(爸爸no.1)我老豆係口靚妹: 爸爸no.49
爸爸no.49
「沙......沙.......」
「嘟......嘟........」
年初二晚上10點唔知幾點幾分幾秒,我哋三個坐晒響大廳睇緊是是但但d無厘頭鳩節目,無聊得滯我打吓
手機game咁囉!
比着平時響阿政張床冚住張被打吓機睇吓戲,暖笠笠瞓吓醒吓飲吓食吓碌嚟碌去都唔知幾舒服,而家?天寒
地凍棟咗響個廳度都唔知為乜鳩?
條死八婆阻撚住晒,快d死返東涌啦!
「你哋繼續睇,我入房溫吓書!」政
「我陪你啦!」我
「我又去!」小柔
「你睇電視啦,唔好阻住阿政溫書!」我
「咁你又入去?」小柔
「我教阿政讀書呀!」我
「你F.4咋教乜嘢人呀?」大大聲(小柔)
「我全級第一呀阿政d工課都係我教架!」大大大聲(我)
「你唔好吹大d?F.4教F.6我入去學吓嘢都好!」大大大大聲(小柔)
「學嘢去少林寺啦,依度無嘢比你學呀!」大大大大大聲(我)
「11點啦唔好咁大聲啦,我哋睇電視...........」
「你睇吓阿政比你搞到書都溫唔到啦!」我
「又關我事?係邊個霸住哥哥死都唔比我入房呀?」小柔
「@%$#$^&&%**^*」
「兩位小姐都夜啦,不如早d瞓............」政
「咁早瞓?」我
「新年玩夜d啦!」小柔
「就係新年我想聽日去郊遊,始終三個人響屋企有d危險!」政
「郊遊?去邊度郊呀?」我哋
「比d時間我諗吓,聽朝瞓醒比個答案你哋,早d瞓啦!」政
「好啦,早睡早起小柔你跟我過嚟啦!」我
「出面仲有小小雨,聽日去唔去到街呢?」小柔
「微雨啫,天氣報告話聽日最多都係天陰有一兩陣雨,帶定把遮冇問題嘅!」我
「嗱!你間房呀!」
「原來你同我準備咗間房架啦?」小柔
「唔好話我對你唔好,只要你安份守己唔搞阿政我唔會對你點嘅!」我
「乜嘢搞搞聲咁難聽呀?我哋係兄妹嚟架!」小柔
「真係兄妹咁簡單?」
「係純潔嘅兄妹關係!」小柔
「我一直都想有個哥哥,可以同我傾訴心事,無論任何時侯我哋都形影不離,我寂寞嘅時侯佢會
響我身邊............」自言自語
「當哥哥比d壞女人欺騙感情(係咪講緊我?)我會同佢講:哥哥,即使世上所有女人都係無情無義玩弄感情,
但仲有我依個妹妹,對你一心一意嘅妹妹,無論何時何地我都會響你身邊,情人節你唔會獨自一人,我會送你
朱古力、同你漫步沙灘,無論你有任何要求,只要能滿足到你我都會做,就算.............」FF
「嘩!跟住跟住..............」完全失控
咁叫做純潔嘅兄妹關係?佢跟本就將兄妹同情人撈到亂晒,依d係咪人哋講嘅能幹的妹妹?
比想像中更加可怕,絕對唔可以比佢哋兩個單獨一齊,條靚妹真係乜都夠膽死!
