嘩,屌你魯路修同居呢d咁咸濕既事你都諗得出既? 

如果呢件事被師父佢地知道左一定會咁講。 

不過我真係完全無咁諗過,我而家想做既就只係盡量係呢三個幾月見多佢一臉。 

倒不如話,覺得同居會有咸濕野既人思想先係最咸濕。 

我呢種純情小毒撚係唔會有呢種思想。 



星期六一朝早Cherry就返左去,夜晚WTS我話佢屋企人批准左,叫我星期日去接佢。 

同居呢件事,美星無反對,我都唔知點解,佢仲主動提出話車我去接Cherry。 

去到Cherry屋企樓下,發現佢已經企係度等我,身邊有兩個喼,仲有佢父母。 

為表示禮貌,我同美星都落車同佢地打個招呼。 

我:「Uncle,Auntie你地好,唔好意思我竟然話要你個女同我一齊住…」 



Uncle:「魯路修,我只講兩句,呢幾個月,我個女就交俾你啦。」 

之後佢降低左聲缐,細細聲咁同我講: 

「五年後,我個女仲話鐘意你既話,我就俾佢嫁俾你,到時你一定要娶佢,唔係既我就閹左你。」 

聽到「閹左你」呢一句,正常下體都會痛一痛,但我無呢種感覺。 

我用一個好堅定既眼神望住佢。 



「多謝你,交俾我啦Uncle,呢幾個月我會好好照顧你個女,我應承你。」 

就係咁,我地三個人就開始一齊生活,雖然只有短短三個幾月。