(爸爸no.1)我老豆係口靚妹: 阿政no.52
阿政no.52 牛奶3號
「嗱!就係依隻喇!」妹
「喵!」
「真係成隻黑色個喎!」我
「你好似好唔滿意咁喎?你睇吓黑到反晒光架幾型!」妹
「是但啦!」
「乜嘢是但呀佢係我哋嘅貓仔,係我哋嘅定情信物嚟架!」咁嚴重呀
「咁你想點吖阿妹?」
「都話叫我個名囉,妹妹聲!」
「林爾嘉!」
「點解次次都叫全名,叫阿嘉唔得嘅咩?」妹
「因為我識咗個女仔又係叫阿嘉!」細細聲
「吓?」
「冇嘢冇嘢!」驚驚
「好!依家我哋就同隻貓仔改名!」妹
「係想改乜嘢名吖?」我
「你有冇心水呀?」妹
「不如用貓仔鍾意食嘅嘢嚟做名啦!」我
「佢淨係鍾意飲牛奶!」妹
「佢係咪仲未戒奶呀?」我
「一致通過--------貓仔叫做牛奶!」好求其
「貓仔你聽住,你全名叫做張林牛奶!」乜嘢名嚟
「嗱攞住,以後見到佢就等如見到我,仲有上到中學唔好識女仔要專心讀書,如果比我知道你拍拖,我會踩上你
學校,我唔會放過你依對狗男女!」極強殺氣
嗰一刻我有小小慶幸我轉咗校生命得到保障,但同我由細玩到大、青梅竹馬嘅林爾嘉將會離開我...............
「過幾日要走啦,唔可以再日日見面!」
「唔緊要,香港好細之嘛,到我讀中學我會成日嚟探你,我話過長大之後要做你女朋友,我一定唔會忘記你!」阿妹有小小喊
「攞住佢啦,喵!」
「記住呀,只要牛奶響你身邊我哋嘅緣份一定唔會斷,我一定會嚟見你同牛奶!」林爾嘉
「............................」
好舒服,好耐冇瞓得咁好,冇比人責住冇比人踢落床,感覺張床終於屬於自己................等等!點解好似有股無形壓力
,好似比人啤住咁嘅?
「你睇,牛高馬大仲攬住個枕頭瞓覺!」嘉
「唔係呀,我覺得哥哥好可愛!」小柔
「你哋幾時響度架?」
「兩三個字啦,本來過嚟叫你起身,見你瞓到隻豬咪比小柔睇多陣囉!」嘉
「哥哥好得意!」我覺得自己變咗動物園d熊貓
「哥哥唔洗驚,琴晚我同阿嘉姐姐一齊瞓,佢冇過到嚟!」小柔
「原則上係互相監視!」嘉
「唔好咁講,阿嘉姐姐你怕黑唔夠膽一個人瞓,我都係好心陪吓你咋!」
「吓吓都頂心頂肺!」嘉
「吱吱..........喳喳.........」
點講呢?雖然都係吵吵鬧鬧,但氣氛好似唔同咗,係咪過咗赤口真係唔同d?
「瞓夠未呀?今日要去阿忠屋企拜年架!」嘉
「阿忠?邊個嚟架?」小柔
「阿忠係我.......係阿政爸爸嘅徒弟,以前佢年年都上嚟拜年架,不過阿政爸爸已經唔響度,理論上應該係我哋d後輩
去佢度拜年!」嘉
「我可唔可以去呀?」小柔
「梗係可以啦,阿政快d刷牙洗面,小柔我哋返房換衫!」嘉
「啦~~~啦~~~」
點解好似變咗兩姊妹咁嘅?
