(爸爸no.1)我老豆係口靚妹: 爸爸no.42
爸爸no.42
「咁啱呀?」我
「早d返嚟坐吓準備吓咁囉!」傑仔
「考完試唔好四圍走啦,立即返屋企溫書!」
「哦!」五個
「你哋都係唔好去阿澤度溫啦,嚟阿政屋企啦會冇咁心散架!」我
「唔洗啦.............」五個
「5:00pm我返到阿政屋企要見到你哋5隻嘢!」天使笑容
「知道!」5隻嘢
「佢哋咁聽你話嘅?」詩
「冇!我琴日幫佢哋溫書,佢哋都好感激我!」
「....................」
「不過佢哋面色好似唔係幾好咁喎!」茵
「精神d!死老豆咁款,同我去厠所洗個面、小個便、最後沖厠---------殺!」
「好!」氣勢如虹
「Hi你哋好!」
「你係..........」政
「我叫藍澄澄,係阿嘉嘅好朋友!」澄澄
佢雙手搭住我同阿茵條頸,直頭懶friend嗰隻!
「你就係澄澄?」政
「原來你都識我?係呀,阿嘉成日都響我哋面前講起你哋架!」澄澄
「你係阿政,你係傑仔,你係阿汁,依個阿原,仲有阿澤!」已經全部起晒底
「忽然朋友!」我
「夠薑攝石人!」茵
「啪、咔!」斷骨聲
「點解你哋突然間靜晒嘅?」政
「係囉!做乜靜晒架?講吓嘢啦喂!」澄澄
「...................」
「佢哋又話你好惡嘅?但睇落又唔係呀!」政
阿政好天真好傻講咗d唔應該講嘅說話出嚟,衰仔你係咪想我比人打死?
「乜我好惡咩?」澄澄笑得好可愛
「邊係呢!阿政不嬲都有d弱聽,可能佢聽錯咗啫!」我
「誤會咋?記住啦好朋友係唔應該講對方壊話架!」和藹可親
「我哋要走啦!」澤
「好!努力d考試成功,byebye!」澄澄
「你條仔又幾純品啵,真係諗到乜就講乜!」澄澄
真係太純品啦!就好似一隻綿羊企咗響隻獅子前面!
「下次你哋成班去玩叫埋我吖!」澄澄
「夠啦!」
「噹噹你幾時響度架?」澄澄
「做乜好搞唔搞去搞政仔佢哋?」噹噹
「唔好搞搞聲咁難聽,識多個朋友唔得咩?」澄澄
「你識邊個都冇所謂,就係唔好黐埋政仔佢哋度!」噹噹
「你係邊個呀?人哋女朋友都未出聲幾時到你出聲呀?」澄澄
你估我唔想出聲咩?出得到先得架!
「總之政仔係我朋友,如果你再黐埋去我一定爆晒你d衰嘢出嚟!」噹噹
「你試吓!」澄澄
「好呀,試咪試!」噹噹
開拖啦!一星期實有一次(以前一日一次添)嘅隻揪大會要開始啦!
「喂!打還打依度操場嚟架,百幾人睇住.............」
「................」冇理過我,完全進入戰鬥狀態
「停手!」班長姐姐啱啱經過,佢可唔可以制止依場戰鬥呢?
「傻咗呀?幾個阿sir miss睇住你哋都仲打,唔驚比人記大過呀?」班長姐姐
話比你哋聽,雖然佢哋打足4年(韓戰都打完),但佢哋兩個連一個缺點都未記過,
依d算唔算係林重恩7不思議事件?
「有事慢慢打唔啱打到啱,不過停一停等一等,放咗學揾個冇人嘅地方先打飽佢,
唔好響我環頭搞事比吓面!」依個係乜嘢班長
「叮噹!」
「上堂啦走啦!」我哋
唉!中午啦,阿政都應該考緊試,唔知點解有種預感今日會有特別嘅事發生!
「佢哋企咗響走廊又打啦!」女同學CDE
以色列同巴勒斯坦又開拖啦,不過又唔係d特別事件...........等等!
