(爸爸no.1)我老豆係口靚妹: 阿政no.26
阿政no.26 出發!塘福宿營(1)
「咕..............」
又話瞓得多驚瞓唔着,一返到去就瞓到成隻死豬咁!不過都好,如果佢失眠我要同佢一齊眼光光!
好!準備聽日去camp d 嘢!衫、褲、牙刷毛巾.............仲有我d書呀!
點幾啦?要快d瞓啦,如果唔係聽日冇精神!
嗶!
隻衰貓!
夜貓: 牛奶仔Merry Christmas!
牛奶: Merry Christmas!
夜貓: 我11點幾已經揾你啦!你唔上水之嘛,喂!你唔係有街出吓?
牛奶: 我出咗去倒數!
夜貓: 偽毒,又話冇朋友,大時大節咪又係有街出!
牛奶: 幾條毒撚咋,叫做行個圈啦,你呢?
夜貓: 打機、睇動漫、玩貓、同老婆(二次元)倒數囉!
牛奶: d節目幾豐富喎!
夜貓: 屌你啦!自己有街去講埋d風涼說話,下年帶埋我去啦,我幾年聖誕都冇
見過人啦!
牛奶: 好啦下年啦,喂!我要瞓啦!
夜貓: 唔係呀?聖誕咁早瞓,我諗住同你傾天光架!
牛奶: 對住塊鏡慢慢傾啦,我聽日要去camp.........當我冇講過!
夜貓: camp?毒撚去camp,其實你係咪毒撚嚟架?喂!有冇多個床位!
牛奶: 冇!
夜貓: 好決絕!
牛奶: 我班friend好毒好怕醜架,如果有陌生人佢哋會嚇到唔出嚟架,下次先啦!
夜貓: 咁你去邊度camp呀?
牛奶: 大嶼山!
夜貓: 我都想行吓大嶼山喎,大嶼山邊度我嚟撞你吖!
牛奶: 沙螺灣!
夜貓: 邊度嚟架?
牛奶: 響沙螺洞對面!
夜貓: 咁即係邊度?
牛奶: 好遠你唔識架,你唔好嚟大嶼山好危險架,好!瞓先!
夜貓: 人渣!
呼~~~~~~阿貓其實我係為你好咋,依d大時大節如果我話比你聽我一大班人有男
有女出去倒數,聽日我一個男仔同四個女仔去camp,我真係驚你灰到去跳樓,下次
先啦,下次一定同你出街!
好,瞓覺!
*************************************************************************
9:00am
阿嘉又話9:00上嚟嘅?打個電話比佢先!
「喂!」
「唔............」嘉
「你未瞓醒呀?」我
「d藥力未過好好瞓,幾點.............嘩!9:00我即刻過嚟!」
「唔洗啦,我10:00過嚟接你,你慢慢啦!」
「哦!」嘉
「唷!阿政!」
「你仲有冇事呀?」
「完全好返晒,不過藥力未過仲有小小倦囉!」
「陣間去到抖一抖啦!」
「哦!好啦快d啦,10:30到旺角地鐵站等呀!」嘉
10:30
「啱啱趕到冇遲到!」嘉
「不過你哋兩個最遲囉,我哋到晒啦!」噹噹
「喂!做乜拖埋篋啊?去camp咋扮自由行呀?」噹噹
「咁扮埋佢哋響度痾屎啦!」茵
「哇屌!我未食早餐架,唔好搞到我連隔夜飯都嘔埋出嚟!」嘉
「我學你講嘢咋!」茵
「阿嘉點解你哋帶咁多嘢架?」詩
「全部都係佢d衫褲日用品、護膚品...........連公仔都帶咗個!」我
「你估我係你咩?男仔一條底褲著四日,我係女仔嚟架,d衫褲梗係日日換架啦!」嘉
「全部都係?」噹噹
「由外到內,全部六套!」嘉
