阿政no.48            每一年   這一天


3:10am

「喂!我哋嚟啦!」噹噹
「咁靜嘅?」我

「你哋依家先嚟?天光啦!」DaDa
「我哋去啦買桃花嘛,隻手好痺!」噹噹




「我幫你啦!」我

「上到嚟先話幫手?你不如等棵花開埋先講啦!」噹噹
「又係你話唔洗嘅?」我
「阿政太唔明白女仔心意啦,女仔叫你唔洗即係要你幫手!」DaDa

「咁複雜?咁如果叫我幫手係咪掉返轉唔洗幫呀?」
「你去死啦!」噹噹、DaDa

「點解咁小人嘅?」噹噹




「細嘅全部瞓晒,大嘅(嘉、茵、美、原、汁)去晒厠所!」DaDa
「又會成班去晒厠所嘅!」我

「阿嘉同阿茵係咁隊你兩個朋友,佢哋而家應該響厠所嘔緊!」DaDa
「我唔響度佢兩個又作反!」噹噹
「唔講啦我要睇住佢哋!」

「小妹妹冚返件褸啦凍呀!」DaDa照顧阿麗
「DaDa又幾好人啵,全場得佢一個睇住阿麗,其他人唔係瞓晒就顧住玩!」我





「係呀!斯文溫柔體貼可愛又可靠,做得嘢讀書又叻仲係全級第三(勁過澄澄同班長),順得人性格人緣超好,
連澄澄依d人都可以夾得嚟!」噹噹
「你講到佢好似十全十美咁啵!」我

