(爸爸no.1)我老豆係口靚妹: 阿政no.49
阿政no.49 張子政
「吱~~~吱~~~」
12點嗱?不過話好似兩三點去拜年都冇問題,瞓多陣...........
「唔........」嘉
佢幾時響度架?琴晚好似返咗自己間房瞓,其實佢係咪有鋪引成日都走上嚟我張床,不過算啦好倦..............
「嘟嘟!」
「喂.............」
「哥哥恭喜發財身體健康龍馬精神學業進步小柔呀!」
「恭喜發財.........」
「你仲未醒呀?快d起身啦1點鐘要去拜年啦快快!」小柔
「小柔,其實兩三點都.........」
「唔講啦我響你屋企樓下,呀有life啦,嘟!」小柔
「樓下..........」等等
「唔..........」衣衫不整嘅阿嘉瞓咗響我張床
「..................」
「嘩!死啦死啦殺到嚟啦差人查房呀砰!」唔小心撞咗佢個頭埋牆
「嘩!撞鳩死我乜事乜事?」醒咗
「小柔響下面.......上緊嚟!」氣急敗壞
「嗰條靚妹咋?仲以為真係差人,瞓多陣先啦,噗!」佢攬住我再瞓過
「...............」我比佢壓住郁唔到
「起身啦,如果比小柔見到我哋瞓埋一齊媽媽一定的我返東涌架!」我
「你唔開門佢見條春咩?扑埋嘢佢都唔知啦!」你係咪未瞓醒呀
「咔!」開門聲
「小柔好似有鎖匙............」
「恭喜發財出入平安路路亨通一團和氣學業進步我嚟啦砰!」破門而入
「...................」四目交投
「你哋...........響度做緊乜嘢.........」小柔
「拜......拜年!」我
「拜~~~年?」好似唔係好信咁啵
「蔣泳嘉!你琴晚響度過夜?」小柔
「我今朝10點先上嚟拜年咋,不過琴晚玩通頂上到嚟又瞓過,阿政點解你會攬住我嘅?」真係講大話唔眨眼,
仲要交個波比我
「等等你條褲呢?」小柔
「係囉我條褲呢?阿政我條褲去咗邊?」嘉
「做乜問我?」我
「哥哥............」
「唔關我事呀,係佢自己瞓到甩咗吓咋!」
「呵呵!」仲響度笑
「又你你搞鬼啦,根本你就冇著褲走上嚟,快d著返條褲呀!」小柔發火
「得啦得啦,比你搞到醒晒我去洗個面先!」起身
「唔好著住條底褲四圍行,喂條底褲甩啦!」小柔
「MK妹.........哥哥以後每晚打個電話比我,我要確保得你一個響屋企我先瞓得著!」我個底係咪已經花咗
「叮!XO醬蘿蔔糕、年糕!」嘉
「全部都係糕?冇第二d嗱?」小柔
「新年嘛!」
「一點啦仲唔走呀?」小柔
「唔洗咁心急,約埋佢哋一齊去啦!」嘉
「喂......喂!」
「恭喜發財!」
「做乜個個好似未瞓醒咁架?」小柔
「6點至瞓咋早知唔通頂啦,你睇阿麗隻眼仲合埋架!」美
「我哋都係4、5點先返到屋企,通嗰一晚頂就嗌晒救命,依家d靚妹真係唔掂!」澄澄
「青春期嘅少女要瞓多d架,邊似得嗰d更年期大嬸瞓四五個鐘就自然醒吖!」美
「嗚~~~~」阿美唔知幾時比澄澄濕咗一嘢
「你個friend真係買棺財唔知定!」嘉
「專係得罪d唔可以得罪嘅人!」茵
「DaDa呢?佢唔係同你一齊嘅咩?」噹噹
「一早比JJ帶走咗啦,佢哋兩個應該響入面逗緊利是!」澄澄
「咁心急呀?」嘉
「你都知JJ性格啦,錢喎佢會放過任何漏網之魚咩,都係快d入去睇實佢!」班長
「阿嘉!」DaDa
「JJ呢!」嘉
「通場飛!係咁抆住d叔叔衫尾攞利是,有d直頭攞咗三四封!」DaDa
「人不要面果真天下無敵!」
「快d襟住佢啦,搞到人呀!」班長
「咁又冇!d叔叔仲比得好開心添你哋睇!」DaDa
「哈~~~~」超可愛妹妹
「大小姐!」同事
