[校園][應該純愛][友情]「我想要你，仲有你既世界。」: 迷惘

當我試圖去搵出個個目光既來源既時候，發現原來周圍冇人。 

錯覺？應該冇可能。 

此地不宜久留，我帶埋Cherry急急腳走人。 

下午既堂好快過去，準備進入班務課。 

今日既班務課小有地由我主持，因為晨哥話要去開會傾閃避球比賽。 



呀，好麻煩。 

我：「好啦大家，開放日都過去左啦，我地下一個活動係咩。」 

師父：「旅行呀屌你！」 

我：「梁國雄議員，請你冷靜坐返低先。」 

我：「冇錯，就係旅行。旅行所有野幾乎都準備好，只係差game，有冇idea。」 



「Runningman啦」 

「沙灘排球啦」 

「大風吹啦」 

大家都不停比意見，經過一輪投票後，終於決定好game。 

我突然醒起晨哥叫我準備閃避球既出場名單，岩岩好。 



我：「好，game已經決定好，仲有一件事要大家注意，當日會舉行閃避球選拔。」 

大家冇乜特別大反應，可能都只係當game咁玩。 

傾完一輪後就已經放學，大家都奪門而出。 

我原本想提醒師父要留意肥豬，但諗落佢都咁大個人，無得睇。 

而Jason就同我一齊去左B班，我就去接Cherry，佢就去接張楚珊。 

原來佢係開放日已經溝到手，佩服。 

今日都係一樣，我送Cherry返屋企先再自己返去。 

佢有問過我點解咁哂時間，我答佢朝早佢去我屋企等我，放學我送佢返去都係應該。 



其實，我只係想盡可能見多佢一陣。 

畢竟唔知邊日可能會有個好似咩Leo咁既高大靚仔帶走佢。 

我可以做既，只有珍惜每一秒。 

我並唔係懷疑Cherry，而係我有自知之明。 

雖然表面上我已經唔再自卑，但心入面我其實仲係好驚。 

要進入神既境界，對我黎講實在太難了。 

因為我歸根到底只係一個毒撚。 



返屋企途中，我見到若睛。 

佢好似有叫我，但係我冇理到。 

我而家真係好想一個人靜下。