(爸爸no.1)我老豆係口靚妹: 爸爸no.35

爸爸no.35

「嗯.........嗯.........」
我哋依家響某商場門口睇緊表演,咪又係d無厘頭鳩嘢,不過總算唔洗四圍行,
抖吓啦!

不過...........有d倦、有d餓、又凍凍哋!唉!依家先10點,幾時先到倒數呀?
其實耶穌響馬場出世,點解唔搞返幾場金多寶,咁我咪可以響屋企睹吓馬仔囉!
好辛苦!





「你點呀?你隻手好凍呀!」政
「有~~~有d凍咁啦~~~」震吓震吓
「我比件褸你著住先啦!」政

「傻架!你都係潺仔一名,陣間凍死你呀!」
「咁你艾過嚟吖!」政

嘩!佢攬到我實一實,我依家好似隻貓仔咁伏響佢身邊,塊面貼響佢膊頭,原來著得小衫有d咁嘅福利喎!

「前面嗰對情侶可唔可以顧吓其他人嘅感受呢?」噹噹




「好閃!」詩
「閃光彈.......我隻眼!」茵
「我哋係咪唔應該嚟呢?人哋一雙一對,我哋就............」傑仔、汁

「你哋好似睇我唔順眼咁喎,乜我得罪咗你哋咩?」我
「係呀!」全體成員

「唔係呀!阿嘉佢凍得滯,我幫佢擋風咋!」政
「暖笠笠!」甜甜蜜蜜
「........................」怒氣(全體成員)





「10點2咋?仲有成兩個鐘,我企到腳仔軟啦!」撒嬌
「你點呀?你仲病緊不如去商場食d嘢啦!」政

「唔得!出得嚟緊係要倒埋數啦!冇理由為咗我一個.............」
「政仔走啦,你睇吓佢對腳!」噹噹
「阿嘉你對腳響度震緊呀,係咪好凍呀?」詩

「冇乜嘢,係條裙入風大脾有d凍,不過我攬住阿政好warm!」我
「唔洗咁強調攬實阿政嘅!」噹噹
「好啦各位,我哋去食嘢!」茵

「喂!為咗我一個搞到你哋冇得倒數...........」我
「邊個話倒數啫?我哋諗住出嚟行吓咋!」噹噹
「係嗰個話倒數好無聊,係d無聊香港人先會做嘅大小姐,開口埋口話要倒數




咋!」茵

「阿嘉走啦,你再冷病就好大件事啦!」詩
「哦!」




「哇!飽飽啦,坐響溫暖嘅KFC度叫雞真係太幸福啦!」我
「唔好一路食一路講嘢啦,哽死你呀!」詩
「坐低唔夠10分鐘已經食咗兩舊雞!」噹噹

「一包薯格!」茵
「仲有一盒白汁雞皇飯!」傑仔
「另加一個葡撻+半杯汽水...............」汁





「佢可以參加下屆格蘭蛋治大賽!」噹噹
「其實佢今日成日都未食過嘢,所以佢真係好肚餓!」政
「冇食嘢你就出聲啦,你真係想企到12點?」詩

「唔..........唔...........」搶咗阿政舊雞(第三舊)
「就算肚餓都唔好食咁多呀,夜晚食咁多會好易肥架!」噹噹

「唔洗擔心,我晚晚都磅過先瞓,如果重咗一磅我會即刻做嘢,而且我每次病親我都
會瘦一兩磅,呵呵,今晚可以食多一磅嘢囉!」我
「你唔係特登整病自己減肥嘛?」詩

「我洗?我天生麗質,我身材永遠都咁fit咁索.......習習!」
「天生麗質小姐你食到成口油啦!」噹噹
「我同你抹咗佢啦!」阿政同我抹咀





「政仔!你真係當咗佢係3歲細路女呀?比佢自己抹啦,寵壞佢呀!」噹噹
「唓!又關你事?佢係我條仔,唔好話抹咀,同我抆屎都仲得!」我

「噗!咳咳.............」阿詩噴汽水
「大佬呀食緊嘢架,可唔可以唔好講d核突嘢呀?仲有你係女仔嚟架講嘢斯文d啦!」茵
「我都有d頂佢唔順!」政
「我哋學校嘅no.1女神竟然係咁嘅性格...........」傑仔、汁