「阿嘉姐姐!」JJ撲埋阿嘉度,佢幾時做咗姐姐架
「大小姐你d同學真係好活潑!」同事
「係呀,我哋林重恩紀念中學嘅學生個個都好可愛架!」JJ
「林重恩未死架紀乜嘢念呀?」班長
「係係,我哋你林重恩在生紀念中學嘅學生!」JJ你係咪玩嘢啊
「小妹妹你好得意比多封你啦!」
「多謝,陣間見!」甜到漏
「JJ你今日好cute呀!」嘉
「直頭可愛到爆添啦!」班長
「唔講以為你食咗春藥!」澄澄
「係呀個個叔叔都話我可愛!」JJ
「不過好多 auntie 兇啤緊你呢!」嘉
「啤咪啤囉大庭廣眾會打我咩?有錢收就得啦!」JJ
「有錢收跟埋人哋去酒店吖笨!」班長
「考慮考慮!」JJ
「.....................」
「太危險啦依度,帶JJ去我間房冷靜吓!」嘉
「同意!」澄澄、班長
「哇!講笑咋放開我........逗.......;逗......」
「4隻嘢咁就消失咗,咁我哋依家點呀?」噹噹
「逗利是囉!」美、小柔
「恭喜發財!」
廚房:
「姬樂姐姐你響度呀?」我
「係呀做完嘢入嚟抖抖,點解你又入嚟廚房嘅?」姬樂
「出面太多人入嚟抖抖!」我
「咁啱啦沖咗咖啡,你琴晚應該好夜瞓飲杯先啦!」姬樂
「多謝!」
「你班朋友真係好落力完全冇停過逗利是!」姬樂
「係呀,陣間比阿嘉知道我縮咗入嚟又話我有錢都唔識執!」
「又唔係每一件事都要用錢嚟衡量嘅,響廚房飲住咖啡聽住音樂渡過一個下午,比成出面嘅政治團拜咪仲輕鬆!」姬樂
「我都覺得,不過d音樂好熟!」我
「依d叫華爾滋,好多電影都有用嚟做配樂,你聽過都唔出奇,係咪好老土呀?」姬樂
「唔係呀,不過始終聽唔慣!」我
「當然啦都唔係你嘅時代,不過你知唔知華爾滋響文藝復興時代係一種好前衛,屬於年輕人嘅音樂!」姬樂
「係咩?」
「雖然話係文藝復興,但當其時嘅音樂仍然以嚴肅公整為主,就係你哋話聽到瞓著嗰d!」
「但華爾滋又叫做圓舞曲,唔係靜靜地坐響度聽嘅音樂而係一種舞蹈,係一種隨心所欲、輕快自由嘅音樂,再加上男女
親密嘅身體接觸,當其時上流社會都將華爾滋當成低俗、傷風化嘅活動!」
「但隨住依種平民化音樂越嚟越受歡迎,咖啡廳舞廳越開越多,貴族同平民都響同」
一個舞廳跳舞,連階級觀念都慢慢打破!」
點解姬樂好似越講越遠嘅,搞到我都唔知點答嘴!
「阿政,冇選擇高節而入咗林重恩有冇後悔?」姬樂連高節都知?又係阿嘉同佢講啦
「又冇話後唔後悔嘅,林重思始終係band 1名校,而且都冇得我揀啦!」
「蔣生曾經同我講過10歲嘅張子政係一個好活潑好有自信嘅小朋友,做任何事只要認為啱嘅都會去做,為咗救隻青蛙
可以整爛個花槽,為咗同朋友出睇星可以唔識路返屋企,搞到要警察帶你哋返嚟!」姬樂
「乜原來我以前咁曳架?」
「但從另一個角度睇係一個好有自信、充滿生命力嘅阿政!」姬樂
「我覺得我自己越嚟越冇用!」
「其實係你太多顧慮同太計較其他人嘅睇法,你做每一件事都好似為其他人而做,反而喜歡嘅事就收響心度,試吓使人自私
小小,唔需要理其他知嘅死活!」姬樂
「唔理其他人死活?」唔洗咁嚴重吓
「人係自私架嘛,亦因為人自私世界先會進步,自私講得好聽叫自我,人只會為咗自己去努力工作,為自由為理想為愛情為事業
為家庭其實通通都係為自己,冇糧出你會唔會返工吖(唔計亞視)?天地萬物生存都係為自己,一棵菜一隻雞生出嚟唔係比人食架,
如果佢哋好打過你佢哋會食返你轉頭,所以做人唔好太為他人着想,偉大嘅人通常都冇乜好下場架!」姬樂
「點解你講嘢咁似我老豆嘅?」我
「因為你老豆都係自私嘅人囉,就係佢自私過你你先比佢食住,記住如果要改變你嘅將來一定要自私過你老豆!」姬樂
魔鬼!我突然覺得姬樂都幾邪惡,不過又幾啱聽!
