(爸爸no.1)我老豆係口靚妹: 阿政no.50
阿政no.50 車公女神(1)
「哥哥真係要撬爛佢呀?」妹妹
「唔係撬爛,只係撬開個櫃啫!」我
「我好似放咗個賊仔入嚟..........」
「開咗啦,好打機!」
「殊!比工人姐姐聽到就慘啦,爸爸媽媽要放假先比我玩咋!」妹妹
「擺多過玩,都唔知買嚟做乜?」
「平時要溫書學嘢吖嘛,玩得多媽媽話會分心架!」妹妹
「有錢人d家教真係嚴,其實你已經跳咗兩年啦仲要咁辛苦學嘢?」
「我又唔覺得辛苦喎!」妹妹
「唔好講啦,鼠入你間房先啦!」我
「又輸.............」
「我連嬴五鋪!」妹妹
「打極都輸比你,唔單至打機,數學電腦其他科目你都叻過我,由其係男仔嘢你特別易上手,到底你係男仔定女仔嚟架?」我
「女仔!」肯定
「遲d會唔會係你照顧返我轉頭呢?」我
「我會保護你!」man
「再打多鋪,一定反敗為勝!」顏面何存
「夠啦工人姐姐返嚟架啦!」
「啪!」
「好!神不知鬼不覺!」
「但個櫃好似有小小爛!」妹妹
「小小啫,你話比老鼠咬爛囉!」我
「依度有老鼠?」妹妹
「唔洗驚喎,你咁乖又細細粒點都唔會懷疑你啦!」
「我驚你咋!佢哋第一個一定諗到你!」妹妹
「冇証冇據咬我食咩,我死都唔認佢哋都吹我唔脹啦!」
冇錯真係冇証冇據,我又死都唔認,不過我都係比老豆打到飛起!
一句依度唔係法庭唔撚洗証據就開我拖,依d咁屈機嘅說話(連共產黨都唔夠膽講)係邊個發明架?真係害撚死人!
「我要走啦!」我
「子政!」佢攬住我
「好啦乖啦,我過幾日再嚟!」
「我想攬多陣!」
我突然全身發滾,心跳加速,有種抖唔到氣嘅感覺,我全身都郁唔到..............
依種感覺好熟悉................係比鬼責嘅感覺!
「唔...........」嘉
佢又走咗上我張床啦,仲成個人責住我心口,心口好痛.........唔怪得抖唔到氣啦!
「喂!我就死啦走開啦!」我
「唔......點解你會響我張床度架?」嘉
「依張床好似係我架,乜你走咗上嚟都唔知咩?」
「吓唔知呀!我琴晚瞓瞓吓好凍,凍到震吓震吓,跟住攬住舊好暖嘅嘢就瞓著咗啦!」嘉
「嗰舊嘢咪係我嚟個囉!你連自己走上嚟都唔知?」我
「算啦算啦唔講啦,瞓覺!」又攬過
「喂九點啦又話去拜神!」我
「半粒鐘!」
「你近排好似爛瞓咗!」我
「發育緊嘅青春少女係要瞓多d架啦!」嘉
「幾廿歲人學人講發育..............」
「唔好嘈呀!瞓覺瞓覺...........」發脾氣
「......................」瞓咗
由得佢啦!基本上佢已經反祖返去十幾歲嘅年齡,我覺得其實我係多咗個細妹!
襯住依個時間溫吓書啦,都有幾日未拎起本書!
「做乜唔叫醒我呀,成10點幾啦!」嘉
「冇所謂啦去拜神之嘛,瞓到精力充沛好過死死吓去好啦!」我
「咁又係,瞓多一粒鐘真係唔同d,快d啦,再遲就好多人架啦!」嘉
********************************************************************
大圍某餐廳
「條街好靜!」我
「年初二11點幾有幾多人吖,不過見到個個一家大細應該係去拜年,真係好有新年氣氛!」嘉
「有幾個人揸住風車,應該係去完車公廟!」我
「人哋都拜完啦我哋仲響度含緊條腸,行啦!」嘉
「又唔洗咁急嘅,又唔係趕時間,靜靜哋睇吓風景都唔錯,兩個月前我哋都響度踩單車架!」我
「你仲響前面跌咗幾十次添!」嘉
「原來識咗噹噹佢哋都係得嗰三個月,唔知點解覺得好似識咗好耐咁!」我
「我都係,三四個月前我仲係男人,而家我已經完完全全溶入咗蔣泳嘉個生活圈子!」嘉
「................」感觸
「行囉!」
「個個都一家大細!」嘉
「新年嘛!好多都係一家出動去拜年!」我
「如果比着平日你哋d死靚仔會跟住老豆老母出街?星期日都唔知飛咗去邊啦,都好嘅,新年可以比個藉口一家人聚埋一齊!」嘉
「聽講年年新年唔見咗人嗰個係你喎!」我
「喀!依幾年上位吖嘛,梗係同d高層董事打好關係架啦,依家咪日日同你一齊,唔好講依d嘢啦走啦!」急急腳
「好多人!」
「12點啦!都叫你早d起身架啦,如果年初三排到去黃大仙添呀!」嘉
「咁黃大仙班人咪又排到嚟車公廟?」我
「點解我哋講到好似排小巴排錯隊咁嘅?」嘉