「你哋做乜嘢呀?今日聖誕節講吓笑搞吓氣氛啫咁都唔得,仲一個二個啄住我!」我
「又真係幾有氣氛嘅,我哋好似帶咗個三歲嘅小妹妹入嚟食開心樂園餐!」噹噹
「哈.......哈........」全體成員
「咕..................」

算啦!今日係聖誕節唔同你哋計,不過真係好舒服,以前我係爸爸,成熟穩重,響老婆




仔女面前都要擺出一個大男人樣,真係講句說話都要有霸氣!

但係依家講嘢可以唔經大腦,講錯嘢嘻嘻哈哈就冇人記得,真係太自由啦,依家
嘅我先係真正嘅我,我係可愛嘅學生妹!

「yeah、吔、吔!」坐響疏發度係咁彈
「政仔你今朝比咗d乜嘢藥佢食?點解會食到佢神神化化嘅?」噹噹
「d藥應該未過期..................」政

「拜拜!聽日10:30響旺角地鐡站見啦!」



************************************************************************


「點解我哋響旺角站出嘅?」政
「太早啦,我想行多陣,我哋由旺角行返屋企啦!」

「今日旺角好多人呀!」政
「旺角不嬲多人架啦,而且今日平安夜加上11點幾,d人要倒數完先返屋企架啦!」我

「點解你今日開口埋口都話倒數?你平時都話倒數好無聊好MK架!」政
「都出咗嚟囉,咁倒數埋先.............冇嘢啦!」



「旺角真係好得意,響嗰幾條街多人到行都行唔到,但響依度就得返小貓三四隻!」我
「今晚平安夜完咗囉,要返屋企啦,咦?前面有人唱歌?」我

「前面係教堂,平安夜當然有人唱聖詩啦!」政
我講小小嘢!我哋依家響窩打老道行返去九龍塘屋企,途經窩打老道與太子道西交界,
即係響教堂對面!

「阿政府教堂會唔會倒數架?」
「梗係會!」
「依家幾點?」我
「就快12點!」

「detail d,幾多點幾多分?」我
「11點58分..............」
「嘩!快d呀快d呀!」發咗癲係咁衝

「等埋我呀.......喂!睇車呀!」政
「嗄嗄.........趕得切吓?」我
「未.......未到12點,d人都未歡.......呼.......」政

「仲有30秒就12點啦!」聖詩班
「12點啦!」我

「10、9、8..........」聖詩班小朋友
「7、6、5.............」好投入(我)
「3、2、1,Merry Christmas  嘩.............」

「嘩........阿政Merry Christmas!」
「Merry Christmas!」政

「終於都可以倒數,終於可以同你一齊迎接聖誕啦!」我
「吓?」政
「吓乜嘢?你唔係話爸爸咁多年都冇同你過聖誕咩?嗰時我忙吖嘛,又多應酬,不過
我又衰嘅,淨係顧住自己冇理到你,不過唔會架啦,以後我年年都會陪你!」

「原來搞咁多嘢,行咗大半個尖沙咀就係為咗同我倒數!」政
「嗯!不過我聖先嚟病,又頂唔到凍,結果都唔可以一大班人響尖沙咀倒數!」

「唔係呀!我覺得依度幾有氣氛吖,好過尖東d大商場好多!」
「真係?咁下年我哋都響依度倒數囉!」我
「好呀!」

「Yeah!下年唔洗同人逼,真係可以踢對拖鞋落嚟倒數都得!」我
「真係辛苦晒你喎!」
「咁近唔辛苦,我哋年三十晚再嚟倒數!」我

「教堂唔唱賀年歌架,第二度啦!」政
「黃大仙!」
「逼到入去先算啦依位善信!」



人生真係好得意,當你千辛萬苦去揾一個最好嘅景點,行足成個尖沙咀,到最後反而係響屋企附近倒數!

完來最適合自己、我最喜歡嘅-----------原來一直響我身邊!