阿政no.39            將回憶存放於心裡(1)


「爸爸、爸爸,全級第一,我終於嬴到阿浩成為全級第一啦!」
「我個仔喎!全校有邊個叻得過你呀,下年再同我攞個第一返嚟!」

「唔止下年,年年我都會考到第一返嚟,我要同爸爸一樣所有嘢都要做到Top one!」
「叻仔!」

曾幾何時我以為自己同爸爸都係一樣,遇強越強、接受任何挑戰,做任何事都可以




做到第一!

響小學時我係一個優等生,年年全級三甲,爸爸以我依個仔為榮,而我亦相信我同爸爸
一樣會比其他人優勝!

但入到林重恩,成績比我好嘅大有人在,亦因為係名校,大部分同學家底見識都比我多,
一下子好似有種從天上跌落地下嘅感覺,再加上初中時期比人排斥,從始就好似沖洩
咗氣嘅氣球一樣!

我自己亦感覺到我同爸爸唔一樣,佢係遇強越強嘅人中之龍,而我只係一個平凡人




,我哋嘅差距越嚟越遠,我覺得佢甚至睇唔起我依個仔!
今日嘅我得過且過,過住毫無目標嘅人生,就好似失去光環嘅天使!

但依一刻佢再次信任我,變成女仔嘅佢已經唔可以撐住成頭家,我唔可以再好似以前一樣,
所有事都依賴父母,而個家唔單止得爸爸媽媽,我都有份,我要變返以前嘅我!



「咯、咯!」
「噹噹?」我




「點呀?佢冇嘢啦嘛?」噹噹
「冇嘢啦,佢琴晚瞓得好好!」

「唔........政.......」發開口夢
「真係瞓得好好.........琴晚冇搞d乜嘢出嚟吖嘛?」噹噹

「梗係冇啦你當我係乜嘢人呀?」
「我話佢呀!」噹噹指住阿嘉
「咁又冇,一瞓瞓到大天光!」

「我買咗早餐呀,陣間叫醒佢落嚟食吖!」
「唔!」

雖然又時粗粗魯魯又成日打人,但一有起事上嚟就變得好可靠,成個大家姐上身,其實噹噹
嘅處事方式係咁多人中最成熟,(比我同依家嘅老豆仲成熟)有佢響阿嘉身邊我都放心d!




好!食早餐!





「早晨!」嘉
「.....................」
「做乜個個靜晒?未瞓醒?」嘉

「你冇事吖嘛?」幾個
「有乜事?」
「琴晚...........」詩

「瞓咗晚冇事囉!不過依度真係有d邪,夜晚真係唔好去d山卡啦地方!」嘉




「真係冇事嗱?」噹噹
「都話冇事囉!」嘉

「好!為咗興祝阿嘉冇事,我講多一個鬼故比大家聽!」噹噹
「你試吓再講!」嘉
「砰砰砰!」又打

冇事啦!見到佢開開心心響度打打殺殺個心都定返落嚟,點都好啦,食埋早餐都要回程啦!



「雪~~~雪~~~」
「慢慢食啦!」噹噹
「琴晚嚇一嚇搞到今朝好肚餓!」嘉





「你琴晚11點幾仲燒緊嘢食!」噹噹
「我數住佢食咗廿隻雞翼!」詩
「邊有咁多呀?」
「哈~~~哈~~~」





「10點幾啦就快走啦!」阿嘉望住窗口出面
「嚟到都淨係顧住玩都冇細心欣賞依度嘅風景!」噹噹同阿嘉一齊望住窗外風景

「12點鐘要走啦!」詩
「最遲可以12點半交房嘅!」茵
「好啦!我哋影返張集體相!」茵





「係喎!雖然你影吓我我影吓你,不過好似未一齊影過相喎!」嘉
「當做留念囉!」噹噹
「以後我哋年年都嚟一次camp吖!」詩

「傻妹!去camp依d嘢只係中學時代先有機會做,過幾年後當你哋個個出嚟做嘢
又或者已經拍緊拖,到時出嚟見吓面都諸多藉口!」嘉
「洗唔洗講到咁灰呀?」詩

「事實嚟嘅,不過事在人為嘅啫,今日我哋每人keep 住張相,廿年後攞返出嚟睇吓
到時仲有幾多個響身邊!」茵
「放心!我一定響度,到時帶埋個仔出嚟都一定陪你哋去camp!」噹噹

「佢竟然話帶埋個仔出嚟,原來佢有諗住生仔!」茵
「真係估都估佢唔到!」詩
「做乜呀?我都係女仔嚟架,乜我唔可以結婚生仔嘅咩?」噹噹

「係囉!究竟佢拍拖個樣係點嘅呢?如果佢條仔同佢一樣都係大男人咪日日打架?
小男人比佢打死都似,班入面d男仔佢冇一個睇得上眼,話佢哋冇撚用..............」完全冇理過噹噹

「係呢噹噹,其實你鍾意邊種類型嘅男仔架?」3個
「做乜突然講依d嘢呀?」噹噹塊面紅晒
「唔講啦!」走咗去
「喂!未影相架同我捉佢返嚟!」嘉



「好!企定定笑-------咔!」

當影完依幅集體相,亦代表今次嘅塘福宿營完滿結束!

「好!大家返房執埋d嘢,12點鐘準備交房!」我
「好似仲有一樣嘢未做!」嘉
「乜嘢?」我哋

「棉胎大戰!」嘉
「咪玩咗枕頭大戰囉前晚!」噹噹
「雖然你比人扔咗出嚟!」我

「我唔係話我呀,我係話阿政你呀!」嘉
「係喎!政政好似未玩過喎!」茵
「呵~~~呵~~~呵~~~」不懷好意

「嗱!一人一張棉胎,只要邊個比棉胎完全冚住就算輸!」嘉
「你哋想點...........」佢哋四個攞住張被望住我
「捕捉張子政!」嘉
「哇~~~~嘩~~~~砰!」

乜嘢棉胎大戰吖?跟本就係四個打我一個,我都唔知比幾多張被冚住,而且佢哋四個都
係女仔我點敢還手呀?直頭比人由頭打到尾,喂!邊個打我個頭呀?

到最後我比佢哋四個坐住咗郁都唔郁得,不過又幾好玩,中學生應該要經歷過嘅去camp,
乜乜枕頭棉胎大戰我都玩過啦,依幾年嘅中學生活都唔算完全空白!





 
已有 0 人追稿