(爸爸no.1)我老豆係口靚妹: 阿政no.51
阿政no.51 車公女神(2)
大殿:
「咚咚咚.........」
「好大煙!」
「咁先至有氣候架嘛,個場比你有乜感覺呀?」嘉
「全球暖化、空氣污染、北極d冰...........」
「諗嘢可唔可以唔好咁負面呢?重陽節夠年年燒幾個山頭,聖誕節夠年年有女去家計會,節日盛事依d嘢
在所難免架啦!」嘉
「好似去嗰邊買香燭,好似都幾貴!」我
「百零二百蚊算平架啦,你睇有個買成幾舊水!」嘉
「洗唔洗咁重手呀?」我
「人就係咁架啦,當做咗壞事良心過意唔去咪做返d善事囉,殺人放火姦淫擄掠之後通常都會買返支旗,叫完
雞嗰晚通常都會對老婆好d,就連細路仔打爛嘢
都會幫阿媽揼骨,可能依d叫良知啩?再加上有樣嘢叫等價交換,做得越多衰嘢嘅人拜神都會重手小小!」嘉
「點解任何好事經過你把口都會變晒做衰嘢嘅?」我
「講事實又唔啱聽,其實誠心祈求嘅話一柱清香已經好足夠,拜神係講個心架!」嘉
「咁又係,我哋買最平嗰d啦!」我
「老細,我要最大嗰碌!」嘉
「..............」
「做乜望住我啫?大碌穩陣d嘛!」嘉
「睇嚟你今年都做咗好多壞事!」
「咚!」成排香扑落嚟
「好啦,攞晒d嘢落化寶盆依家真係一柱清香入去拜車公啦,知唔知點解今日我哋嚟拜車公呀?」嘉
「近吖嘛!」
「其一啦,最重要係同你求學業能夠順利入到科大,所以陣間神心d!」嘉
「不過之前你講嗰d無神論都搞到我冇晒信心!」
「只要信,不要問!所謂嘅信心其實係自我催眠,即使你係一條柒頭,只要你不斷對自己講我係靚仔我係靚仔
,你就會變成世上最靚仔嘅柒頭,只要有信心,人嘅力量就會無窮大,快d同自己講依個世界有神,神會幫我拖啦!」嘉
我覺得佢根本響度摧毀緊我嘅信心!
「阿政,如果有d事自己做唔嚟唔好勉強,好大壓力嘅話就交比佢,只要佢真係存在,佢一定唔會見死不救!」嘉
「唔!」
隨住DSE越嚟越近,心情亦變得越嚟越緊張,好似有一股無形壓力壓住我,但依一刻我真係放低咗,感覺就好似有人
響我身邊幫我一把,與我共同進退,不過依個人唔係車公!
「點呀?係咪成個人鬆晒呀?」嘉
「突然間有種平靜嘅感覺!」
「咁犀利?不過依個世界冇人可以完全掌握自己嘅未來,只要盡力去做已經可以,成功與否就交比個天啦,唔好再擔心啦!」嘉
「原來你都知我緊張!」
「老豆點會唔知自己個仔諗乜吖,去攞利是!」
「知唔知我哋點解嚟車公廟拜神呀?」嘉
「又嚟?咪係近囉!」
「錯!其實真真正正正正確確實實在在嘅原因係「殺氣」!」嘉
「殺氣?」
「其實你嘅成績同實力我一d都唔擔心,你所欠缺嘅係信心!」嘉
「再加上你性格戇鳩鳩,去到試場一定患得患失,又唔記得帶準考証、身份証鉛筆擦紙膠..............」踩夠未
「攞住佢啦!」車公符
「車公同我一樣都係殺氣行先,揸住佢就會幫你殺晒d牛鬼蛇神,發揮你真正嘅實力!」
「到嗰一日當我再唔響你身邊,你就當張符係我就得啦,有我響你身邊唔洗驚!」嘉
「新年流流講乜嘢呀?講到自己會死咁!」我
「喂.......我只不過話你考試跟唔到你入hall,你諗咗去邊呀?」嘉
「................」
「又驚我死多次呀?放心啦未見到你長大成人我唔會比自己死嘅,攞住啦!」
嗰一刻我心裡面真係有一種不祥嘅預感,不過佢同車公一樣咁硬淨,而蔣泳嘉嘅記憶情勢已經再冇影響到佢,或者只係我多心!
