(爸爸no.1)我老豆係口靚妹: 阿政no.9

阿政no.9            牛奶2號(1)


我,張子政,是夜星期三晚上8:15,啱啱同阿嘉鬧架,現身在旺角某Seven,
搞D嘢,順便飲支嘢,再去餵貓啦!

咦?對面投注站平時響賽馬日都會聚集好多人,當然全部都係男人啦!
三四十歲、五六十歲都有,迫住成條街,真係有D污湮漳氣!

不過,今晚有D唔同,響佢哋中間,有個可愛嘅美少女,15、6歲到啦!




同佢咃一樣,蹲響投注站外,左手揸住份馬經,右手篤住串魚蛋,雙耳
插住headphone,聚精會神地思考!

平時暗淡無光嘅投注站,現在卻發出亮麗嘅光芒,彷彿天使降臨馬會,
祝福萬千馬迷.............

我屌!

「阿嘉!」
「................」




佢聽唔到,佢雙耳插住headphone!

「卜!」
「喂!返嚟啦,回魂啦!」
「你做乜會響度架?」佢碌大隻眼望住我

「依句說話應該我講呀!」
「聽馬囉!咁你呢?」
「啊!原來係咁!」
「..........??」





「特登趕走我,然後自己嚟落注!」
「啪!」
「哇!我個頭!」

「我頭先響7仔見到你我先過嚟咋,我都唔賭錢!」
「我都冇落注,我只係聽吓之嘛!」
「真係?」

「呃你做乜?我行得正企得正,做事光明磊落,清清白白,唔似得D人
小人之心...........」
「妹妹!」有個阿叔
「叔叔!」

「先前你貼嗰隻中咗,分番D錢比你先!」個阿叔比咗二千幾蚊阿嘉




「下一場點?」
「下一場8號,不過冇咁熱,買win play!」
「同我買下場8號win play,1000蚊!」

佢都算係擘大眼講大話嘅人辨囉!
「不過唔洗驚,第8場我有終極心水,到時我哋瞓身!」
「好!show佢hand!」阿叔

「win!啪!」兩隻嘢
「夠啦!」
我一手的起佢,真係一隻手,佢雙腳離地,我就好似抬石油氣罐咁將佢抬
咗上膊頭!

有人話當一個人極度奮怒嘅時候,可以發揮比平時強大幾倍嘅力量,我諗
我依家應該響依種狀態.





「妹妹,第8場點呀?」
「叔叔,第8場2號,記住係2號,重鎚,重鎚!」
「收聲啦!」我一嘢將佢的離馬會
「哇哇!........嗚........第8場........」

「阿政放低我,你頂到我個肚腩好痛呀!」
「冇......冇事嘛!」
「痛痛!」

「阿政越嚟越惡!」
「我冇呀!但你響馬會門口比同學見到會好麻煩架!」
「我都想響屋企睇電視,不過比人鬧走咗!」

「.............」




「嗰個屋企係大,不過得我一個好悶,所以咪去馬會感受吓D現場氣氛囉!」
「電話投注定綱上投注呀?」我
「???」

「我18歲攞到身份証立即同你搞啦!」
「真!真!」
「唔!」
「阿政錫晒你!乖仔孝順仔!」

『不過依兩個月唔好落注住!』
「得,得,乜都得!」
唉!又輸咗,人哋屋企只有做仔嘅扭爸爸媽媽,我依度就掉轉晒,不過慣咗啦!

「不過阿政你又幾大力,但係太矮啦,得172!」
「173啦!」




「唓!多嗰1cm,你老豆我以前184,之不過宜家164,真係有D唔慣!」

「你有鬼184,唔好話我篤爆你,你得178之嘛!」
「喂喂!四捨五入之嘛,嗰D小數點都同我計,死矮仔!」
「乜嘢小數點,你條數點計出嚟?仲話我死矮仔!」

「矮過我咪係矮仔囉!」
都唔知咩心態,最好全世界D人都矮過佢,差過佢就最開心啦!

「咦?依袋咩嘢嚟........貓罐頭.......仲有飯!」
「唔!」
「原來係咁!」
「又乜嘢原來係咁呀?」

「你高咗1cm就係因為依D!」
「up乜春阿你?」
「貓罐頭的確有好豐富嘅礦物質同維他命,再加上有好高嘅激素,加強貓隻
嘅生長食物,你用佢嚟增高都係一種方法,不過唔好食咁多,始終唔係比人食!」

依個人個腦究竟係點運作架?