(爸爸no.1)我老豆係口靚妹: 阿政no.28
阿政no.28 出發!塘福宿營(3)
「嘩!個海好靚呀!」噹噹
「又係依句!」嘉
「真係喎,有好多碌木棟響度,好得意!」噹噹
「我第一次睇都覺得好型!」我
「有冇落過去睇呀?」噹噹
「冇呀!」我
「出去影返張相吖!」噹噹
「.....................」全體成員
「咁多位襟住佢d手腳!」嘉
「呀.......呀........」制服
「嘟嘟嘟..............」
「得啦安全啦!」嘉
「我幾時話過要出去啫?」噹噹
「得啦得啦冇嘢啦,你繼續望啦!」嘉
「不過對面架車好似係去老鼠樂園!」茵
「係呀,你哋去過未呀?」嘉
「未!」擰頭
「竟然全部都未去過?好,下次我哋拉大隊去老鼠公園!」嘉
「不過我鍾意海洋公園多d,有熊貓睇!」詩
「熊貓都係貓!」我哋
12:25
「嘩~~~嘩~~~嘩~~~~」噹噹響度玩緊噴泉
我哋宜家已經到咗東涌,因為我同阿嘉阿詩都未食早餐,所以我哋買咗d包坐響東涌站
對出噴泉度食嘢,精力充沛嘅噹噹梗係響度玩噴泉啦!
「喂!小心呀,比d水噴到你邊度都唔洗去!」茵
「得啦,我身手敏捷喂,攞d石仔塞住個窿唔知會點呢?」噹噹
「你會比差人拉!」茵
「小妹妹頭先你講d乜嘢?」實Q叔叔
「.......................」
「習習.......日頭真係暖返好多,就算坐響咁空曠嘅地方都唔覺得凍!」嘉
「依度真係好大,真係好想四圍行吓!」詩
「依度住宅區冇乜嘢行咋,同埋我哋夠鐘出發去塘福啦!」嘉
「回程嘅時候我哋順道行吓囉,阿詩你未嚟過?」我
「機場去過一次,東涌未呀,哥哥你呢?」詩
「我嚟過一兩次啦!」我
冇錯!東涌依個地方對我哋嚟講應該好陌生,但係兩個月前每當我聽到東涌
我就會諗起媽媽,因為媽媽嘅新家庭、新生活就響東涌,媽媽所住嘅屋苑就係
響東涌站旁,正正就係我對住嘅大廈!
18樓.........嗰隻窗,媽媽今日唔洗飛,佢可能響入面,我同媽媽可能只係相差100米嘅
距離!
雖然有傾電話,但我哋已經有兩個月冇見,佢依家點呢?
其實媽媽離婚後,我應該會跟佢過嚟東涌生活,依度差d成為我嘅新屋企,不過靈堂
嗰日,媽媽同我講因為佢新丈夫陳志聰陳uncle有個女,唔係咁方便,所以我就一個人留返響屋企!
可能係天意啦!如果唔係留返響度,我就冇可能見返爸爸,(就算響學校見返,以佢嘅性格知道我
跟返媽媽,佢一定同我脫離父子關係) 我亦認識唔到佢哋幾個,今日嘅塘福camp跟本唔會有,
亦都唔會有人同我餵貓、跑步,真係好彩可以留返響旺角!
不過真係好掛住媽媽,唔知佢依家點呢?會唔會真係好有緣咁落街買嘢見到我呢?
等等............
「哈哈........哈........」嘉
我後面有隻...........如果比佢見到媽媽,乜嘢塘福吖,差館醫院就有得去!
「.......................」打冷震
「做乜呀,凍呀?」嘉
「係呀,走囉!」我
「一係就咁心急,好!各位團友-----------出發!」嘉
「喂!我想搭巴士得唔得呀?」噹噹
「咪話咗搭的士囉!」嘉
「搭的士冇feel呀,一大班人好似秋季旅行咁搭旅遊巴先夠feel嘛!」噹噹
「秋季旅行...........」嘉
「小朋友!」茵
「辛苦命!」詩
「得唔得啫?一次啦!」噹噹
「好啦!出發!」
都唔知講咗幾多次出發都仲未到塘福,不過都好嘅,每一個景點都可以留低我哋d腳毛!(佢哋冇腳毛)
「嘩!嗰座山好大呀!」噹噹
「你仲有冇第二句嘅啫?」嘉
「不過的士太矮啦,如果巴士會睇得清楚d!」噹噹
「我哋開車前五分鐘先去排隊咋點上到呀?要等多班先上到真係等死人咩,依家
搭的士咪幾好唔洗等!」嘉
「真係好想落車睇吓!」噹噹
「襟住佢、襟住佢!」三個
「講笑咋........喂!仲有幾耐先到呀?」噹噹
「過咗依個山頂跟住落山沿住海塝行十分鐘就到啦!」我
「終於到啦,yeah!」幾個
「小妹妹坐定定啦!」司機
「哦!」幾個
「到咗山頂啦,落到去山腳見到沙灘好快就到啦!」我
「嘩!見到海啦!」幾個
「砰、砰、砰、砰!」
「哇~~~哇~~~」佢哋幾個起身頂到車頂
「幾位小姐請挷好安全帶!」司機
「比人鬧啦,乖d啦!」我
「落山啦,司機哥哥開快d!」噹噹、嘉
「唔好嘈住人啦!」我
「靚仔!踩油------go!」噹噹
「靚仔哥哥入四波!」嘉
「飄移啦車神!」茵
「加油!的士哥哥!」詩
「你哋唔好再嘈住人啦,落斜好危...........」
「坐穩!」的士哥哥
「洪~~~洪~~~」踩油
「咔、咔!」入四波(架車好似係自動波)
「嘩~~~哇~~~」癲晒
「快d快d快d快d快d!」四隻嘢
響四位可愛美少女打氣歡呼之下,的士哥哥化身紅VAN戰神,踩油直衝落山,
(唔好炒車,我坐車頭)
過咗五連髮夾灣,我哋到達長沙,一望無際嘅長沙海灘終於出現響我哋眼前!
「頭搖又尾擺~~~~~」仲響度唱緊歌
「好大個沙灘呀!」今次到阿詩
「係呀,依d先係沙灘,先係海架嘛!」嘉
「不過沙灘好小人,冇人游水!」噹噹
「白痴!」三個(溫馨提示:寒冷天氣警告生效)
「.....................」幾個靜晒響度睇風景
「前面就係塘福啦!」的士哥哥
「哇~~~到啦!」幾個
「終於到啦!」我
「的士哥哥byebye!」詩
「靚仔哥哥手車好勁呀!」嘉
「到啦,個海好大呀,真係一望無際!」噹噹
「藍天白雲!」茵
「係呀!今日真係好好天氣呀!」我
歷盡艱辛,講咗唔知幾多次出發,我哋終於嚟到塘福啦!
響依度我將會與四位少女一同渡過三日兩夜!
一連三日嘅塘福宿營----------正式開始!