爸爸no.41


「唉好悶悶!放完長假返學真係人生一大慘事,打風呀、地震啦,恐怖襲擊死人冧樓乜都
好啦比我放一日假啦!」我
「喂!啪!」
「...................」全身一震(我)

「唔洗咁慘喎!一個月都唔夠又新年啦,到時咪玩過囉,好似話你條仔今個月27號年廿九生日可?」
「你...........點知架?」我





「我有乜嘢係唔知架?」藍澄澄(甲級戰犯女同學F)
「係唔係嗰隻是非精靈?」我
「聰明!不愧係全級第一,有依隻人肉木馬程式響你哋身邊,你哋做過乜嘢我都一清二楚,點呀塘福
好唔好玩呀?」澄澄

孫樂茵你依條八婆好講唔講講比澄澄知!

「全級第一?」女同學B、C、H
「係呀!我收到風阿嘉今年考到全級第一!」澄澄




「你收風都收得幾快啵,不過平時我哋都冇乜兩句..........」

「媽媽話揾朋友一定要揾d品學兼優嘅人,我都收到風今年考全級第四,我哋一定可以成為好朋友!」澄澄
我終於知道真正嘅蔣泳嘉點解要年年考第尾!

「喂!27號我可唔可以嚟你條仔個birthday party 呀?」細聲
「生日會依d嘢你又啱?你同佢哋全部都唔熟!」細聲(我)

「一次生兩次熟,我都想認識吓傳說中嘅6A五毒,好似話佢哋幾得意!」細聲(澄澄)
「其實你嘅目標係咪袁澤守?」我




「聰明女!阿澤考完mock之後就唔會再響學校出現,我唔可以再等,一場同學你唔會唔幫我個可?」佢唔知幾
時攞住把cutter 「降」住我條頸

「喂......小心呀........刀刀........」
「界刀之嘛!又唔係乜嘢大殺傷力武器,不過我一激動就會揸住d嘢亂fing,喂喂!我咁低聲下氣求你你都唔應承?」

「依d都叫低聲下氣?」跟本就係恐嚇
「點啫?啪啪!」佢把刀係咁拍我塊面
「我可以話唔好咩?」
「哇!錫晒你好同學!」超可愛嘅澄澄攬到我實一實
「刀........刀!」

「不過我屋企唔係好大,如果你過嚟跟住成班同學又過埋嚟真係唔掂..........」
「放心啦!得我一個知你條仔開生日會,其他人唔知架!」澄澄
「有阿茵響度應該好快全班都知!」我





「放心啦!要一個人收聲有好多辦法,我會令到依隻嘢到死嗰日都唔會講出嚟!」澄澄
「你.....究竟對阿茵做過d乜........」阿茵你仲生存緊響依個世界吖嘛?

我同阿政嘅生日會竟然出現咗一個不速之客,不過算啦,佢目標只係袁澤守,當條大毒撚唔好彩啦!

「阿茵!」
「阿嘉.......嗚.........」茵
「如果有得返轉頭,我死都唔會講比澄澄知!」

「佢對你做過d乜嘢?」不安
「佢話如果我講出去佢就搞我細佬,佢連希希讀邊間小學邊一班都知!」茵
對於有嚴重戀弟狂嘅阿茵,你話搞佢細佬仲慘過搞佢,我相信佢寧願毒啞自己都唔會講出去,見到佢
咁樣我都鬧唔出口!





「唔可以講出去,就算跳樓自殺都唔可以講出去,唔可以比人搞我個希希.........」有d語無倫次
雖然睇佢幾可憐,不過用依個方法控制阿茵又好似幾有效,下次試吓先!

咦?就放學喎,今日阿政佢哋去咗袁澤守屋企溫書,其實嗰個阿澤屋企只係離我哋幾條街,不過咁耐我
一次都未上過去,好啦!順便去參觀吓啦!






「你哋好,溫書溫成點呀?」我
「你嚟咗嗱?」政
「歡迎!要唔要飲杯嘢呀?」傑仔好似當咗依度係佢屋企
「做乜企咗響度郁都唔郁呀?」澤





我企咗響度係因為我睇緊佢間屋,雖然我知佢係條大毒撚,不過冇諗到過分成咁,成間屋(我宜家響廳)
全部都係佢d公仔,動漫精品日用品,真係衫褲鞋襪枱枱櫈櫈都同二次元有關,你自己毒就好啦,唔好搞到
出廳嘛,乜佢老豆老母唔話佢咩?

