"嗄,,,,,嗄......"
我依家響阿政張牀度,擒住阿政係咁郁.
哼嗄.....嗄......" 好辛苦.

以前嘅我,一隻手就可以拉佢落牀.
依家?我要擒住佢度係咁fing,但佢都唔醒.

"唔.....唔......" 有反應啦!"
"嗄.....嗄......" 阿政起身啦,遲到啦!





"呀!你.....你點會響度架?" 驚驚.
"我話嚟接你返學架嘛!唔記得啦?"

"唔係,你係點樣入嚟,同埋擒......擒......"

"鎖匙囉!尋日配咗一條,叮叮叮!" fing吓fing吓.

"可唔可以問過我......"

"唔滿意呀?唔高興呀?唔開心呀?想鬧我?想打我?想趕我走?" 面黑黑.





"唔係呀,唔係呀.冇呀,一d都冇呀!" 又驚驚.

"咁咪係囉!你都冇嘢,使乜講咁多啫.喂,仲唔起身?"

"你.....你坐住我......"
"哦,對唔住!喂!快d啦,7:50am啦,洗面刷牙,快,A,張枱有三文治,一路行一路食啦!"

"快d啦,仲食!"
"又.....又係你叫我一路行一路食嘅!"





"都唔好散步咁啦!遲到啦!"
"唏!" 我拉佢隻手向前跑.

呢個仔,做乜嘢都係慢吞吞,咁多年都冇變,成個細路仔.

呀!依家嘅情景,就好似小學一年班,拖住佢返學一樣,只不過依家我個樣.....
其他人可能當咗我哋係情侶.

"好,冇遲到!"
"阿政,放學我嚟接你,一齊去姑姐.....唔係,去你姑媽度,辦理你爸爸後事!"
"麻煩你."
"唔使客氣,不過點解咁多人望住我哋?"
"因為......" 政





"唔講啦,放學見啦,俾心機讀書呀!" 大叫.

我嘅葬禮係響星期五,星期六上山,我記得一般人身後事都要搞成個月,但我嘅就3個星期都
唔使,姑姐你真係身手敏捷(全部嘢都係姑姐一手一腳,阿政乜都唔使做,靠佢?我出年都仲響殮
房度呀!)

話時話,依家係咪淡季,所以咁快可以拎去燒?

"呀!好攰呀,,,,,,"
以前我起碼8點幾9點先起身,依家我6:30就要起身接阿政!辛苦辛苦,呀!今晚有場波,唔睇啦!

"阿嘉你冇事吓,你好似好攰咁!"
"冇事,呢幾日有d嘢忙啫,好快搞完!"

呢個單詩詠,原來佢都幾有來頭,佢係呢間中學嘅乜嘢no.2女神(啱啱收到料)




不過我都唔差,原來小弟正是林重恩中學嘅頭號女神,唔怪得咁多人啤住我啦!

原來我咁出名.
不過點睇都好,我哋都只係2個可愛嘅口靚妹,身材都係得B左右,真係周街都有啦!
我以前公司,d女C,D,E都有,東莞d女,F都有,真係對波都玩成晚,,,,,哈哈!

咳咳,我都你聽人講咋!

"好,放學放學,閃,啪啪啪!"

"阿政,走啦!"

咦?點解點解呢度d女仔(上次冇留意),肉騰騰,黑媽媽.
一d就man過地盤佬,有d直頭係奇形怪狀,我真係以為自己嚟咗異變人類實驗室呀!





以前成日話阿政點解識唔到女仔,原來......唔關你事,唔關你事.

(註:之後我再收料,其實林重恩大部份女仔都好可愛,4A班直頭全部索女嚟啦,只係6A班特別d......阿政
你太可憐啦!)

"阿政,走啦!"
"哦."

啤咩呀?你班怪獸!好似我阿政有女仔埋身好奇怪咁.
講真,如果講樣,阿政響6A應讓係數一數二嘅靚仔,不過個衰仔就on鳩鳩,又唔點講嘢,加上呢班八婆成日
玩佢,先俾人當獨男啫,只要train一train,阿政,哼!

"阿政,我哋去食d嘢先啦!" 親密.
"呀......呀!" 嚇到震晒.
死!太作狀!個波頂住阿政隻手添,不過算啦,當益吓你個衰仔.





就咁樣,響呢5日我由哋互不相識,到每日都響一齊,夜晚我都會幫阿政煮飯.

料理家務,阿政同我都熟落咗啦!
但係幾時我先可以同佢講我係爸爸呢?

我蔣嘉詠,所有人都認為我係蔣泳嘉,而我亦會以呢個身份生活下去.

但我張俊雄,我希望至少有一個人知道我係張俊雄.阿政.





 
已有 0 人追稿