[校園][應該純愛][友情]「我想要你，仲有你既世界。」: 有我在
星期六中午，我陪佢返佢屋企拎野，順便當行下街咁。
上到佢屋企，得佢啊媽係度，佢仲好熱情咁招呼我，問我飲唔飲茶，搞到我幾唔好意思。
諗落，我都好似只係第二次上佢屋企。
第一次係佢突然失蹤，我靠若睛先搵到佢住邊。
而且上次上黎都無乜點留意佢間屋，只係掛住睇佢。
今次要細心d留意下先。
好快，我發現佢間屋周圍都貼住相，全部都係家庭照，有唔同時期既Cherry。
有幼稚園既，又有小學既佢，仲有應該係初中既佢。
睇到呢d相我真係不得不讚嘆人體既神奇，對比起佢細個，佢個樣真係變左好多。
佢細個係屬於可愛type，而家就係完完全全係美女type。
我行下行下就行到入佢房，發現原來入面都貼住唔少相。
我唔出聲，靜靜咁睇相。
佢間房d相大部分都係中學時期，好多張都係著住校服，同張楚珊佢地影。
但有幾張特別引起我注意，因為d相入面有我係度。
雖然d相我並無望鏡頭，因為我應該只係路過攝左鏡，但我仍然為此感到愕然。
因為個幾張相，全部都係佢既獨照。
我只出現係佢既獨照，係巧合？
我諗唔通，不過我無問。
我只係將個問題收係心入面，繼續靜靜咁睇相。
啊呢？點解..？我會係呢張相入面..？
「嘩，你行路無聲既？嚇親我呀。」
我：「喂，傻婆..呢張相..你幾時影..？」
Cherry：「咩相吖？」
我：「呢張..你書檯面個張…」
不知不覺間，我呼吸變得急促。
果張相，係佢同一堆女仔係迪士尼影既，而我就係旁邊路過，身邊仲有兩個人。
Cherry：「哦~呢張係當時迪士尼開幕無耐我同班小學同學去架，果陣都未入中學，做乜
」
原來…我地一早已經見過。
縱使知道左呢件好值得開心既事，但我仍然笑唔出。
係因為張相勾起左我一d好唔想記起既野。
不過我好努力咁擠左個笑容出黎，指左我係邊俾佢睇。
佢一知道原來我都係果張相入面就變得好興奮。
Cherry：「哇我記得之前外國有人結婚果陣播返細個d相發現原來兩個好細個果陣已經見過，仲要又係迪士尼添呀！」
我：「係咩..」
Cherry：「搞錯呀你無聽過？
我覺得我地好似果對夫婦啊哈哈。
」
我唔知點解開始流眼淚，仲要停唔到。
當然，俾佢發現到啦。
Cherry：「做乜呀傻佬…開心到喊？
」
佢將隻手放係我頸，再用少少力將我拉向佢個邊。
但我喊，其實完全唔係因為我知道我地原來咁有緣份。
係因為張相入面係我旁邊既兩個人。一個係子琪。
另一個叫朱雀，係我小學最好既朋友。
亦係一個無可取代，印象最深刻既朋友。
「唔好走，留係我身邊，我唔想又得番自己一個…」
一句困擾左我好耐既說話，唔知點解突然間就講左出黎。
Cherry無正面回答我，只係輕輕咁摸下我個頭。
「我係度啊，而家我邊度都唔會去。
」
我：「呢張..你書檯面個張…」
不知不覺間，我呼吸變得急促。
果張相，係佢同一堆女仔係迪士尼影既，而我就係旁邊路過，身邊仲有兩個人。
Cherry：「哦~呢張係當時迪士尼開幕無耐我同班小學同學去架，果陣都未入中學，做乜
」 原來…我地一早已經見過。
縱使知道左呢件好值得開心既事，但我仍然笑唔出。
係因為張相勾起左我一d好唔想記起既野。
不過我好努力咁擠左個笑容出黎，指左我係邊俾佢睇。
佢一知道原來我都係果張相入面就變得好興奮。
Cherry：「哇我記得之前外國有人結婚果陣播返細個d相發現原來兩個好細個果陣已經見過，仲要又係迪士尼添呀！」
我：「係咩..」
Cherry：「搞錯呀你無聽過？
我覺得我地好似果對夫婦啊哈哈。 」 我唔知點解開始流眼淚，仲要停唔到。
當然，俾佢發現到啦。
Cherry：「做乜呀傻佬…開心到喊？
」 佢將隻手放係我頸，再用少少力將我拉向佢個邊。
但我喊，其實完全唔係因為我知道我地原來咁有緣份。
係因為張相入面係我旁邊既兩個人。一個係子琪。
另一個叫朱雀，係我小學最好既朋友。
亦係一個無可取代，印象最深刻既朋友。
「唔好走，留係我身邊，我唔想又得番自己一個…」
一句困擾左我好耐既說話，唔知點解突然間就講左出黎。
Cherry無正面回答我，只係輕輕咁摸下我個頭。
「我係度啊，而家我邊度都唔會去。
」