你咁好氣...」一直都猶疑緊同唔同佢講新月最憎你呢d煩人,不過諗諗下都係繼續比佢叫下春算

大約廿分鐘,我同阿昇就返到去淺水灣道既別墅
阿昇落車後:「唔見左新月bb架車,即係佢仲未返啦唉..」
「新月都要返學架,你估人地全職廢青咩」
阿昇打開大宅既門:「係喎,我聽日下晝有野做,你聽日一點半放左學自己返去先啦」
「吓,你有咩野做呀?」
阿昇伸住脷:「聽日9月1號係metal gear v發售既大日子呀,我呢d no.1 fan緊係要拿拿聲去攞貨啦」
「老老實實,你同我認知既尖子真係好唔同喎,尖子唔係永遠淨係諗學術野既咩..」
阿昇開著ps4:「咁係你識果d尖子廢姐,哈哈」屌,真係串過馬撚





「我返黎啦...」新月兩手抽住餸菜,打開家門
阿昇一見,馬上掉低手掣:「你返黎啦新月bb...」
一聽到bb兩個字,新月即時怒視住阿昇
阿昇比佢嚇窒:「冇..冇野...冇野啦」
新月撓過佢:「我買左成個禮拜餸,今晚我煮飯,石仔聽晚到你啦」「嗯」放低餸菜,新月就返左上自己房換衫

「嘩屌,嚇死我咩新月bb」阿昇拍拍心口
「你就抵死啦,你同d女未熟都唔會叫人bb啦,何況係新月..」
「sorry囉,唉希望新月bb唔好嬲左我啦」
阿昇你溝到新月既話,我食屎都得呀

大約七點幾,新月就已經煮好飯
「呵呵,等我試下新月d手勢先」阿昇放左一舊蝦仁炒蛋落口「哇屌!好好食呀!新月你真係入得廚房出得廳堂呀」
我:「新月,你煮野d手勢有進步喎...」
新月:「你走左之後,師父有教我...係喎,你又話返去探師父既」
「遲下先啦,岩岩開sem唔得閒嘛」
新月抱怨我:「你講左好多次唔得閒啦...話哂師父都養大我地,返去見下佢老人家都好丫」
「唉,遲下先啦..」唔怪得新月既,佢根本唔知道我同師父之間既心結

食完飯,阿昇話要搞d野,落左去地下室,我見冇野做咪跟左落去
我坐埋一邊用notebook上網,飲住Caplis,對響貨van入面工作既阿昇問:「阿昇你搞緊咩呀?」
阿昇伸出頭黎:「我搞緊架貨van既automation,到時響operation期間我就可以專心做support,架車就可以自動駕駛啦....咦,新月,你落左黎既...」
我轉身望住入口,原來新月都落左黎
新月走向貨van:「唔好誤會,我只係對你既發明有興趣」說罷就走入貨van研究阿昇既發明
阿昇聽後笑容滿面,唔係仲以為自己有機下話

「嘟嘟嘟嘟嘟..」我既skype響起
「喂石仔!好耐冇搵你啦,呢排點呀」著住tee既rina抹住有d濕既頭髮,似乎岩岩沖完涼
「前排boss編左我入新team,咪要搬去新既基地囉..」
rina:「新team?你要打絕對零度呀?」「嗯」我唔講rina都估到
「咁你小心d啦,咪住先..咁你新果個基地響邊架?」
「淺水灣道」
「吓,咁唔公平架!我同你果陣得流浮山,我走左你就有得別墅!」
「咁...係因為我地呢組有三個人姐..」

rina拎起杯飲水:「三個人?」
「係呀,就係新月同埋..」
「嘻嘻,仲有我呀,我叫阿昇呀!」阿昇唔知幾時放低自己做緊既野,響我身邊出現
rina亦向佢打招呼:「你好呀,我叫rina,係石仔以前既拍檔」
我:「喂,阿昇你專心d做野啦!」
阿昇望向響貨van上對佢怒視既新月:「丫..係喎,我過去做野先啦,哈哈..」

「嘻嘻,你個新拍檔都幾搞笑架喎..」
「唔駛理佢,佢傻架..」我細細聲咁講:「佢傻到鐘意新月tim呀..」
rina笑道:「新月都幾好丫,係cool少少姐......係喎,咁你呢排有冇搵瞳瞳呀?」
我一臉無奈:「佢聽日先出camp呀...」
「你快d約佢呀,唔好比佢跟左d獸父呀」
「知啦...不過佢出camp咁攰,無謂要佢咁辛苦啦...係呢,你響日本呢幾日有咩搞呀?」
只見rina嘴角含春:「..嘻嘻」
「咁既樣,即係識到靚仔啦」
rina點一點頭:「我尋晚去左IID東京分部既聯誼會,識到個...研究組既男仔叫智也,同佢幾岩傾咁囉...」
「咩樣架?可以搞到你發哂姣咁」
「咩發哂姣呀」rina拎出手機,展示佢同果個智也既合照
「丫又真係幾靚仔,咁你快d追佢啦」
rina面紅紅道:「唔係掛,女仔要有d矜持架!而且我都feel到..佢對我幾nice咁」
「係咪你諗太多咋」
「我既直覺好準架囉!」




