(爸爸no.1)我老豆係口靚妹: 阿政no.38

阿政no.38            最後一夜


阿嘉嘅叫聲,佢究竟發生咗乜嘢事?你千祈唔好有事呀,見到佢啦!
「阿..........」
「唔好行埋嚟,唔好.............」嘉

佢成個人趴咗響地下,個頭貼住響地,佢見到d乜嘢?點解會驚成咁?
「阿嘉我呀,冇事啦冇事啦!」





「爸爸、爸爸我唔要留響度,帶我走我要返香港...........」嘉
「乜嘢爸爸呀?你先係爸爸呀,就算返都返九龍塘啦!」

「我要返香港,我要見子政子政子政!」發狂
「冷靜d!我係阿政呀我響度呀!」
「喂!阿嘉.........爸爸............」

冇反應郁都唔郁!暈咗?佢唔係又一次.............







「嗄......嗄.......阿嘉出咗事呀!」我
「你做乜揹住阿嘉?佢乜嘢事呀?」茵
「暈咗!佢頭先唔知見到d乜嘢,嚇暈咗!」

「我........頭先揼低佢諗住嚇吓佢,我真係唔知會搞成咁!」噹噹都嚇到不知所措
「其實阿嘉好怕黑,而且得佢自己一個嗰陣佢都顯得好神經質!」我

「咁會唔會嚇過龍?佢唔係心臟病發吓?」詩
「唔好嚇人啦佢仲有呼吸有心跳架,但點解佢仲未醒架?」噹噹都有d亂




「送佢去醫院啦!我call白車!」茵

「唔洗啦!」

「阿嘉!」我哋
「你醒返嗱?對唔住我真係唔知會搞到咁大件事!」噹噹
「但之前究竟發生乜嘢事?你點解會暈咗架?」茵


「冇嘢!乜嘢都冇,唔好再講!」嘉
「.....................」

我哋幾個都好熟阿嘉,從佢嘅反應我哋都知道先前真係及生咗事!

「我想返去抖抖!」嘉




「政政阿詩你哋扶阿嘉返去,我同噹噹執埋d嘢!」茵
「咁麻煩你哋啦!」

噹噹一粒聲都冇出,連佢都down埋,點解突然間會變成咁?不過宜家最重要係睇住佢!





「阿嘉點呀?」噹噹
「自己一個人入咗房瞓!」我
「好似突然間成個人唔同咗!」茵

「我都唔知會搞成咁,對唔住呀!佢不嬲都好硬淨架,點解好似成個人散晒咁?」噹噹
「所謂嘅硬淨其實都係依兩三個月,以前嘅阿嘉一直都好細膽、好需要人保護!」詩





「係喎!依三個月嚟一直都比佢玩,差d唔記得佢以前性格同阿詩都係一樣!」茵
「講起嚟又真係幾奇怪,依家嘅阿嘉好似變咗另一個人咁!」噹噹
「喂!佢失咗憶嘛,而且又發生咗咁嚴重嘅意外(墮樓),性格大變都好正常啫!」我

「可能佢真係失咗憶唔記得以前嘅事,佢先變得咁開朗!」詩
「以前乜嘢事呀?」我哋

「其實有d事我應該要講比你哋聽,不過依d係阿嘉嘅私隠,你哋絕對唔可以同其他人講
,由其係你阿茵!」詩
「放心啦!我做嘢都仲識得分輕重嘅,依d嘢我打死都唔講!」茵

「其實我同阿嘉一直好似双公仔去到邊都一齊,連去洗手間都一齊去,最主要原因係阿嘉好怕
一個人,一個人嘅時候佢最容易見到嗰d嘢!」詩
「嗰d嘢?」噹噹





「鬼魂!」詩
「你唔係話阿嘉有陰眼吓?」茵
「喂講乜嘢呀,講鬼故咩?」我

「真架!因為咁所以佢嘅情緒起伏都好大,我真係驚佢遲早會出事,好彩上次佢平安無事咋!」詩
「條衰女乜都收收埋埋,以前係咁宜家又係咁!」噹噹

「噹噹你玩還玩呀,雖然佢外表好似好堅強,但入面可能仍然係咁脆弱!」茵
「知啦!搞成咁都冇乜心機,今晚大家早d瞓啦!」噹噹

「政仔!」細聲
「乜嘢事呀?」
「今晚你去阿嘉間房陪一陪佢,得佢一個人我驚佢會出事呀!」噹噹





「但係比佢哋知道唔係咁好!」
「得架啦!有我睇住佢哋兩個出唔到嚟嘅!」噹噹
「同我睇住阿嘉!」


蔣泳嘉!我講係真正嘅蔣泳嘉,究竟佢係一個乜嘢嘅人?佢嘅過去我哋一無所知,究竟
乜嘢事會令到佢有自毀傾向?佢真係見到鬼?

爸爸雖然變成咗蔣泳嘉,但反而被蔣泳嘉嘅身體控制住,除咗開朗嘅性格外其他就越嚟越似蔣泳嘉!