「乜嘢食住邊個邊個呀?」
「小姐、阿嘉?」我哋
「姬樂你都響度呀?阿政我揾咗你好耐啦有利是唔逗同我縮咗入嚟廚房?」嘉
「新年嘅意義唔係逗利是而係靜靜地感受新年嘅氣氛!」姬樂
「仲有優閒咁飲吓咖啡~~~雪!」我
「真係天生一對!」嘉
「好彩我親自出馬同你逗利是,你睇........好厚,仲寫埋名同部門,真係擦鞋擦到上心口!」嘉
「佢哋都幾重手吓!」我
「太子女親自出手佢哋夠膽唔比面,姬樂唔洗驚我陣間同你逗埋!」嘉
「睇嚟你逗得好開心咁啵!」姬樂
「唔講啦,阿政出去同d uncle吹吓水!」嘉
「阿政!」
「係!」
「努力呀!」姬樂
「你同姬樂好好傾喎!」嘉
「係呀,同佢傾完計成個人都精神晒!」
「有冇咁誇呀?不過佢哋兩個又幾啱傾嘅,初頭覺得佢哋好煩,但搬走咗又有d掛住佢哋!」嘉
「我覺得你變咗!」我
「你都變咗啦,比起幾個月前醒咗好多!」嘉
「如果以後我唔聽你說話做自想做嘅事你會點?」
「咩去做囉!大個仔仲聽老豆老點咩?」嘉
「你真係變咗,終於似返個人!」
「去死啦!不過聽日唔好約人全日陪我,唔準say no!」嘉
「原來都係冇變到!」
「乜嘢呀?年初三至年初五你個妹過嚟呀,成個新年都要對住佢乜都做唔到,只係聽日先可以做正經嘢!」嘉
「乜嘢正經嘢?」我
「拜車公!」
**********************************************************************
「你同子政講咗好多說話喎!」張震滔
「有感而發啫,係啦林原浩點呀?」姬樂
「終於打敗九龍官,取得全港學制冠軍!」
「連輸兩年終於響畢業前完成對阿政嘅承諾,年青人就係有依種幹勁!」姬樂
「而且佢響高節成績亦係數一數二,入讀科大應該冇問題...........如果子政留響高節會唔會同林原浩一樣咁積極呢?」滔
「阿政比林原浩強,依家佢只係沉睡緊,只要你拆走佢身邊嗰幾道牆,佢嘅成就會比佢爸爸張俊雄更大!」姬樂
「冇錯,佢一定比佢父親更出色!」張震滔面上終於出現笑容
「其他人呢?」姬樂
「方木折比較麻煩,始終係青衣band2學校而且成績只係一般,聽佢班主任講佢可能唔打算考大學」滔
「幫一幫佢啦,依個年代始終有個學位會好d!」姬樂
「我會想辦法,至於魚佬同智仔佢哋同林原浩同一班,而且佢哋都係以科大為目標,應該問題不大!」滔
「咁就真係太好啦!」姬樂
「將荃灣官小籃球隊響科大重現真係可以令子政恢復記憶?」滔
「以一個精神科醫生嘅官腔回答就係阿政最快可以聽日就恢復記憶,又或者永遠都唔會再記得阿嘉!」姬樂
「..............................」
「8年前就想盡辦法分開佢哋兩個,今時今日就用盡方法令阿政記得返阿嘉,你哋依班父母!」姬樂
「對唔住!」
「放心啦!阿政見返阿嘉依三個月已經慢慢刺激到佢嘅童年記憶!」
「以醫生嘅角度我回答唔到乜嘢,但以女性直覺我可以向你保證,10歲嘅張子政好快會出現響依個世界!」姬樂
真正嘅張子政一定會返嚟救蔣泳嘉!