「係咪好靚呢眼都唔眨!」澤
「我想問你依d嘢點解唔擺返入房,擺到成個廳都係!」我
「其實我間房已經擺滿晒啦,初頭就放響阿哥度,依家連阿哥間房都爆埋,所以先擺住出嚟先!」澤

敗家仔.............

「我帶你入房參觀吓!」澤
「嗱!依d就係我嘅珍藏!」澤
「嘩!」





我以為自己入咗模型鋪,基本上成間房都係玩具,不過.............

「雖然好多公仔但點解有好多都係同一個樣?而且好多都係黑媽媽,就算買都買d鮮色d嘛!」我
「嗰隻叫黑貓!阿澤一見到有新款出就買返嚟,所以全屋都係黑媽媽!」政

「乜嘢黑媽媽呀?水著唔係黑色啦,洋裝白色嘅,仲有............」澤
一個大男人玩公仔玩到上晒腦,連枕頭同披都係!

「對多d真人仲好啦!依d公仔都唔知靚響邊!」我
「二次元先叫可愛叫萌呀,三次元真係睇唔入眼!」澤
變態..............

「我又唔覺得嗰幾舊膠索得過我!」騷手弄姿
「可愛!」條變態佬望都唔望吓我淨係對住d公仔
「有乜嘢咁可愛呀攞嚟睇吓!」我伸手攞一隻落嚟
「喂!小心呀整跌啦!」
「啪!」成個公仔跌咗落嚟
「聖天使神貓!」阿澤慘叫
「配件、配件呢?」阿澤發晒茅揾配件
「.....................」

話比你哋知,依家跪響地下揾公仔配件嗰個就係我哋學校嘅第一號男神啦!
真係唔知乜嘢審美眼光,弱智兒童選舉佢就夠資格!

「阿政做乜帶件咁嘅嘢上嚟呀?」發脾氣
講乜撚嘢?

「頭先講乜嘢話?大聲d?」二次元毀滅拳
「唔係呀!我話好歡迎你上嚟唔好再搞............」可憐嘅阿澤
「好啦好啦,唔好再講乜嘢公仔啦,你哋溫書溫成點呀!」我

「咦?」冇一個人聽我講嘢
留意現場環境,條柒轆仲響度救緊公仔,肥仔呢就響度砌緊高達,(又話上嚟溫書,竟然帶盒模型上嚟砌)
隻傑仔就駁晒命響度轉珠,至於阿茵嗰隻怪獸一隻手就掃緊漫畫,另一隻手就打緊三國乜柒,就係冇人睇住本書!

唔係!仲有我個仔好專心溫緊書,果然係我嘅乖仔,冇比佢佢哋影響到,真係出於污泥而不染...............

「嘟嘟!」
「換到啦!」政
「吓!竟然有傻仔用UR同你換SSR魔女?」傑仔

「咩呀?我嗰隻超稀有架!」政
「我依隻game都啱啱抽到隻6星級惡魔!」傑仔
「快d強化佢啦!」政
「dd.........嘟嘟........dd......嘟嘟..........」

冇得救...............
「聽日考試啦仲響度dd嘟嘟,全部同我攞起本書!」發火
「溫書、溫書!」五隻嘢

男人真係睇小陣都唔撚得,個個都週身引,如果冇個女人響身邊真係作反都似,唔得!以後都係要睇實D阿政!
「望乜撚嘢呀望,望住本書啦!」老虎




*********************************************************************



「點呀?開始緊張嗱?」我
「小小啦,都係溫多陣!」政
「夠架啦!要溫嘅都溫晒啦,依家你要做嘅就係早D瞓,抖足精神!」
「嗯!」政

「所謂嘅考試其實只係將6年中學生活學到嘅嘢用筆寫返出嚟!」我
「只要依六年唔係白白咁過嘅你一定能寫返出嚟,唔好比太大壓力自己,唔好乜都要第一,中學生活係開開
心心就開開心心去考試,你仲有爸爸依個大後盾,有乜嘢事我都會響你身邊扶返你起身!」我

「我相信我唔會咁易跌倒嘅!」政
「我都相信我個仔一定會考得好好嘅!」笑
「好!依一次考試同我攞個第一返嚟!」

「又話唔洗考乜嘢第一嘅?」政
「你試吓考個第尾返嚟睇吓我打唔打死你?」


 
已有 0 人追稿