【驚慄】《冥婚：血紅色的裙褂》點解會係我同你？: 二十三、寂靜的瀧山村
二十三、寂靜的瀧山村
「瀧山村？」眾人訝異的問。
「距離幽山村唔係好遠，但詭異既傳聞比起幽山村有過之而無不及。」陳影紅說。
「相傳好耐之前，瀧山村係一條好靚好繁華既村落，人人安居樂業，但唔知點解一夜之間，佢地所有村民都唔見曬，但所有野都係好整齊，無野唔見。」陳影紅說。
「咁似香港個鎖腦盤村既⋯⋯」藍朗蕎說。
「近年有好多人去個面探險，但佢地全部都遇到好可怕既事，唔係嚇到傻就係講唔到野，一係就好似畀結界擋住入唔到去咁⋯⋯」陳影紅說。
「咁恐怖⋯⋯？咁我地會唔會係個邊出事⋯⋯」嘉駿問。
「我去過，我真係去過。」古一說。
「瀧山村周圍有好多結界同邪靈，但係如果有我畀你地既護身咒，就可以暢通無阻入去。但你地入到去都要萬事小心，唔好驚動裡面既任何野，淨係搵人就可以。」古一說。
「點解劊子手後人仲要住係個到？」藍朗蕎問。
「個清末劊子手叫洪濤，個後人叫洪亮。洪家後人一生都要背負住血債，佢地身邊既人都會不得善終⋯⋯」
「洪亮唔想延續呢個惡咒，所以打算避入去一個渺無人煙既地方就算。而瀧山村剛好就係佢要搵既地方。就算瀧山村入面有幾強既惡靈，都會因為佢把刀既凶氣震懾，所以佢先可以係瀧山村生存。」古一說。
「所以佢寧願自己一個生活，都唔願意要其他人犯險？」藍朗蕎問。
「係，我之前曾經去過問佢借刀，但佢都唔願意。」古一說。
「咁你點解會覺得我地可以？」嘉駿問。
「因為你地同佢一樣，都係受害者。身受其害但唔想人地承受一樣既痛苦，你地其實好相似，我深信就憑呢一點，佢會肯幫你地。」古一說道。
「我陪佢去。」藍朗蕎說。
「下？但你怕唔怕⋯⋯」嘉駿遲疑。
「我係鬼，我仲可以怕咩？」藍朗蕎笑說。
「咁我都去！」鄺子仁爭相說。
「你唔得。」古一斬釘截鐵的阻止了鄺子仁。
「你一直都係外人，咁多人去打攪人地，都唔係一件好事，況且入面既邪靈會對你造成好大既危險，你無謂咁樣搏丫，後生仔。」古一說。
「無錯喇，況且我地呢到都需要人幫手，我地係到一定要諗出山妖既真身到底係邊，同埋係乜，咁就可以趕得切係佢地拎把刀返來既時候，一次過了結呢隻山妖，同呢個咁荒謬既儀式。」陳影紅說。
「好，就咁做，我地分頭行事！」嘉駿說。
-
古一替嘉駿和藍朗蕎設下護身咒，讓瀧山村的惡靈無法傷害他們，然後他們就出發前往瀧山村了。
至於幽山村，也風起雲湧。
長老們始終懼怕山神的威力，他們認為若不奉行山神的旨意，幽山村就會遭遇滅頂之災。所以，長老們召集了一眾村民，召開緊急大會。
「各位，昨晚我地緊急進行既冥婚儀式受到破壞，山神從天而降，大發神威，處死左孫老太仲有個外來既法師⋯⋯」長老站在村中心的空地講話。
「山神既震怒令我地都懼怕⋯⋯佢畀左兩個選擇我地。一，就係破壞、毀滅我地既家園，殺害我地既家人！」長老朗聲道。