「啱唔啱吖?啱嘅話介紹比你!」噹噹
「噹噹你幾時做咗淫媒架?響我背後搞我條仔?」

「阿嘉!新年流流可唔可以唔好成隻鬼咁企響我哋後面!」噹噹
「恭喜發財!砰砰!」我同噹噹背脊都中咗佢一掌
「咳咳,佢真係飲到痴咗線!」噹噹

「我哋返嚟啦!哈哈!」美、茵
「全部男仔起身再飲過,今次我要隊死晒你哋!」美
「噹噹!嗰個叫阿美嘅女仔同阿嘉直頭係同類,都係痴線架!」DaDa





「你哋兩個飲我都唔理你,阿美得嗰13歲你哋比佢飲到咁大?如果差人查房我真係死比你哋睇!」噹噹
「新年嘛!」嘉、茵

「係囉!飲小小之嘛,人仔細細響度擺大家姐款!」美
「講乜?」噹噹
「話你細粒呀!」阿美響度彈吓彈吓
「出事!」嘉、茵

「仲彈?即刻同我去厠所洗面!」噹噹最憎人話佢矮
「哇~~~」阿美比噹噹成個抬走咗
「歡樂嘅時光要結束啦!」嘉、茵








「啦~~啦~~啦~~」
「阿原你個妹又真係幾癲!」我哋
「平時冇嘢架,不過一玩到癲就成個失控,平時同阿茵一齊都冇嘢架?」原

「咁即係話我啦!」嘉
「冷靜冷靜!都冇人話你!」我同阿詩

「噹噹你頭先就係去買依棵柴返嚟呀?」茵
「乜嘢柴呀?桃花嚟架!」噹噹
「都冇花嘅?」茵

「有冇常識架?買桃花梗係買未開花嗰d啦,開晒花擺唔到三日就謝啦,你睇依棵桃花幾多花lum!」噹噹心情勁靚
「卜!依d就係花lum?」阿茵竟然抆咗粒花lum出嚟

「嘩我棵桃花!你知唔知我幾辛苦先買到佢返嚟?你同我搣爛佢?你條死仆街打撚死你、打撚死你砰砰!」暴力戰神





「阿茵.......好有機會成為今年第一個搶閘去世嘅幸運兒!」嘉、美
「喂!快d停止佢啦打死阿茵啦,同埋比出面聽到打架就麻煩!」我

「DaDa,同我開大聲d音樂唔好比出面聽到!」嘉
「知道!」DaDa

「等同謀殺!」阿麗瞓醒咗
「有時我都覺得你哋4A班d人都幾冷血!」美
「你兩姊妹咁有義氣咪走過去幫拖囉!」嘉
「胡~~嘩~~吼~~~呀~~~吖~~~嗚~~~」

「唱歌!」兩姊妹
「啦~~~啦~~~啦~~~」全體新年大合唱














「依~~~」
5點嗱?打完阿茵唱完歌好似成班4點就響K房大覺瞓,結果冇一個直落玩天光,依一刻K房好靜,但又好熱鬧!
咁多人一齊過嘅年三十晚我都係第一次咋!

「阿嘉起身啦,要交房啦!」我
「唔......10分鐘..........」又瞓過



5:20am

「起身起身要走啦,講多次今日1點至6點我屋企有團拜,其實唔洗咁早嚟,大部份人都係兩三點先到,記得校鬧鐘呀!」嘉
「返屋企啦!」

「好!陣間我同阿政、詩、噹噹DaDa一架車,其他就另一架!」嘉
「我住附近我行返去得啦!」汁
「好啦咁陣間見!」

「有lift 啦,政仔入嚟啦!」噹噹
「哦!」
「你哋做乜唔入嚟呀仲有好多位呀!」噹噹

「我嚟啦!」麗
「唔好呀沾到棵花會死架!」阿茵一手扯返阿麗出嚟
唔知幾時開始噹噹棵桃花好似變咗做不祥之物,個個都彈開成十呎遠,等等!

「沙......沙........」棵桃花係咁掃我個背脊
「政仔你做乜成身僵硬咗嘅?」噹噹
「冇呀!」企定定

「我哋下轉lift陣間見啦拜拜!」成班
「拜拜!」
唔知點解我有一種比人送最後一程嘅感覺,新年流流點解會諗埋依d嘢嘅?



「的士!」
「好啦8個鐘後見啦!」嘉
終於返屋企啦,我同阿嘉、阿詩噹噹DaDa一架車,首先送咗阿詩返屋企,再去九龍城!

「原來你同噹噹住埋同一條街架?」我
「係呀!但係咁近佢都唔肯上嚟我屋企玩呢!」噹噹
「你媽媽惡吖嘛!」DaDa

「細細個嗰陣你又上嚟?」噹噹
「細個嗰陣唔知危險吖嘛!」點解講到噹噹媽媽好似危險人物咁嘅
「好啦byebye!」

「好啦到我走啦!」噹噹
「阿政幫一幫噹噹開門啦!」嘉

「好啦早d瞓啦!」我
「你都係呀爛瞓豬,唔好瞓到夜晚6點先嚟吓!」噹噹
「有阿嘉響度我想瞓多陣都難啦,唔知棵桃花擺響個廳係點嘅樣呢?」我

「得閒上嚟睇吓咪知囉!」竟然叫我上佢屋企
「會唔會有危險架?」講笑
「放心啦有我響度我會保護你,唔會有人傷害到你嘅!」你咁講我反而擔心

「好啦byebye!」我
「政仔!」
「乜事呀?」

「多謝你,多謝你棵桃花!」噹噹
上咗去啦,終於都送晒所有人,我都可以返屋企瞓覺啦!


屋企樓下

「散晒啦!」我
「呼~~~好凍!」嘉

「酒氣過咗會特別凍架快d上返去啦!」我
「等等,你睇!」嘉

「光?六點咁快天光?」
「二月啦傻仔,過多三個月夏天5點半就天光添啦!」嘉
「我記得十二月第一次落嚟跑步個天仲黑媽媽!」我

「時間過得真係快!」嘉
「依一度算唔算係今年第一度光呢?」我
「用農曆年嚟計都可以算係第一度光嘅!」嘉

「唔知下一年我哋可唔可以再見到第一度光呢?」
「當然得啦,再通頂咪得囉!」嘉
「好辛苦!」

「有幾辛苦呀年青人?我宣佈以後每一年依一日我哋都要等天光!」偉大
「天光天光天光.............」究竟我哋響度做緊乜
「年初一啦,今年第一件事想做d乜呀?」我