「喂!下一堂係maths,miss上緊嚟呀仲打!」我走咗出走廊
「係呀!下一堂係miss上呀!」女同學E大叫
「新規矩係佢哋兩個開拖要全班留堂呀!」女同學H慘叫
「快d揾人襟住佢哋啦!」一片混亂
「我唔要留堂,我要返屋企!」女同學J精神崩潰
「阿哥!返屋企叫媽媽留定飯吖,留堂呀嘟!」女同學G完全放棄
「夠啦!依個班長我唔做啦!」連班長姐姐都爆埋煲
「哇哇.........呀呀...........嗚嗚.............」
依家4A班直頭好似世界未日咁,進入無政府嘅混亂狀態,究竟有冇人可以停止佢哋呢?
「唔好打啦!」DaDa
「唔關你事!」噹噹
「行開d啦整到你呀!」澄澄
「今日F.6第一日考試咋,你哋唔好搞到人啦!」DaDa
「6A............」澄澄
「佢哋..........」噹噹
「咁啦噹噹!放學後去老地方再打過!」澄澄
「無所謂!」噹噹
竟然唔打?變態色魔連褲都除埋都可以返房瞓?點都好啦今日總算可以準時放學!
「miss嚟啦!」
今日好似係派成績表,我就攞硬第一,唔知噹噹點呢?有阿政幫手應該唔會包尾啩?
「嘩~~啦~~」
「呼......全部合格!」
「今次大家都考得好好,由其係上年包尾嗰兩個今次成績最特出!」miss
「趙語聆!今次考試全科合格,但唔好三分鐘熱度,大考都要好似今次一樣呀!」
「哦!」噹噹
「成績次外操行都好重要,唔好再成日打架,就算打都唔好行出走廊,比其他班級見到
我想幫都幫唔到你哋架知嘛?」miss兇啤噹噹同澄澄
「知道..........」兩隻嘢嚇到聲都出唔到,有時我懷疑依條八婆係咪做過飛虎隊教頭,咁撚大殺氣嘅?
「蔣泳嘉!」miss
「係!」
「全級第一,仲要係歷嚟最高分數嘅全級第一!」miss
「嘩~~~」
「校長講過你係資優生,只要肯努力你成績一定好好,要繼續努力呀!」miss
「知道!」我
「放學後去校長室,校長耍見一見你!」
「嘩!校長要特別嘉許你呀!」茵
唉!仲以為可以早走揾阿政,結果又要聽校長鳩up,第一之嘛我以前年年都係架啦,早知考差d攞個第二算!
校長室:
「校長!」我
「蔣泳嘉,你今次考試考得好好,仲要係歷嚟最高分數嘅全級第一,同上一年完全相反!」校長
「上年我有d個人問題先至影響咗成績,不過已經解決咗,以後我都會年年考第一!」我
「其實我嘅意思係你唔需要太努力,成績唔係最重要,只要開開心心過校園生活已經足夠!」校長
我有冇聽錯?依間好似係九龍塘top one名校,從來只有校長叫d學生駁埋條老命考個第一或攞個乜
獎物獎為校爭光,依家佢竟然同全級第一講:瞓啦柒頭,溫乜撚嘢書吖!
究竟佢係take咗嘢定還是依個係校公唔係校長?
「蔣泳嘉你做乜成個人呆咗?」校長
「冇!覺得有d怪點解你好似唔想我考到全級第一咁?」我
「當然唔係!不過你爸爸最希望你再一次快快樂樂去享受校園嘅生活!」校長
「乜嘢係再一次?」
「睇嚟你真係完全唔記得之前嘅事,其實你一早已經完成中學課程,正確d講你13歲已經大學畢業!」校長
「大學畢業?」
「講乜撚........講乜嘢話?校長大人你知唔知大學畢業一般都要廿一、二歲,你同我講13歲?」我
「真係13歲!」校長
「咁我咪係天才?喂等等,如果真係13歲咁早畢業點解新聞冇講架,我好似聽都未聽過!」
「因為你嘅大學學位係響英國完成!」校長
「咁即係話...........我14歲之前一直都響英國?」我