「你真係諗住日日唔同look!」噹噹
「仲有佢嗰d護膚、美白...........」我
「貪靚鬼!」三個
「依d叫愛護自己!」嘉
「女王出巡!」詩
「阿政書童!」茵
荔景 10:50
「雖然好遠,原來由依度15min就去到東涌!」噹噹
「係呀!加埋我哋搭的士入塘福,最快11:30可能都到!」嘉
「搭的士會唔會好貴呀?」噹噹
「我哋五個人一架的士唔會貴過巴士好多啫!」嘉
「2點先攞到房會唔會太早出嚟?」詩
「其實真係早咗d,不過你哋個個以為塘福好遠先咁早出之嘛!」嘉
「點解要去塘福唔去長洲?嗰度熱鬧d喎!」噹噹
「膚淺!就係你哋依d香港,乜鳩都話長洲,依家長洲仲多人過旺角!」嘉
「又係你哋d香港人............」三個
「乜呀,去得camp緊係要去郊外地方架啦,你哋有冇見過有人響維園露營,旺角
放紙鳶吖?梗係冇啦,冇feel吖嘛!」嘉
「依d係乜嘢偉論?」三個
「咁塘福又有乜嘢玩呀?」噹噹
「乜都冇!」嘉
「......................」三個
「唔洗驚聽我講埋先,塘福只係一個基地、一個據點,夜晚我哋就響度休息日頭我哋就玩晒成個大嶼山!」
「嗱!陣間我哋到咗塘福放低嘢就call的去梅窩!」嘉
「又係的士?」噹噹
「基本上依幾日全程都係搭的士!」嘉
「咁咪好貴?」詩
「的士錢我比得啦!」嘉
「唔係咁好喎!要你一個出晒!」噹噹
「基本上就算有冇你哋我都係全程的士出入,你哋咪當搭順風車囉!」嘉
「好豪氣!」茵
「大小姐!」詩
「大春袋!」噹噹
「大乜嘢話?」嘉
「有車啦唔好講啦!」我
「嘩!嗰座山好靚呀!」噹噹
「咁鍾意我第日買返個位比你吖!」嘉
噹噹指住嗰座山叫華人永遠墳場,佢竟然將嗰座山當做景點,佢嗰d係乜嘢taste嚟?
「政仔你睇,個海塝好大,仲有人跑步,個海好靚呀,好似小港口!」噹噹
「去到塘福大把海比你睇啦!」嘉
「唔係喎!依度風景真係好靚,有好多船,仲有隻雀.............」噹噹
「噹噹應該係第一次搭依架車嚟青衣!」詩
「九龍城同青衣真係隔好遠,噹噹未嚟過都好正常!」我
「趙語聆小朋友,唔該坐返好d唔好影響其他人啦!」茵
「喂!我哋入到去塘福都係12點,仲要等成粒幾鐘先攞到房,不如落去行吓囉!」
一路講一路行出去
「喂噹噹,佢真係落咗車!」茵
「阿政!攞嘢落車捉噹噹返嚟!」嘉
「嘩......閂門啦!快d快d.......嘟嘟嘟..........」
「砰!哇.........夾撚死我.........」
「嗄嗄.........個衰婆呢?」嘉
「響前面呀!佢真係唔洗理人嗰喎!」詩
「噹噹!」四個
「喂!你哋睇吓,依個商場好靜,冇乜人!」噹噹
「11點咋,你想幾多人呀?」茵
「好多鋪頭都未開!」噹噹
「依個商場都係賣大路嘢,大型連鎖店多,長發嗰個商場多d 得意嘢,同埋多d嘢食
,我以前放學有時都會嚟打躉!」我
「放學.........嚟到依度?」噹噹
「佢講緊小學嗰陣呀,阿政以前住葵芳架!」嘉
「原來你係地膽,好--------你帶路!」噹噹拖住我隻手
估唔到我哋嘅塘福之旅第一站唔係塘福,亦唔係東涌,反而係由我出世到小學
都一直響度生活嘅地方--------------葵青!