「依~~~~~」

「嘩!邊個?」
「唔洗驚呀我呀!」我
「我唔係驚,不過突然間有聲嚇一嚇之嘛,做乜走上嚟呀?」

「我嚟陪你之嘛!」我
「多謝喎!第日你都可以用依個方法走入女仔間房啵!」嘉
「咁我響門口瞓啦!」

「傻架咩?響出面咪全世界都見到你囉,入嚟啦兩仔爺有乜所謂!」嘉
「好d嗱?」我
「冇嘢啦,之前嚇得犀利先暈咗啫,冇嘢啦!」

「不過頭先你見到d乜嘢呀?仲有你好似變咗另一個人咁叫爸爸!」我
「之前嚇得勁得滯咇咗蔣泳嘉d記憶出嚟,我嗰時當咗自己係蔣泳嘉!」嘉
「不過蔣泳嘉真係有d唔妥,揾日我一定要起佢底!」

「但你身邊嘅人都唔知你嘅過去,我哋不如直接問蔣uncle!」我
「冇用架佢唔會講架!一個做父親嘅知道個女失咗憶,理論上應該會講多d 以前嘅事
比個女聽,希望佢快d恢復正常,但佢冇呀,一句都冇講呀,佢甚至迴避緊以前嘅事!」嘉

「咁我哋點呀?」我
「放心啦!我有乜嘢係做唔到架?最多請私家偵探查返自己!」
「你都得架啦,揾人起自己底!」我

「仲有阿政,之前講過嘅全級第一、科科五粒星、大學讀工商管理全部delete,唔需要比
太大壓力自己!」嘉
「喂!我冇講過話辛苦呀,而且我好努力你唔洗擔心!」

「阿政!當日我唔比你入高節,一定要你入林重恩你有冇嬲過我呀?」
「咁耐都唔記得啦!」我
「係咩?你全部同學入晒高節,你得你一個轉校,我仲記得你對住我喊救我比你留返響葵涌,
但我望都冇望你一眼,你真係一d都冇嬲過我?」嘉

「都過咗去囉,冇嘢啦!」
「過咗去嘅事真係返唔到轉頭,如果可以再嚟多一次我一定比你留返響高節!」嘉
「吓!」我

「我一直以為只要肯努力就可以做到所有嘢,我以前一直都可以,所以認為阿政你、身邊所有人
都應該可以,我從來冇理過其他人感受,直到依家我先知道唔係肯努力肯堅持就可以成工,做唔到
就係做唔到............」嘉

「對唔住.........阿政!」
佢竟然會講對唔住?爸爸竟然會同我講對唔住?

「冇嘢呀,都過咗咁耐我都冇放響個心度!」我
「傻仔!我係你老豆你心諗乜我唔知?小小嘢一定有,不過以後我會學做一個好爸爸,一個no.1嘅爸爸!」嘉
「唔洗乜都第一,依家已經好好!」

真架!你係一個好爸爸,如果響一分鐘之前我仲有小小嬲你,心入面仍然有條x,點解我會有一個咁嘅老豆
,但一句對唔住,所有嘅事都成為過去,如果人生再有另一次我都會揀返你做我爸爸!

我哋宜家攬埋一齊瞓覺,唔知點解雖然爸爸嘅感覺係好強烈,但可能佢變成咗女仔,而且又攬住我喊,感覺
就好似抱住一個需要保護嘅小妹妹!

我依稀記得我小學時候曾經攬住一個妹妹響公園瞓咗一晚,但佢係邊個我已經唔記得,或者響夢中我會記返起你.............





「好熱..............」我
「今日一滴風都冇,好彩響橋底先頂得順,不過魚佬曬咗幾粒鐘點解仲未死!」智仔
「喂!阿政、智仔有魚呀,過嚟幫拖!」魚佬

「豬柳蛋都釣得到魚?」我哋
「快d啦仲講!」
「唏~~~唏~~~唏~~~」

「釣到啦,阿政同我影張相!」魚佬
「3吋石狗公學人影相?」我
「依個月釣到最大條係佢架啦,影比阿浩佢哋睇嘛!」魚佬

「今日精英組練習佢哋兩個都睇唔到魚佬釣到條3吋佢魚...........」智仔
「砰、呀!」
「不過話時話,阿政你唔係精英組嘅咩?點解唔洗練習?」魚佬


「80％出席率已經OK,今日釣吓魚輕鬆吓!」
「如果比阿浩個妹知道你就死!」智仔
「你條女唔係人嚟架!」魚佬

「喂乜嘢女呀?朋友咋!」我
「朋友會晚晚走去人哋屋企樓下公園玩貓睇星!」
「咁隔離街咁近佢又成日落公園玩,陪吓佢好正常啫!」我

「不過你哋唔好同佢講我今日射波,如果唔係我死都唔掂!」我
「做乜兩個粒聲都唔出?」

「響你後面!」兩個
「邊個?」我
「砰!」