(爸爸no.1)我老豆係口靚妹: 爸爸no.39

爸爸no.39


「嘩好高呀!真係可以睇晒成個大嶼山,你哋睇連地板都係透明,宜家好似飛緊上去咁呀!」麗
「小朋友真係夠晒活力,小小嘢都哇哇聲,唔似得嗰幾個!」我

「係囉!點解佢哋全部合埋眼,連阿哥都係!」麗
「佢哋年紀大心血小唔赫得,你叫佢哋望下面咪即係叫佢哋去死!」我
「閉目養神啫,唔好講到我哋咁細膽!」四毒





「哥!起身啦同我影相,我瞓響地下同我影!」麗
「地下污漕呀起返身先啦,同埋你瞓響地下會整爆塊玻璃,跌死你呀!」原
「爆玻璃?真係當我三歲細路仔咩!強化玻璃嚟架!」麗

「識嘢吓,不過強化玻璃就一定唔爛嘅咩?」噹噹
「一定唔爛!」麗
「試吓!」噹噹攞起個五蚊銀

「........................」
「捉住個死癲婆,快!」我




「嘩........我講笑咋,五蚊銀點打爆玻璃呀?」

「阿麗你記住唔好學佢呀!」原
「知啦!睇個樣都知佢傻傻哋啦!」麗
「死靚妹講乜嘢話?」噹噹

「冷靜、冷靜!」阿茵阿詩一左一右夾住噹噹
「上到去有乜嘢玩呀?」麗
「咪又係嗰d,有個乜乜市集,睇吓d光頭佬隻揪、表演咁!」我





「仲有個心經簡林,幾塊神主牌就叫做景點,其實依d嘢全部都係劏客景點我哋唔
係遊客都唔知上嚟做咩?」我
「咁又帶我哋上嚟?」噹噹

「咁都係一個景點嚟嘅,咪搭完纜車轉頭走囉!」冇神冇氣
「依位導遊姐姐好似好唔專業咁嘅?」麗
「我覺得佢今日好似冇乜心機咁!」茵

係咩?不過我真係冇乜心情,個心好亂好煩,其實我依家最想一個人靜吓!

「到啦,我哋去邊度玩呀?」麗
「咁啦,我哋咁多人,如果一齊行除咗好易走失玩起嚟都冇咁方便,依家自由活動個半鐘,1:30pm響
返依度集合!」我

「小組活動?」詩




「咁你一定同阿政二人世界啦!」噹噹
「我自己一個人行吓,阿政你同佢哋一齊啦!」
「你做乜嘢呀今日?玩自閉呀?」茵

就係咁樣我自己一個就響昂平四圍行吓,本來想一個人靜吓,但係依度真係好嘈,
我記得細細個跟阿媽上嚟拜神食齍,我就最怕依度太靜太悶,但阿媽話嚟拜神係想心境平靜放鬆自己喎!

不過依家仲嘈過我屋企樓下,真係好多嘢都正在改變,連寶蓮寺都變到不知所謂!
我自己咪又係,真係越嚟越不知所謂,雖然已經係女仔,但係...............

我究竟做緊D乜呀?死攬住阿政唔放,佢始終係我個仔唔係我條仔,終有一日要離開我,我都要為自己打算
,做個女強人孤孤獨獨咁生活落去?定揾個男人..............
男你老母!諗起都打冷震,但點解夠政就冇嘢嘅?

算啦!乜都唔好諗周圍行吓放鬆d,雖然嘈喧巴閉,不過一個人四處蕩,以一個旁觀者欣賞四周景色,不同人




嘅笑臉,整個人都放鬆平靜晒,響我四周嘅人都係一大班朋友,一家大細,好似只係得我一個人四同遊,響可見
嘅將來我應該都係一個人生活,就由宜家習慣吓啦!

我坐咗響一個離開遊客區嘅角落,冇乜人真係可以靜靜地休息吓!
咦?咁啱呀兩位,阿詩同阿政兩隻嘢做乜走到嚟依度仲神神秘秘,唔係偷情吓?八吓先!

「咁即係17號考完試就得閒啦,咁.......18號星期6可以出嚟睇戲可?」詩
「當然可以啦你生日喎,不過點解只係我哋兩個唔叫埋佢哋?」

「唔好呀!嗰戲係講貓貓狗狗架,比佢哋知道一定笑我低b,由其係阿嘉!」詩
「咁好啦,我附責買飛同plan定節目!」政
「但係阿嘉放唔放人架?」詩「唔好講到咁難聽,我哋假拍拖啫,你生日我一定到
「我會同阿嘉講我有d事做!」政

阿詩終於都出手嗱?隻鵪鶉終於都鼓起勇氣,真係大個女啦!




如果係以前我一定發晒癲搞破壞,但破壞咗又點?我只係爸爸,做父母嘅都想個仔識到個好女仔
,阿詩無論各方面都好適合阿政,好純品好專一,甚至可以一路拍拖到結婚,係咪講遠咗小小?不過
係時候要將名政交比其他女仔!