「二，就係我地今次奉獻十對男女畀佢，然後我地如常生活落去⋯⋯」長老說，大家開始議論紛紛，母親都在擁緊自己的兒女，生怕他們會被選中。
「而我地亦都決定左，揀第二個方法⋯⋯」長老說。
「今次，我地就抽簽，睇下抽中邊十對男女喇。」長老繼續說，在場的村民都不禁驚恐地直呼不要，可是卻沒有人願意站出來，說一個「不」字。
「無人反對，咁我地就抽喇⋯⋯」長老們繼續不理群眾的聲音，將準備好的紙條名牌盤拿出來。
「停手呀！」人群外圍出現一把清脆的女聲，原來就是恢復清醒的汪蔓渟。
「而家唔係話隻山妖想點，我地就要點做，更加唔係你地想點，我地就跟住點！」汪蔓渟走進去中心地帶，與長老們對峙。
「靚妹，大人講野，細路女唔好⋯⋯」長老正要教訓汪蔓渟之際，汪蔓渟卻先一步伸手止住了長老。
「夠喇，講咁耐，你班長老犧牲過咩野？無呀！每次犧牲既都係我地既性命，點解我地條命唔係我地自己話事？點解屬於我地自己既地方，唔係我地自己話事？」汪蔓渟朗聲道，全場都靜默了。
這時，陳影紅、鄺子仁及古一都來到了。而汪蔓頤也在角落看著汪蔓渟的演說，不禁點點頭，用欣賞的神情看著汪蔓渟。心想，這個妹妹總算長大了。
「我地一直都好驚，會揀中自己。然後當唔中自己既時候，會覺得僥倖。但你諗深一層，我地本來就唔應該要驚！我地一直唔出聲，就一直畀呢班人渣欺壓，呢班事不關己、己不勞心既人控制我地既生死！」汪蔓渟說。
「我地埋怨自己條村咁慘，羨慕人地條村有幾好，但你先諗下自己，有無盡自己一分力去為呢個地方努力？」
「我地仲有機會架！我地仲可以去挽救，我地仲有希望，只要唔放棄，我地仲有一絲希望！嘉駿已經搵到方法對付山妖，我地可以唔使再驚，以後都唔使！」汪蔓渟繼續發表演說，在場的人都慢慢覺得汪蔓渟說得有理，開始點頭。
「只要我地團結，一心對抗，就會成功！無論成唔成功，起碼我地都努力過！爭取過！」汪蔓渟說，可是她卻沒留意在她背後的長老居然悄悄拿出小刀⋯⋯
「你班死老野都幾卑鄙喎！想陰人？」鄺子仁及時衝過去抓住長老，打脫他手中的小刀。汪蔓渟回望背後，感到驚訝，然後看著鄺子仁。
「多謝你。」汪蔓渟笑說。
「佢地應該要多謝你就真。」鄺子仁笑說，這時村民都群起指責長老們，更把他們綁起來！
「解決一樣喇，而家就要諗下⋯⋯到底山妖化身到底係咩。」古一說。
「仲有⋯⋯希望佢地可以安全無事。」陳影紅說。
-
嘉駿、藍朗蕎根據古一所說的路線，走了半天，終於走到了傳聞中的瀧山村的村口。
「終於到喇⋯⋯」嘉駿說。
「呢到方圓幾里都無人⋯⋯咁詭異。」藍朗蕎說。
「你係鬼來架喎，你都驚？」嘉駿笑說。
「你望下個牌，瀧山村呢三個字都殘到甩色咁濟，青苔都出埋⋯⋯入面仲陰陰森森咁⋯⋯我係鬼都驚喇⋯⋯」藍朗蕎說。
「驚都要入架喇⋯⋯仲有好多人等緊我地。」嘉駿說。
「係⋯⋯咁行喇。」藍朗蕎道。
嘉駿才走兩步，就感到很不安⋯⋯比起幽山村的更不安。就好像有好多雙眼睛正在注視著自己一樣⋯⋯
可是⋯⋯根本沒人。
未完待續