*************************************************************************
葵芳:
「原來嗰個忠哥住葵芳架?嚟青衣好近咋啵!」小柔
「其實阿政細個都係住葵芳,你睇就係嗰棟啦!」嘉
「我出親嚟都經過依座樓架,可能我哋細個成日都碰到面都唔定,有冇印象呀哥哥?」小柔
「阿嘉搬走嗰陣都係得11歲,你得5、6歲邊記得呀?」嘉
「到啦!」
「恭喜發財、新年快樂!」
「阿忠,依個就係阿政嘅新妹妹陳小柔!」嘉
「小柔你好,聽小姐講你同阿政感情好好!」忠
「係呀,我同哥哥.............」又FF
「阿政!好多年都冇上過嚟啦!」忠
「自從搬咗之後真係未上過嚟!」我
「得閒上多d嚟啦,我對仔女成日都想見你架!」忠
「忠哥哥結咗婚仲有仔女架啦?」小柔
「5歲添啦,双生兄妹好得意,係喇佢哋呢?」嘉
「我太太同佢哋落咗公園玩就返嚟啦,其實今日我有一個秘密同阿政講!」忠
「你唔係話嗰兩個細路唔係你親生下話?」嘉
「正經d啦!」我、小柔
「牛奶過嚟!」忠
「牛奶?」我哋
「喵!」一隻黑貓走咗過嚟我度
「依隻..........」嘉
「佢好似仲認得你!」忠
「牛奶點解會響你度架?」我
「你爸爸話牛奶細個好曳成日四圍走,好多次走咗去其他單位比鄰居投訢,雄哥冇辦法就將牛奶交比我!」忠
「點解佢唔同我講?」
「佢驚你知道牛奶響我屋企會帶佢走,但法團嗰邊落晒order話唔比你哋單位養貓,所以先呃你話扔咗牛奶出街!」忠
「原來你仲有小小人性嘅!」我
「講乜嘢衰仔,不過我真係斷晒片唔記得牛奶響阿忠度!」嘉
「牛奶響我哋屋企咁多年,我對仔女已經當咗佢係屋企人,不過最近牛奶生咗貓仔,想睇吓你哋有冇興趣要番隻!」忠
「牛奶生咗貓仔?唔見嘅?」我哋
「叮噹!我哋返嚟啦!」阿忠太太同佢對仔女,佢哋兩個仲每人抱住隻貓
「依兩隻就係牛奶嘅貓仔?完全唔似D毛色好靚!」嘉
「係呀我嘅Nico好靚女好可愛架!」妹
「我嘅Hanayo仲靚女啦!」哥
「乜嘢名嚟?」
「好似話係卡通片主角d名!」忠
「小毒撚!」嘉
「喂!唔好響小朋友面前講粗口啦!」我
「係係!」
「你就係話比依兩隻貓我哋呀?」小柔
「唔比!Nico係我架!」妹
「絕對唔比!Hanayo係我架!」哥
「又話比貓仔我哋養?咁即係唔洗啦!」嘉
「其實牛奶生咗三隻貓仔!」忠
「咁第三隻呢響邊度呀?」我哋
「響你哋後面!」
「邊度邊度唔見嘅?」嘉
「喵!」我響度
「響個黑色喇叭度,黑貓嚟架所以咪睇唔到囉!」小柔
「係呀,佢又唔郁又唔出聲又唔同人玩,所以冇乜人留意佢架!」咁似我嘅
「毒撚貓?存在感仲低過阿政,不過同牛奶直頭同一個餅印!」嘉
「又唔係,佢隻右手掌係白色架!」我
「得嗰dd咪又係黑貓!」嘉
「嗰隻比你哋啦我哋唔要啦!」兄妹
「嗚..............」
「你哋唔好咁講啦,佢好似知你哋講乜!」小柔
「咁佢叫乜嘢名呀?」我
「仲未改!」忠
「名都未改?好大細超喎!」小柔
「嗚...........」有小小悽涼
「................」嘉
「隻貓仔我同你要咗佢,貓仔你聽住,唔理你係黑貓定白貓跟得我蔣泳嘉大小姐一定係上等貓,收唔收到呀?」嘉
「喵!」收到
「好!我哋同貓仔改返個名!」嘉