心經簡林:

「做乜一個人坐響度呀?又話依度冇嘢睇嘅?」政
「想靜吓,點解你都會走過嚟嘅?」
「我頭先見到你縮埋一邊跟住走過嚟,我咪過嚟睇吓你囉!」政

「原來你見到我,咁即係知我乜都聽到晒啦,18號用乜嘢藉口同我講唔得閒呀?」
「...............」穿煲
「玩得開心d啦!嗰日阿詩生日要對人好d呀,我自己搞掂得啦!」





「其實只係陪佢睇戲行街咋!」政
「生日個個唔揾淨係揾你,佢鍾意咗你呀傻仔!」
「喂唔好亂講,朋友、朋友!」

「男女之間邊度有純友誼架?如果佢講鍾意你,你點答佢?」我
「喂!諗多咗啦!」政
「諗諗佢啦!阿詩係好女仔嚟架,你都18歲係時候拍拖啦!」

「喂!唔好講依d好冇...........不過話時話原來阿詩係你哋4個中最大!」轉移視線
「係呀!佢同你都係1月份生日,阿茵就4月,反而噹噹最耐8月份生日,同我一樣!」我

「係囉!身高年紀最細嘅噹噹好似大姐姐咁,反而阿詩就好似小妹妹!」政
「性格可以改變一切架,噹噹同我一樣都係獅子座當然硬淨啦,不過男仔硬淨就好,女仔就............」

「你以前就係8月生日,但你宜家係蔣泳嘉,都係8月生日?」政
「唔.............」望吓自己張身分證

「3月14!」
「白色情人節生日?」政
「聽就聽得多,其實係乜嘢嚟架?」

「吓!乜你連白色情人節係乜都唔知架?」政
「男人老狗依d乜嘢白色節又冇假放嘅,洗撚知咁多咩?喂,即係乜嘢嚟架?」

「其實白色情人節即係響情人節後一個月,日本d女仔會響2月14日送朱古力比男仔,而男仔會響3月14
日送返d糖果餅乾做回禮,依個就係白色情人節啦!」政
「糖果餅乾?咁似拜太歲d習俗嘅?」我

「日本啫!香港無論黑定白都係男仔送嘢架啦!」政
「呵~~呵~~香港就係一個咁唔公平嘅地方嚟架啦!」我

「不過話時話依d乜嘢情人節都係商家佬搞出嚟啫,志在揾你哋d錢,到時又搞個乜乜狗公節你班柒頭
咪又係狗衝,計我話冇假放嘅節日都同我取消!」
「比小小浪漫啦依位小姐!」政

「連女仔手都未拖過嘅柒頭(唔計我)同我講浪漫,黑白情人節嗰日同我早d返屋企避年啦哈~~~哈~~~」
「.................」情緒低落

「喂喂喂........我講笑咋,不過講真3月14嗰日唔好約人,全程陪我!」
「你又話嗰d..............」

「嗰日我生日呀!又係d乜乜情人節梗係要興祝啦,你生日我都同你大搞,3月14你唔會冇表示個可?」我
「吓!」政

「記住!生日禮物情人節禮物總共兩份,我唔要糖果餅乾!」
「咁要乜嘢呀?」政
「自己諗!大個仔啦唔好吓吓都要爸爸幫你諗埋,記住我要有特色有紀念價值嘅,仲有要浪漫嘅!」我

「早知唔講!」政
「講多次?」大聲



雖然同自己講以後要做返一個爸爸,但唔知點解到最後又要阿政陪我過生日,不過生日一年一次啫,陪我
一次都冇所謂啦!情人節嗰日個傻仔識唔識得送花比我呢?
不過佢嗰d轉數............算把啦!


「吓!成點鐘啦?」我
「係呀,差唔多要集合啦!」政
「阿政陪我去一個地方!」
「去邊呀?」政
「拜神!」

「拜神?」
「有乜咁出奇,我同你嫲嫲以前上嚟都係為咗拜神架啦,宜家d人反而嚟為咗睇表演!」
「仲有呀!昂平係全香港最高山脈,而且聖誕節依d黃道吉日祈福會特別有效架!」我

「其實你知唔知自己up咗d乜?」政
「仲講行啦,冇時間啦!」



大殿:

「阿政!願望只可以許一個,太多佢可能聽唔切,又或者是鳩但但唔記得,所以只可以許一個願望!」我
「有d咁嘅規矩嘅咩?仲有唔好響依度講粗口呀!」政

「集中精神!」緊張
「咁許乜嘢願呀!」政
「緊係考試no.1成功殺上大學啦死蠢,陣間我個願望都比埋你,都係科科5粒星!」

「嚟啦!」
「搞掂!」

「係咪成個人都鬆晒呢?好!神阻殺神!」
「細聲d啦比人鬧架!」政
「不過有你幫我祈福好似信心都大咗!」政

係咩?不過對唔住阿政,我係一個自私嘅人,一個自私嘅爸爸,我許嘅願唔係考試成功,亦都唔係為
咗你而係為咗我自己!



希望永遠都可以同阿政響一齊!