「夠啦唔好再講啦,再講你今晚瞓唔着架啦,早d瞓聽朝去玩啦!」我
「早抖!」
「依~~~依~~」
「哥哥!」細聲
「小柔,做乜走過嚟呀?」政
「出面好大風我驚驚........我可唔可以同你一齊瞓呀?」小柔
「唔係咁好.........我叫阿嘉陪你!」政
「唔怕啦我仲細個嘛,我成日都同媽媽一齊瞓嘅,兩兄妹冇所謂啦!」一路講一路捐上張床
「你玩夠未?」
「蔣泳嘉你幾時響度架?」小柔
「一直都響你後面!」我
「人仔細細夜媽媽走上男仔張床大個仲得了嘅?同我返自己間房瞓!」
「哇!哥哥......哥哥.......」
「砰!咔、咔!」
「睇你仲點走出嚟!」
「點解度門有兩個大鎖嘅?」政
「我早兩日加上去架,你睇唔到咩?」我
「哥哥救命呀......砰砰!」
「鎖佢響入面好似唔係咁好喎!」政
「點都好過放佢出嚟啦,當比個教訓佢而且入面有水有電有食物連尿兜我都準備埋(我真係細心),冇事嘅早d瞓啦!」我
「不過.........今晚又好似幾大風,我都係過嚟你度瞓!」
「.................」
「做乜咁望我?我怕黑又唔嚇得嘛,而且我係你老豆做事有分寸,唔洗驚瞓覺瞓覺!」
真係瞓覺咋!自從做咗蔣泳嘉一個人瞓點都習慣唔到,日日起身都好似唔夠瞓,但有人響身邊真係好舒服、
好安全.............
「蔣泳嘉!鎖咗我入房自己就走上哥哥張床,正人渣!」小柔
「唔......陳小柔?你點走出嚟架?」我
「嘩!成度門同我拆咗落嚟?」
「哥哥你點呀?佢冇對你做過d乜嘢呀?」小柔
「我做過d乜嘢呀?唔好用你d變態心理嚟諗我哋!」我
「乜嘢變態心理呀?我忍你好耐啦!」小柔
「你估我忍得你小呀?隻揪啦!」我
「揪咪揪怕你呀?」小柔
「冷靜冷靜!文明社會之以和為貴,赤口都係唔好響屋企啦,出街行吓啦!」政
「你講咗成晚啦咁去邊呀?」我哋
「長洲!」
「長洲?」我哋
「遠得嚟又唔洗點行,除咗花草樹木又有鋪頭,又有得shopping食嘢,啱晒你哋d女仔啦!」政
「啱嘅,如果去林村淨係得棵樹我又覺得悶(阿茵阿美佢哋今日去林村許願)!」小柔
「有得食吓坐吓都好嘅!」我
「咁就長洲啦,我琴晚whatapps咗阿詩佢都有興趣,我而家call佢!」政
***********************************************************************
10:50am
「初三都咁多人喎,好彩我哋入到閘咋,唔係又要等多半個鐘!」詩
「長洲不嬲都係香港人嘅皇后像廣場嚟架啦,一到星期日個個都踎晒入去,都唔知有乜好行?」我
「咁你又嚟?」小柔
「都話好過響屋企囉,行啦入得啦!」
「依架係慢船要成個鐘先到架!」政
「瞓覺!」我
「老人家!」小柔
「咁你想點吖?」
「去船尾睇風景囉哥哥!」小柔
「凍死你呀得12、3度!」我
「我都想去!」詩
「咁一齊去啦!啪啪啪............」走晒
冇人理我.............正衰人!