「不過唔係話年初三先係拜車公嘅咩?點解我哋初二就嚟拜嘅?」我
「都話咗你個妹初三嚟囉,帶住佢呱呱叫點拜啫,而且初二先係車公牛一,只不過d人赤口唔去拜年先至嚟車公廟攝吓時間啫!」嘉
「乜你講到車公好似冇人約嘅毒撚咁架?」我
「哈~~哈~~」我哋竟然響車公廟講車公壞話
「話時話咁多廟點解一定要嚟車公廟嘅?」我
「近囉!其他好靈嘅廟全部都響山卡啦,好似依間天后廟響元朗公庵路,公庵路聽過未呀,拜神啫揾命駁咩?」佢比個地圖我睇
「原來係近,我仲以為車公好靈先帶我嚟添!」我
「錯!車公近得嚟都好靈,發叔年年都嚟求籤就知佢好幾撚勁啦!」拜神可唔可以唔好講粗口呀
「不過年年都係下下籤呢!」我
「咁先至冇做馬冇人造色素呀,吓吓都上上籤你都唔信啦!」嘉
「又真係幾多人嚟拜神嘅!」
「有邊個唔想行好運吖?不過正確嚟講人其實係一種活在今天,恐懼將來嘅生物,亦因為咁先洐生好多奇怪嘅產物出嚟,保險強積金
股票期貨都係為咗保障自己,而金錢就係所有人嘅終極目標,其實對大部分人嚟講錢係將來嘅保障,但為咗依份保障,好多人都放棄咗
「現在」!」嘉
「中學嗰時冇享受學生生活,只係識得讀書做part-time,出嚟做嘢真係駁命揾錢上位,乜嘢理想都扔埋一邊,到有咗家庭,為咗比到你哋
幸福.............」好多嘢講
「依幾十年我除咗錢之外,人生好似一片空白!」嘉
「其實你依家做返15歲女仔,可能係上天比多次機會你重新開始過!」我
「係嘅!不過而家嘅我越嚟越細膽,可能死過一次啩,究竟人死後嘅世界係點嘅呢?」嘉
「做乜講埋依d嘢呀?」
「因為依件事每一個人都會面對,而金錢亦保障唔到死後嘅世界,人害怕死亡先至有宗教依樣嘢出現!」嘉
「宗教就好似你哋d中二病人一樣,幻想一個天堂或理想世界出嚟,比所有響依個殘酷世界生存嘅人一種動力,宗教同六合彩一樣,雖然
不切實際但又唔可以取消!」嘉
「咁又叫我嚟拜神?」我
「求個安心啫!」嘉
「神又係你鬼又係你!」我
「呵呵~~~」
「不過世界咁大可能有神都唔出奇,好似耶穌死而復生又做過好多神蹟,只不過我哋冇見過啫!」我
「神蹟嘅嘢今時今日都大把啦,今日夠有人可以升上半空,越過萬里長城雙手噴火變好多小動物出嚟,甚至於斬開人兩邊合返埋都仲得,
以前d先知神仙都係做咁上下嘅事,不過我哋叫依d人做魔術師,只係古時嘅人太單純見到自己理解唔到嘅事先將佢哋當做神,人就係恐
懼所以先比d有有心人利用!」信仰破壞者
「好彩依度係車公廟唔係教堂,如果響教會你同人鬧交都似,做人唔好太主觀,依d都係你自己諗法啫!」我
「係咩?好似耶穌復活唔好話冇証據,就連福音書都有暗示耶穌復活係有問題!」嘉
「有乜問題?」
「買本聖經睇吓啦,耶穌復活後去見佢嘅使徒,但竟然冇一個認得佢,而聖經就話佢哋眼睛模糊了或耶穌改變形象!」嘉
「如果你放完假返學校,竟然冇一個同學認得你,你認為發生咗乜嘢事?全部人生晒白內障?盲咗都聽到你把聲啦,真係一個都認唔到你?」嘉
「耶穌係一個宗教家改革家,佢一生都以完成聖經預言為目的,但最後一個預言------死而復生佢冇可能自己做到!」嘉
「佢只可以揾其他人去假扮復活後嘅自己,如果佢有一個双生細佬依個計劃就真係完美啦,可惜佢冇吖所以只有揾個九唔搭八嘅人嚟扮自己,
不過依個人一定好清楚耶穌嘅一切,甚至連說話語氣氣質都模仿到一模一樣,所以班使徒先至相信嗰個變形耶穌係堅嘅!」嘉
「其實根本就冇耶穌復活依回事,只不過係班使徒太單純,唔肯接受人死不能復生依一件事!」嘉
「又唔可以咁講,至少死而復生我見過一次!」我
「?」
「咪係你囉!你夠係死而復生,雖然個樣唔同咗連性別都變埋,但你仍然係你,你仍然生存響依個世界!」我
「.........咁又係!當初你都唔認得我,但相處得耐我嘅性格語氣你都會認得返我!」嘉
「我相信耶穌復活同你嘅情況差唔多,以另一個人嘅身體復活見返佢嘅朋友,所以做人又唔好咁武斷!」我
「換另一個角度睇,可能你眼前嘅根本唔係你爸爸,只不過係一個女仔完美咁模仿你老豆,而你依個傻仔就信到十足十!」嘉
「又有咁嘅可能.........」
「啪!衰仔老豆都唔認得,依個世界邊度會有千金小姐認你依個死窮鬼做仔吖?入得啦行啦!」嘉
「都唔知邊個響度講耶穌,不過點解你會對聖經咁熟嘅?」我
「係囉!馬經財經就睇得多,唔通又係蔣泳嘉d前世記憶?」嘉