「喂又呆咗呀?第日入到hall望住度符就等如我響身邊,唔洗驚!」佢真係當咗自己係車公
「我覺得你當咗我係幼稚園bb仔,要望住媽媽先唔會喊!」
「響爸爸媽媽心目中自己個仔永遠都係bb仔嚟架!」仲摸我個頭
「比你講兩講而家望住度符都feel到你個樣!」我
「咁邪?我講吓咋啵!」
「咚、咚、咚!」
「轉埋個風車就得啦!」嘉
「真係轉吓個風車就可以轉運?」我
「邊有咁易吖,不過將來係由人去創造嘅,只要人肯改變,命運就一定能夠改變!」嘉
依一刻佢講嘅說話我聽過就算,不過三個月後當蔣uncle對我講出真相,我就知道只有改變自己,先可以改寫我同阿嘉嘅命運!
「走囉!」
「哦!」
「跟住去邊呀?」我
「嚟得沙田梗係要食雞粥乳鴿咁啦,喂喂仲有乜嘢地道嘢今日一次過食晒佢囉!」嘉
「淨係顧住食,肥死你呀!」我
「咩咩?天寒地凍梗係食多D嘢補充體力啦,知唔知三日後有個萬年一鑊嘅世紀寒流襲港,好似得幾度咋,而且我又係d食極都
唔肥嘅人嚟嘅,不過最近真係大咗d!」
嘉
「乜嘢大咗d?」
「我個波呀!」細細聲
「依d嘢唔洗同我講唔關我事!」
「乜嘢唔關你事?你唔好話未睇過呀...........等等,唔記得買風車呀!風車風車.........」走返轉頭
真係頂佢唔順!
6:30pm
「真係落兩啦,今晚天氣應該會轉涼!」嘉
「好彩你叫我帶定把遮啫!」我
「我有睇天文台架,依家幾好兩個人一把遮一齊睇兩景,幾浪漫!」真係越嚟越女仔
「6點幾啦,洗唔洗食埋晚飯先返去呀!」我
「我仲飽飽地,不如買d嘢返去食囉!」嘉
「原來你都識得飽嘅!」
「串我?陣間你比錢,我要買兩隻乳鴿!」嘉
「頭先咪食咗囉!」我
「唔夠喉我要食多兩隻,仲有返到旺角買多個pizza!」嘉
「咁叫做飽..........」
**********************************************************************
「嘩!返到嚟啦!」
「咦!度門冇鎖嘅?」我
「等等!入面好似有人!」嘉
「...................」
「賊?」
「年初二都開工?咁冇江湖道義架!」嘉
「咁點呀,洗唔洗call樓下保安?」我
「樓下個保安淨係識食蕉,你叫佢捉賊?」嘉
「咁點呀入唔入去呀?」我
「仲入去?真係賊冧咗我哋都似!」嘉
「咁......咁.......」
「咔!」度門開咗
「哥、阿嘉姐姐你哋返嚟嗱?」
「小柔?」
「你點會走咗上嚟架?」嘉
「咪講咗年三上嚟哥哥度住囉,唔記得咗嗱?」小柔
「格林威治好似話今日係年初二喎!」嘉
「仲有兩粒鐘就到子時,好快就年初三啦!」小柔
「我以為你聽日先上嚟!」我
「爸爸媽媽聽朝5點出門,你知啦獨留兒童響家中係犯法架嘛(我仲係兒童),所以咪早一日上嚟囉!」小柔
「咁依位兒童你頭先又響我哋屋企獨留咗幾耐呀?」嘉
「過咗去唔好講喇...........嘩有乳鴿仲有pizza,我淨係食咗個杯麵咋!」小柔一手搶咗阿嘉隻乳鴿
「我隻乳鴿.............」
「做乜啫,兩隻咁多你唔係諗住一個人食晒吓?」小柔
佢真係有咁諗過
「入嚟啦唔洗客氣!」小柔
「係呢你哋今日去咗邊度玩呀?」
「都過咗去啦唔洗同你講都得啦!」嘉
「..................」互啤
普天同興嘅大年初二要提早結束啦,取而代之嘅係恐怖年初三立即降臨,仲以為可以好好瞓返晚.................
初二至初五都要對住依兩位小姐,比我抖吓得唔得?
超級赤口正式開始!