10:30am
「瞓醒啦阿嘉姐姐?」小柔
「驚你哋跌晒落海出嚟睇吓你哋咋,企咗半粒鐘你哋真係唔怕凍啵!」我
「有返d太陽冇想像中咁凍!」政
「今日應該會係一個陽光普照嘅假期!」詩
「不過d風吹埋嚟仲係好凍!」我
「估唔到你身體咁弱!」小柔
「你唔好睇佢咁惡呀,其實佢係豆腐嚟架!」阿詩竟然講我壞話
「怕凍唔代表身體弱,如果係咁非洲人個個都身體潺弱啦!」我
「哦!原來你係非洲人!」詩、小柔
「係咪年初三都想同我開拖呀?」
「唔好玩啦,再吹多陣真係會病架返入去啦!」政
「入去瞓覺!」詩、小柔
「佢兩個都幾夾!」政
「兩個都係小學生!」我
「呀!碼頭冇風陽光照落嚟真係好舒服!」
「阿嘉你真係好似隻貓,怕凍又鍾意曬太陽!」詩
「你係咪一日唔講個貓字唔舒服嘅呢?」我
「阿詩!我想食大魚蛋唔知初三有冇開呢?」小柔
「我都想食串大薯片,去睇吓有冇開囉!」詩
「一定開!成十蚊粒魚蛋三十蚊串薯片你班靚妹都狗衝入嚟,我係老細覺都唔瞓落嚟開鋪劏客啦,
香港就係有你哋依班無知婦孺經濟先有咁好!」我
「阿嘉姐姐d口吻成個中年大叔咁!」我真係中年大叔嚟
「習~~~習~~~」
「又話唔抵食又話劏客,自己反而買咗兩串!」小柔
「你唔知架啦阿嘉最鍾意食薯片,不過佢今晚一家喉嚨痛!」詩
「其實我想話30蚊定300蚊對我嚟講根本冇分別,我都係洗緊個零頭,唔好用你哋d廿蚊利是都要爭崩頭
嘅靚妹心態同我比!」我
「阿詩!佢咁黑人憎點解你哋都可以做到好朋友嘅?」竟然離間我同阿詩感情
「忍忍吓就慣架啦,其實佢都係得把口!」阿詩你講乜嘢呀
「嘩!」小柔響度玩緊泡泡
「如果可以游水就好啦!」小柔
「你落水嘅話我唔會阻止你架!」我
「精神上支持你!」詩
「病咗我帶你睇醫生!」政
「成班人.........我去玩沙!」
「成個細路仔咁!」
「咁佢真係仲細嘛!」詩
「跟住去邊?」政
「我知道附近有條路一直行上去會見到好多貓,我哋上去睇吓囉!」詩
「又係貓..........」
冇錯又係貓!為咗嗰小貓三四隻(真係得兩三隻咋)就上咗山頂道成粒鐘,不過上面又幾清靜嘅,同下面人多到爆直
頭兩個世界,睇完貓落返嚟食嘢咁就一日!
咁就一日?你就想,班傻仔成4點幾先話去張保仔洞,天黑啦!
「5分鐘都未夠就落船,真係想坐多次!」小柔
「陣間返去有排你坐呀走啦!」
5:00pm
「嘩~~~」
「佢玩咗幾多次?」我
「8次!」詩
「個山窿有乜咁好玩?」政
「咪好似小朋友玩sir滑梯,新鮮刺激直頭當玩緊喪屍遊戲咁!」我
「我仲想去嗰邊睇吓!」詩
「你哋去啦,我同你哋睇住小柔!」我
「要你一個睇住小柔好似唔係咁好!」政
「我行咗成日都唔想郁啦,我坐響度休息吓順便同你睇住個妹!」
「咁.........我哋好快返!」詩
「咦!點解得返你一個,哥哥呢?」小柔
「佢同阿詩去咗另一邊行吓!」
「點解唔叫埋我去呀?」小柔
「因為我唔想你同阿政一齊咪冇叫你囉,玩你嘅山窿啦!」
「蔣泳嘉我同你有乜心仇大恨次次都要分開我同哥哥?」小柔
「乜嘢哥哥呀?你兩個根本大纜都扯唔埋,你聽住!有我響度你唔洗止意黐住阿政!」
「衰人.......你去死啦!」
「咚!」舊石頭邊度嚟架
「死八婆揾石頭扔我?」
「哇~~~」走咗入山窿
「比的捉到你我一定餵你食石頭!」
咦!個山窿一個人都冇嘅又話乜乜景點?等等好似有人...........
依種響背後發冷嘅感覺好熟,同響塘福撞鬼一模一樣.........
鬼?唔係唔係幻覺嘅啫,係蔣泳嘉嘅心理作用............