「我改!咪咪、莎莎、豆豆、豬豬好唔好呀?」小柔
「膚淺!你估熊貓咩改埋d媽媽叉複字,要改一定要改d有氣勢嘅!」嘉
「即係乜呀?」
「天將福星、活力先鋒、幸運勝利、大眾良駒型唔型呀?」嘉
「算把啦你!」我哋
「唔好咩?咁改個同牛奶差唔多嘅名算啦!」嘉
「朱古力、乳酪?」小柔
「錯!係牛奶二號!」
「好那西!」小柔
「喂喂!牛奶2號個名你已經用咗響自己度,唔記得啦?」我
「喂!我嗰陣講吓笑咁改咋啵,你唔係當真吓?」嘉
「阿嘉姐姐你做乜同自己改個貓名?」小柔
「唔好講住改埋名先,好!牛奶3號就係貓仔個名!」嘉
「你哋係咪想將牛奶量產化?」忠
「一致通過(我哋都冇應承)------------貓仔個名叫牛奶3號!」嘉
「喵!」
「我現在宣佈,牛奶3號正式成為百滔集團第一貓!」
「喵!」興奮
「牛三個嚟!」
「喵!」牛三飛撲埋阿嘉度
「牛三同阿嘉好似好夾得嚟!」我
「係牛三識得泊碼頭啫!」小柔
「衰仔連阿媽都唔理!」忠
「邊個係阿媽?」我
「咪牛奶囉!」忠
「牛奶唔係公嚟嘅咩?」我
「牛奶係乸!」忠
「...............」全場人仕
「依位前度主人,你養咗佢咁多年你連佢係公定乸都未分得到?」嘉
「哥哥你唔係有性別認知障礙吓?」小柔
「之前送隻貓比我嗰個朋友話牛奶係貓仔,所以我一直以為佢係公!」
「小柔!你嘅理想哥哥係咪開始幻滅啦?」嘉
「唔係呀,我覺得哥哥越嚟越可愛!」小柔
「唔好講啦,我哋去酒樓食飯啦!」忠
「好!順便帶埋牛三走,牛三我陣間請你食雞扎!」嘉
「喵!」雞扎?
「大小姐,貓唔食得依d嘢架,睇嚟你都係唔適合養貓,牛三都係比返我啦!」忠
「唔得!話咗比我就係我架啦,牛三你跟邊個?」嘉
「喵!」牛三死都攬實阿嘉唔放,睇嚟雞扎真係好大吸引力
「好,飲茶!」
「等等我哋未換衫呀!」兩兄妹
「我同佢哋換衫,你哋等一陣啦!」忠太太
「我都順便去個厠所!」小柔
「阿忠,百滔科域上市進行成點呀?」嘉
「因為雄哥出咗事上市要延至出年年中!」忠
「辛苦你哋啦,不過我想問阿政爸爸依兩三年係咪變得越嚟越難相處?」嘉
「可能係上市嘅事啦,雄哥依兩三年脾氣的確變得好暴躁,其他同事都感到好大壓力!」忠
「...................」嘉
「你做乜問其他人,你自己唔知咩?」我細聲
「我覺得冇嘢喎,不過聽人講我依幾年越嚟越難頂!」嘉
「你不嬲都自的感覺良好架啦,點都好啦你終於知道自己真面目,以後洗心革面做人喇!」我
「衰仔抽我水?喵!」成隻貓質落我塊面
「不過好奇怪,雄哥響公司都不拘言笑,但依一年成日見佢講電話笑得好開心,我初頭以為佢同你媽媽側電話!」忠
「一定唔會!」我、嘉
「而且一接到電話可以連公司都唔理走咗出去,有時一兩日都冇返公司!」忠
「...................」
「做乜咁望住我?」嘉
「你唔好話比我聽你出面收埋個女人呀!」我
「一個電話就諗咁多嘢,可能係大客呢!」嘉
「行得啦!」佢哋
「落去樓下商場酒樓,我訂咗位啦!」忠
「我想去一個地方行吓,陣間過嚟揾你哋!」我
「依度有嘢行咩?」小柔
「我知你去邊度!」嘉
「我又去!」小柔
「小柔,比阿政自己一個去啦,因為依個地方只係屬於阿政!」忠
「唔好吓吓都跟住阿政啦,我哋去攞位等佢啦!」嘉
佢哋竟然知道我去邊?
