「喂,阿昇,你地搞掂未呀」我整理住自己新既配槍walther ppk
阿昇從van仔探頭出黎:「仲差少少呀....你條友丫,咁多支槍係要揀呢首walther ppt既」
我冷笑一下:「007都係用呢支嘛...」呢樣野係rina同我講既,因為佢係007既no.1 fan

依家係晚上既11點半,距離今晚綁架絕對零部既任務仲有半個鐘

新月正同阿昇整頓好任務用既van仔,而airi就用毛巾抹住狙擊槍
我問:「今晚駛唔駛用到狙擊槍呀..」
「上次你都話唔駛用架,最後咪又係..」airi微笑道
面對airi既反駁,我唯有一笑置之:「哈..咁又係,以備不時之需都岩既」





今次既任務目的就係捉住絕對零度既成員
主要就係利用佢地入去銀行既空隙,響出面佈好陣,再響佢地出黎既一瞬間將佢地制服
我同新月會響近距離攻擊,airi響遠處阿昇就繼續擔當netvigator

「石仔,你冇野呀嘛..」坐響我對面既新月問
「冇野..有d緊張姐..」我裝作無事,其實仲係擔心緊瞳瞳既事
新月拍拍我膊頭:「放心啦,瞳瞳好快會原諒你既..」
「嗯..」我開始懷疑,係咪每個女人都識讀心?






12點正,boss已經同時聯絡我地四人
「喂,你地準備好未?」
「一早準備好啦boss,scout中心果邊點呀?」阿昇打住呵欠
「已經有特工響果邊standby緊,街道既天眼系統亦ready好」
此時我地四人乘坐既van仔已經響車房準備好,一收到絕對零度既車出黎就可以隨時出發








但,時間一分一秒地過去,果邊既手足依然未有消息
「嘩屌...真係一味響度等架喎...」阿昇悶得玩手機
我飲住calpis:「咁都冇計架,份糧包埋架嘛..」
「丫石仔你真係港豬黎架喎,我地依家OT黎架」阿昇半講笑咁鬧我
我真係笑而不言

「咇咇咇咇咇咇咇咇咇」
耳筒內呢一下響聲將我地嘈醒
唔通係boss?

「各位,絕對零度既車..已經出左黎..」boss冷冷道
「佢地係駛緊去柴灣既方向,我地會盡力跟住佢架啦..」

阿昇馬上chok起樣:「各位隊員,準備好未?」
我地三人都對此不耐煩:「快啦屌你...又想話早d收工?」




「好啦..出發!!」
閘門打開,我地既van仔亦駛出大宅

凌晨既港島同日頭截然不同
就好似28日後咁,成個城市好似空哂,冇哂人咁
途中,boss亦不斷向我地匯報返情況
「佢地轉左出去東區走廊,似乎目標都係響港島」
如果係港島既話都唔錯既,起碼佢係響住我地呢個方向行

「佢地轉左入英皇道....即係北角...」
此時我地既車亦已經天后
「佢地停低左...響英皇道326號果間東洋銀行出面,連埋司機佢地大概有四個人」
新月回應:「嗯..即係今晚既目標就係呢一間啦,我地依家就去準備」

響由天后駛去北角既幾分鐘內,我地三人已經拎住地圖制定好策略




我擔當住指揮官既角色:「一陣我同新月,就會響銀行既兩邊埋伏,而airi你呢,就響對面既行人天橋上面camp住佢地」
新月接住道:「佢地一出黎既時候,我同石仔就會儘快制伏兩個先,airi就用狙擊槍打低淨低既,到時執生」
「嗯!」聽airi既語氣,佢似乎比起上次追槍手既時候更有自信

van仔停左響春秧街,以免同佢地太接近
「阿昇..咁你就留響度STANDBY啦」「屌...得啦」阿昇似乎對自己仲未可以上前線感到失望
新月提起左手:「對錶,0230,出發啦..」
車尾門打門,我地三人戴起面具,各自向住自己既目標位置出發

我:直接穿過行人天橋到達北景街
新月:穿過英皇道到Golden Harvest既門口埋伏
airi:響行人天橋上戒備,並將視線範圍內敵人既行動匯報
阿昇:用無人機鏡頭直播銀行內環境

「airi standby」




「石仔standby」
「新月standby」
兩分鐘內我地三人都已經先後準備好
響我呢一個位置,已經見到絕對零度既車,只係一架非常普通既七人車

「airi,你睇到有人未?」阿昇經andphone問
「未呀,銀行入面仲係黑哂燈」
新月:「但係銀行道閘係開左架喎..即係佢地仲響入面」
我依家個心都有d噗噗跳,始終都仲係有d緊張

「佢地出黎啦」airi道
呢一句將我地喚醒
我地即刻打開andphone,連接住airi旁邊,阿昇既無人機鏡頭
可以清楚睇到
佢地總共有四個人,全部都係輕裝




我同新月都戒備好,準備用拳腳功夫將其中兩人制服

「佢地出到黎啦,準備拉緊閘!」airi道
卡卡卡卡卡卡卡卡卡!隆!
呢一下應該係佢地拉閘既聲
「新月,準備..」
「1,2...3」

我同新月各自跑離自己既位置,衝向轉角既銀行正門!
響眼中有四個身穿黑衣既蒙面人,身上冇槍械
但我冇理太多,一個膝撞擊向最近我既蒙面人小腹
再一下左拳打中佢既太陽穴,成功將佢擊昏
由於佢地完全冇預料到我既突擊,佢地已經比我打亂陣腳
而另一邊既新月,亦以相差無幾既攻擊方式擊倒另一個蒙面人
只剩低兩個

其中一人正想取出腰間既手槍還擊
「吱!」
一瞬間,airi已經擊中此人既右手,手槍亦甩到幾米外
新月再一下掃腿將佢踢跌,簡單地制伏佢
只係剩低一個...

「吱!」「吱!」「吱!」「吱!」狙擊槍既聲不斷響起
airi慌張叫道:「石仔!剩低果條友走甩左呀,佢跑得好快,射唔中呀..」
我回頭張望,餘下既蒙面人一早已經拔足而逃,跑向天后既方向
屌,我同新月都太大意啦,完全冇留意到
我亦馬上起步追住蒙面人:「我追!新月同airi確保好果三個人質先!!」
新月:「石仔,你搞唔搞得掂架?」
「放心啦,好快!」

我跟住蒙面人轉入長康街,佢真係好撚快,依然同我保持住100米既距離
佢返去報串既話,我地以後要查就更加難
屌,點可以比佢走甩!

跟到去堡壘街時,蒙面人忽然消失左
「屌...去左邊呢..」
「石仔,你跟到去邊呀?」新月問
「堡疊街,依家唔見左佢...」
阿昇:「返黎先啦石仔,一個走甩左姐!」
「唔駛...」

砰!
耳邊傳來一聲巨響
忽然,頭好痛,視覺開始矇糊
「石仔..石仔!」airi不斷叫喊
慢慢,我就失去左知覺
已有 0 人追稿