「阿政過嚟呀我抖唔到氣,聽唔聽到呀?」收唔到
「嗄......嗄........」
「阿嘉姐姐你冇嘢吖嘛?放鬆大力抖氣!」小柔
「嗚!」我攬實小柔
「我帶你返上去!」小柔
「嗄.....嗄.......」
「好d未呀?其實你係咪有心臟病?」小柔
「邊度有咁多心臟病吖,小小感冒啫!」
「我媽媽就係心臟病死架,得閒去check吓啦!」小柔
「你媽媽...........親生媽媽?」
「唔!生咗我之後就死咗啦!」
「咁唔好彩.........」
「其實可以避免架,佢根本知道自己有病唔可以有BB,佢想有一個完整家庭先生我出嚟,結果佢離開咗
淨低我一個孤令令響依個世界..........自私!」
「唔好講依d說話,世上邊個父母唔係將最好嘅比自己仔女,只不過佢哋都係普通人,比唔到你想要嘅嘢啫,
如果只淨低一碗飯佢哋一定都會比埋你,只可惜有d父母連依一碗飯都揾唔到!」我
「我爸爸有前好窮,我有一個大哥,我成日同爸爸講有哥哥咪夠囉,點解仲要生我出嚟捱苦!」
「原來蔣世伯以前好窮架?乜你仲有個大哥!」小柔
「爸爸揾錢唔多但佢會將最好嘅比我哋兩兄弟,尤其係我,哥哥係一個好顧家嘅人,佢唔想爸爸太辛苦所以好
早出嚟工作,有一段時間佢揾到好多錢,但之後佢突然失蹤,以佢性格佢唔會一走了之,可能佢遇到意外,可能佢已經唔響人世!」
「其實成家人只得我一個埋怨,相反佢哋佢哋個個都為咗我,所以我長大之後我要撐起依個家,連哥哥嗰份都撐埋!」
「其實你講嗰個爸爸...........」小柔
「話多個秘密比你聽啦,其實阿政爸爸媽媽本來唔想要阿政架,因為嗰時佢哋太年輕同無經濟能力,阿政媽媽仲讀緊書!」
「不過最後佢哋都係生咗阿政出嚟,雖然唔一定係正確嘅決定亦好唔理性,但我相信所有做父母嘅唔會理性到將自己仔
女當做貨物咁決定要定唔要!」我
「我知你講乜,其實我冇嬲到媽媽,只不過我又冇媽媽兄弟姊妹爸爸又成日唔響屋企!」小柔
「但你依家都有個新媽媽同哥哥啦!」
「吓?」小柔
單親家庭長大嘅陳小柔最渴望有一個完整家庭,家人對佢嚟講先係最重要,所以佢先咗着緊要同我爭阿政,加上佢根本唔知
乜嘢係哥哥,所以佢就將情人、同學偶像乜嘢特質都擺晒落阿政身上,睇嚟佢對阿政應該冇嗰d嘢!
「以後星期六日放假多d上嚟啦,不過你哥哥都有朋友,唔好佢去到邊都跟住晒呀!」我
「得!你想話留返d私人時間佢你同哥哥吖嘛!」竟然知道我個心諗乜
「仲有我同你媽媽唔妥,但我以後都唔會響你面前講佢壞話!」我
「點解你咁憎我媽媽嘅?」小柔
「衰女人.........」
「你話媽媽同張叔叔離婚嘅事?唔係架其實係張叔叔依兩三年性格大變,媽媽話佢變得好恐怖,佢哋根本唔能夠再相處落去!」小柔
「性格大變.........恐怖?」有冇咁誇呀
「媽媽話架,而且張叔叔死咗之後媽媽都好自責,話係自己害死佢,過咗三個月媽媽先有勇氣去面對哥哥咋!」小柔
「.....................」
「同你媽媽講張俊雄從來冇諗過自殺,嗰次只係一個意外,佢為咗救一個女仔先冇咗條命!」
「嗰個女仔.............」小柔
「唔好講啦,快d揾返阿政,比佢哋單獨太耐會好危險!」我
「有乜危險?」小柔
「你唔知咩?阿詩對.............」
「嘩!咁你都比佢哋一齊?快d揾返哥哥!」