「喵!」牛奶
「牛奶同你講拜拜呀!」嘉
「再見啦,以後我會多d嚟探你架啦!」
望住牛奶就好似見返一個童年嘅朋友,知道佢平安無事仲生活得咁好,總算放下心頭大石,響唔響我身邊已經唔重要,
話時話點解細細個覺得係男嘅嘢依家全部變晒做女嘅?
**********************************************************************
「就係依度啦!」
「依間就係葵涌高節?」我
「嗯!全名應該叫做葵涌高節公學!」浩
「好似有小小殘舊!」我
「乜嘢呀!依D先叫做歷史悠久呀(我哋嚟咗睇歷史文物),而且高節係區內嘅band1學校,由其係籃球更
係年年三甲!」浩
「又嚟啦,一講籃球又唔停口啦!」智仔
「揾人塞住佢把口啦唔該!」折
「塞乜嘢呀?你哋都係籃球隊員嚟架,講多d比你哋聽,高節嘅習sir又有神奇教練之稱,只要入到高節我哋
就係佢d靚啦!」我哋原來係嚟跟大佬
「就係為咗習sir我哋就入讀高節?」魚佬
「錯!雖然依個係好重要原因,但最重要原因係--------近!」浩
「佢無論返學去玩、食飯買嘢優先考慮嘅都係近!」折
「遠小小嘅都話晒車錢冇時間有嘢做!」智仔
「我哋嘅隊長原來係一個宅仔!」魚佬
「唔好咁講!如果人類可以減少d無謂嘅交通時間,除咗可以洗小d錢又可以多出時間做d有義意嘅事!」浩
「例如打機!」我
「睇動漫!」智仔
「飲飲食食!」折
「同埋釣魚!」魚佬
「係練波呀!」浩
「嗱!高節離我屋企得十分鐘路程,到時大把時間練習、溫書抄功課,就算比miss罰留堂都冇咁傷!」浩
「又可以瞓多幾個字,唔記得攞嘢可以叫阿妹攞比我!」
「你個妹?攞你命就有!」魚佬、折
「阿政!以後我哋唔洗山長水遠去荃灣返學啦!」浩
「聽講我好似住荃灣!」智仔
「其實我響長發去荃灣仲快過嚟葵芳!」魚佬
「其實係咪有人想瞓多兩個字就扯晒我哋過嚟高節?」折
「你哋講乜呀?大家講過一齊入高節.........籃球隊...........」浩
「講笑咋!」我哋
「不過就算我哋第一志願係高節,都好難全部入得到嚟喎!」折
「錯!其實高節嘅習sir之前睇過我哋比賽,話我哋每一個都好有潛質,只要報讀高節佢一定收!」浩
「原來已經一早鋪好晒路,唔怪得好似入硬咁啦!」智仔
「咁即係首名志願寫上高節,我哋就係高節學生?」我
「出年9月我哋會響依間學校讀書...........」魚佬
「冇錯!唔單止高節,成個葵芳都係我哋嘅,前面嘅葵芳運動場同籃球場就係我哋嘅練習場!」浩
「打風落雨天氣太熱可以去林士德租個冷氣場嚟練波!」知唔知租個場要幾錢呀阿折
「放咗學可以去葵涌廣場打躉!」智仔
「對面好似有間機鋪,第日放學拉大隊去打機!」小學生學人入機鋪?