「瞓覺!」嘉
「冇錯!一點又要去拜年,得返嗰6個鐘........」
「仲講?快d返上去瞓啦柒頭!」嘉

「快d沖涼瞓覺!」我
「仲沖?第一時間插上張床瞓啦!」嘉
「咁污糟架你?」我
「年初一不嬲都唔洗沖............」







**********************************************************************


6:20am

「呼~~~終於整好啦!」
棵桃花擺響個廳真係好有氣勢,只要開晒一定好靚!

188?死傻仔講大話都唔用吓個腦,個老細咁克薄一蚊都唔減會咁平賣比你?應該又做咗水魚比人掠咗688啦!
真係兩個都一模一樣,又係唔識講價又易比人呃,不過.........又幾細心嘅!

條傻仔竟然學人送花,不過點都估唔到我第一次收花係收桃花,(好過劍蘭嘅)我覺得佢對我越嚟越好,係咪我諗多咗?
佢頭先攬得我好實,嗰一刻到底佢心入面諗緊乜?想抽我水?唔係唔係佢唔係d咁嘅人,定還是.............佢真係乜都冇諗過?

「噗!」瞓咗落張床
唔好亂諗啦,我而家就好似阿詩咁人哋對你好小小就糊思亂想,但係佢哋兩個究竟係乜嘢關係?又話係假拍拖但又好親密,
先唔講阿嘉,阿政我feel到佢對阿嘉真係有d嘢,但佢又話冇,究竟佢哋兩個心入面諗乜架?

桃花呀桃花!咁貴買你返嚟比小小功能出嚟啦唔該,可唔可以等阿政上咗大學佢哋兩個感情就轉淡做返普通朋友,可唔可以
有朝一日阿政話佢對我有feel,小小小小都好啦,可唔可以............






「媽媽!爸爸去咗邊呀?」我
「係囉!又話響依度等,去完個厠所就唔見咗人!」媽媽
「會唔會蕩失路呀?打電話比爸爸啦!」我
「年宵市場太多人打唔通呀!」媽媽

「聆、老婆!」
「爸爸呀!」
「去咗邊呀?」媽媽

「買小小嘢比阿聆之嘛!」爸爸
「大公仔!」我
「咪話咗唔買個囉,個公仔成百幾蚊架,買埋d唔等洗嘢!」媽媽

「個個小朋友都有玩具係阿聆冇,買返個公仔比佢啦!」爸爸
「買d平平哋咪得囉!」媽媽
「個女鍾意嘛,一年一次算啦」爸爸

「就算係都叫埋我去啦,又係冇講價個老細一蚊都冇平比你啦?」媽媽
「...............」爸爸
「爸爸鍚晒你,我第日結婚都要揾同爸爸一樣嘅男仔!」

「傻嘅咩阿女,你老豆又冇錢又細膽又冇本事,係都揾過叻小小啦,係我咁蠢先嫁咗比佢咋!」
「爸爸好倦抱我!」
「好啦!抱到返屋企!」爸爸

「七歲啦阿聆,仲要人抱?」媽媽
「老婆幫我拎兩袋嘢!」
「淨係顧住個女都冇人理吓我!」媽媽

「我哋最錫媽媽!」我、爸爸
「真係冇晒你哋符!」
「爸爸媽媽,以後每年我哋都嚟行年宵囉!」

「吓!今日唔洗返夜先嚟到咋阿女!」媽媽
「同人掉假囉,一年一次冇問題嘅!」爸爸
「你放公眾假緊係咁講啦!」

「咁即係得唔得呀?」我
「盡量啦,就算掉唔到都返早班夜晚出嚟啦!」媽媽
「講過要算數,以後每年依一日爸爸媽媽都要陪我!」



希望每一年嘅年三十晚都好似今日咁開心,希望每年嘅今日佢都響我身邊,希望.............奇蹟終有一日會出現!








 
已有 0 人追稿