[校園][應該純愛][友情]「我想要你，仲有你既世界。」: 別阻我

我好似一次過立左好多敵添… 

不過唔驚，成班人都欺善怕惡，我擺個惡樣出黎應該就無人敢搞我掛。 

就算真係有人黎搞我，最多咪搵晨哥幫拖，無事既。 

晨哥一定會撐我既，應該。 

班TA開始安排台下既人走，禮堂越來越少人，最後得番我地十個人。 



晨哥都終於企起身準備走，我見到咁都起身跟住佢，點知若睛突然企起身，slip左係晨哥後面。 

我：「弱智你又搞乜呀，無啦啦彈出黎，嚇到我的心離一離呀。」 

佢望住我，笑左一笑，輕輕打左我心口一拳。 

若晴：「多謝你喎，魯路修。」 

我：「吓，多乜謝。」 



Cherry：「人地應該話緊頭先你解圍件事呀。」 

解圍？哦原來係頭先件事，唔係Cherry講我都唔知若晴佢講乜。 

我：「哦，我睇唔順眼啫，無乜特別意思，唔好擺係心。」 

我又點講得出口係因為我內疚吖… 

返到班房，大家出奇地雀躍，個個見到我就wow。 



師父：「威啦，串哂全校人咁濟。」 

肥豬：「一早話左佢唔係真毒啦，真毒點會敢對住咁多人講野，仲要串人。」 

晨哥：「哈哈，連我都唔敢一次過串咁多人，魯路修你好勁，已射Thanks。」 

屌，連晨哥都玩我。 

不過咁樣比人讚，我暗地裏都有幾分高興。 

萬分慶幸我果日並無比人接放學，只係有堆人望住我指指點點咁。 

講我無乜所謂呀，唔好阻住我同Cherry返屋企就得，你地鐘意點話我都得。