「唔得唔得太近學校啦,光輝圍嗰邊安全d!」已經離晒題
「以後食lunch放學可以去阿政屋企!」智仔
「去我屋企都得啫!」浩
「唔洗啦...........」
「點解你哋好似咁唔想嚟我屋企嘅?」浩
「內有惡犬!」智仔、魚佬、折
「大家聽住,返到屋企請將你哋嘅首名志願填上高節公學!」浩
「收到!」
可惜最後我同阿折都冇將首名志願填上高節,只有阿浩帶住智仔魚佬去實現我哋嘅夢想!
如果我同阿浩能夠一齊響高節讀書，今日嘅我會變成點樣嘅我呢？而且除咗入讀高節，我好似仲應承咗阿浩
一個更重要嘅承諾，但我已經完全唔記得啦!
６年啦任何承諾都過晒期啦，佢哋同我一樣都準備考ＤＳＥ，唔需要再返學校，高節公學已經再冇我認識嘅人!
等等!好似仲有一個,除咗我哋五個之外仲有一個細過我兩年嘅同學話要入高節,係邊個呢?好熟.................
有間涼茶鋪,新年食得多熱氣嘢有d喉嚨痛!
「唔該比杯五花茶我吖!」
「喵!」
「貓仔你好!」
咦?點解咁熟口面嘅,等等!
「嘟!」開電話
冇錯!依隻係夜貓,就連背景裝修都一模一樣,我一直都覺得怪怪地,夜貓條衰仔屋企有d似鋪頭,原來真係涼茶鋪!
「蕃薯好似好鍾意你咁喎,你係咪身上有貓味?」老板娘
「老板娘請問依隻貓係咪有一個十五六歲嘅主人呀?」我
「我有兩個仔,不過佢哋廿幾歲搬晒出去啦,同埋依隻係鋪頭貓,唔會跟我返屋企,做乜咁問呀?」老板娘
我將電話張相比佢睇!
「應該係有人攞蕃薯張相比你,我記得一年前有個14、5歲嘅女仔成日嚟同蕃薯影相,唔知係咪你朋友呢?」老板娘
「應該唔係,我朋友係男仔!」
突然間有股不安嘅感覺,網上講嘢不嬲都係冇句真啦,但點解揾隻鋪頭貓扮自己養,夜貓究竟係乜嘢人?
網上詐騙?識咗年幾又乜都冇發生,我又唔係女仔冇理由係狗公架?究竟好唔好再揾佢呢?
「哥哥依度呀?」小柔
「你哋食緊啦!」我
「係呀,牛三都食緊!」小柔
「你哋真係比雞扎佢食呀?」我
「唔洗驚,我哋用水沖晒d油先比佢食架,一定唔會肚痛!」嘉
「牛三有依度好,又唔出聲又唔郁又黑媽媽真係冇人知我哋帶佢入嚟!」小柔
「喵!」叫得好細聲
「我叫咗碟牛肉,牛三食唔食呀?」嘉
「喵!」食
「牛三我餵你,係喇阿嘉姐姐牛肉洗唔洗落喼汁?」小柔
「梗係落,唔落喼汁邊係牛肉呀!」嘉
「牛三會唔會比佢哋養死?」我
「阿政麻煩你睇住牛三,有乜事call我!」忠
「牛三遲d我帶你去打邊爐!」嘉
「打邊爐?不如今晚囉!」小柔
「咁心急呀?你想去邊度打吖?」嘉
「屋企打!最好叫多d人,不過新年佢哋會唔會上嚟呢?」小柔
「放心!阿政d朋友不嬲都冇人約24小時on call,至於阿詩佢聽到我哋屋企有貓,真係乜都唔理走上嚟!」嘉
「唔知阿美佢哋點呢?」小柔
「阿茵阿原上嚟嘅話,係嗰d阿美阿麗咪又係跟住嚟!」嘉
「噹噹呢?」小柔
「唔知喎!我依兩三日都冇揾過佢!」嘉
「嘟!」有電話入
「喂!係係.......冇喎........得........我會揾其他同學睇吓!」嘉
「邊個嚟架?」小柔
「噹噹媽媽!」嘉
「噹噹琴晚離家出走到依家都未揾返!