同rina傾完冇耐,我就返左房訓,留低阿昇同新月兩個響地下室繼續整貨van

第二日
我同阿昇如常返學,當然都係遲左半個鐘啦
今日著住牛仔短裙既airi見到我地:「早晨呀石仔..阿昇」
我坐響airi隔黎:「早晨..」睇個款airi好似返左好耐咁,而阿昇就只係揮一揮手就算,我相信佢個心已經飛左去metal gear度
airi遞上自己寫滿字既notes:「呢d係頭先阿sir講過既project requirement,你抄低先啦」
我:「唔該哂..」其實我仲未知呢一科up乜春,不過都照抄左先啦「喂,阿昇,快d抄啦..」
呢一堂我同airi都好專心上堂,好快就去到1點半落堂

「喂石仔食咩呀?好肚餓呀」阿昇拎起背囊
我亦背上totebag:「你唔係去拎game咩」
「大佬,都要醫好肚先打到機架嘛...」估唔到阿昇仲有幾分理智
「咁行囉..咦airi,你一唔一齊食呀?」
「嗯,好丫」airi露出甜美笑容,我都差d頂唔住

我地一行三人行到落學校既樓下,正討論食乜好
「石仔!!」一把熟悉既聲音響我耳邊響起
我望向門口既大閘前,身穿ocamp tee既瞳瞳已經向我揮手
「瞳瞳?」我知瞳瞳今日出camp,但係估唔到佢會特登過黎紅磡


airi好奇問:「呢個就係你女朋友嗱?」
「係呀..咁依家...」
airi輕輕推我一下:「咁緊係你同女朋友二人世界啦,我同阿昇食得架啦..係咁啦,bye石仔!」
「哦...bye...」

「瞳瞳,你唔係岩岩出camp咋咩?做乜仲落黎紅磡呀?」
「咁...人地掛住你嘛,你好唔想見到我咩?!」
我連忙解釋,抱緊瞳瞳既右肩:「唔係..呢幾個禮拜不知幾掛住你呀..」
瞳瞳挨落我既身軀上,對我撒嬌:「嗯,算你啦!好肚餓呀,快d去食野啦!」

我帶瞳瞳去左紅磡聞名既時星快餐,雖然事實上唔算特別好食
不過可以睇到瞳瞳天真既笑容,任何既漢堡牛肉都變得A5和牛
「石仔,食薯條啦,啊...」瞳瞳遞上沾滿茄醬既薯條
正當我想張開口,古惑既瞳瞳瞳馬上將薯條放返入口「嘻嘻,好食!」
「喂,咁古惑架你!」瞳瞳比起當初溝到佢果陣更有情趣,的確係sweet d既
睇黎,瞳瞳已經將上個月發生既事忘記得一乾二淨

「石仔,你返左兩日學,點呀?」
我食左一啖漢堡:「都幾好丫,上堂幾輕鬆,都識到朋友...阿昇呀..airi呀...」
「airi...係咪就係..頭先果個長腿靚女呀?」
我估唔到瞳瞳會問起airi:「係...係呀...」
「講到口質質咁既,石仔你係咪..鐘意左佢!?」
「吓...點會呀....緊..緊係冇啦!瞳瞳你又靚又對我好,我點會...」我連忙解釋
「講笑咋!我緊係信你啦石仔..雖然果個airi靚過我咁多,又咁高,不過我信石仔你唔會拋棄我既」
痴線,瞳瞳竟然咁問..唔通妒忌airi有得同我上堂?

「係呢..你ocamp玩得開心嘛?」
「好玩呀,組爸阿Jack同組母Lucy都好好人,仲有呢...」
即使我麻麻地想聽,不過作為男朋友點都要關心下瞳瞳既....

「呢個就係我地組紅心king既大合照啦,你睇下」瞳瞳遞上手機
嘩屌,呢一組d女得瞳瞳同yuri個樣係正常,其餘全部豬西....
屌,唔係,我睇乜撚野呀,我應該要睇下d仔

d組仔個gel哂頭染哂髮,就算隔黎mon,我依然聞到佢地同個組爸一樣散發出濃烈既狗公味
只係,除左一個黑髮既組仔
個樣....硬係響邊度見過...

我指住此人「瞳瞳,呢個人...」
「hey boy,tell me why,一加一係二都搞壞..」我既電話鈴聲響起
「瞳瞳唔好意思,我聽聽電話先」

「喂」
「石仔,我係boss,肥仔深...失蹤左..」
已有 0 人追稿