(爸爸no.1)我老豆係口靚妹: 爸爸no.7

終於都到呢日啦,星期五夜晚,我身處大酒店,眼定定咁望住----自己條屍.

呵呵......真係世界之大,竟然有人會參加自己嘅喪禮.話時話,我使唔使同自己鞠吓躬呢?

"冇客到!吹吓水!" 班死喃磨佬.

現場比較冷清,因為男家親戚比較少,女家?佢哋以為我係比阿Gi(老婆)迫到跳樓.

所以好多都唔敢嚟.





除咗姑姐同阿政,就只有班喃磨佬響度舞劍,鋤D(我都想鋤埋一份,好撚悶.)

唉!真係人走茶涼,以前大班人跟我吃吃喝喝,以為朋友滿天下,原來一個真心朋友都冇.

"有客到!一鞠躬!" 有十個八個人嚟.

哦!我班口靚,雖然係俾面派對,不過算啦,有嚟就算啦!

不過可唔可以交吓戲呢?兩個玩手機,一個睇報紙,一個睇大戲(睇班喃磨佬表演,仲拍晒手掌)
一個瞓咗,幾個響度吹水,但就冇一個去問候姑媽同阿政.





5分鐘都唔夠又走晒出去!煲煙啦又!

"估唔到大佬會有咁嘅收場!"
"抵撚死!平時蝦蝦霸霸!"

"係囉,佢都有今日啦!"
"如果唔係忠哥叫到我都唔嚟呀!"

"一唔高興就搵我嚟屌!"





"屌你咪好囉,我老豆老母日日都俾佢屌,!"
"我成家都俾佢屌暈啦!"

"我連隻狗都俾佢屌過!"
"吓!唔係嘛?"

"真係心理變態,鬼唔係佢老婆頂佢唔順,走撚埋."

"送佢一頂小綠帽!"
"小紅帽大佬."

"綠色生活,佢做起,哈哈哈!"

"咔咔咔......"





你!你!你班冚家剷!我對你哋咁好,你就當我傻佬!"

本來我諗住幾年後先收你哋皮,但係依家我要清理門戶.

我唔知響邊度攞起張摺凳......

"夠啦!"
"忠......忠哥!"

阿忠?

"大佬平時係惡d!但你哋有事邊個同你哋頂,冇大佬你哋有今日咩?"
"做人有厚度d,入返去送大佬最後一程啦!"





不愧係我嘅徒弟,頭馬,以後要靠你睇住公司啦,不過坐我個位嘅到底係邊個呢?"
"嗯,小妹妹,你係張家親戚呀?"
"我係張子政朋友."
"阿政!我都要搵一搵阿政."
"忠哥!" 阿政.
阿忠係我徒弟,所以成日都嚟我屋企,阿政都識佢.

"阿政,冇嘢嘛?如果有事,一定要搵有我幫手."
"唔!"
"呢度係雄哥嘅公積金,保險金,另外同雄哥一齊墮樓嘅係大老闆個女."
"大小姐話係雄哥救返佢,所以大老闆特別俾咗份慰問金,呢度應該足夠你生活."

阿政望一望我,應該係多謝我!在場人士冇一個知道我係蔣泳嘉大小姐.
因為蔣泳嘉係一個內向,文靜嘅女仔,公司冇幾多個人見過佢,連我都冇.





不過都好,我都唔想俾佢哋知道我嘅身份.
"10點半啦!阿嘉,我送你走啦!"
"唔!我聽日9:30半會到啦!你今晚守夜都要瞓一陣呀!"

"有客到!"

"媽媽!" 政.

阿Gi?佢竟然夠膽嚟,不過算啦!始終係阿政媽媽,同埋我都唔想搞串個場,當做個旁觀者啦!
上完香後,再客套幾句,喂,仲唔走?

你唔好唸住帶阿政走呀!
"阿政,因為嗰邊有小小問題,而且佢(姦夫)有個女,暫時都唔可以帶你過去,你住返響屋企先,媽媽
會嚟探你!"





唔係呀?我未死嗰陣就同我爭仔,我死咗,你就唔理個仔,阿政好似想喊,雖然阿政唔想去嗰邊.
但依家俾阿媽拋棄.....

"有乜嘢事打比......"
"唔使啦!你走啦!呢個家唔再需要你!" 大聲.

"以後!佢----阿政就由我照顧,我永遠都唔會離開佢,我永遠都會響佢身邊.(因為我係爸爸),你同
嗰個姦夫快快活活啦!" 又大大聲.

"講嘢小心d呀,口靚妹!"
"小心睇路啦你!"

"再講我唔你客氣!"
"我冇唸過同你客氣喎!"

"厠所!" Gi.
"隻揪!" 我.

"啪!啪!啪!" 空氣中充滿了濃烈嘅殺氣.

唔好睇小呢個八婆,佢識泰拳架!其他夫妻係嗌交,我哋係打架!我男人時就好gentleman咁就住
佢嚟砌,但係佢就搏晒命咁錐我要害.(我試過睪丸發炎),不過我依家係女仔,所以我會盡力打撚死佢.

"你哋兩個夠啦!" 姑姐.

"惠賢!你係長輩,唔好同d細路女嘈啦!"

"妹妹,惠醫始終係阿政媽媽,而且女仔唔可以講d咁過份嘅說話架,同姨姨道歉."

吓!要我做死狗?不過搞串個場係我,而我都唔想阿政,姑姐難做!

"sorry囉!"