[校園][應該純愛][友情]「我想要你，仲有你既世界。」: 逼近了
時間唔會因為你既心願而減慢又或者停止流動，而家已經六月中。
試已經考完，大家都係度等結業禮派成績表冋暑假既到來。
當然，有部分人期待緊聯校ball啦，但我反而因為咁而煩惱緊。
我今次要做到最好，為左唔留低任何遺憾。
對於佢黎講都應該係。
上次無意中叫佢唔好走，令我煩左好耐。
佢只係話「我而家邊度都唔會去」，佢係咪唔明我咩意思？
定係，佢唔想正面咁拒絕我？
我諗唔通。
呀，而家唔係諗呢D野既時候呀！
我要做既應該係盡量製造更多美好回憶呀！
晨哥：「喂，行啦魯路修，夠鐘去開會。」
屌，即時漏哂氣。
我：「點解應該係學生會做既野要我地做？
」 晨哥：「Eh…正確黎講對方係要我做，你只係陪我。
」 屌，好想打佢呀！
我：「你知架，我同Cherry已經無乜時間…你仲拉我去為個ball開會…
」 晨哥：「吓，咁你咪可以掌握個ball既流程，為芷睛準備驚喜囉。
」 係喎！點解我諗唔到？
晨哥：「傻鳩，下下要人提既你。
」 我：「多謝大佬！快D行啦我地！
」 晨哥你是最好的！
晨哥：「話時話，你準備左衫未？真係諗住唔著suit？
」 仆街！！我無左件事！！
個ball下星期已經係啦！我竟然完全唔記得要買衫！！
點解Cherry唔出聲提我既？唔通佢已經買左衫？
慘啦，我唔想失禮佢呀。
屌，今晚返去問美星拎錢去買先得。
明明日子已經逼近，但係密密麻麻既生活令我漸漸無左時間觀念。
或者，我心入面已經放棄左去捉緊佢？
不過我相信自己一定唔會咁。
我以從未用過既專注力去開會，得出一個結論。
今次個ball，我應該會好唔得閒。
我被安排左做好多野。
最主要既工作係「睇場」，直接黎講即係打雜，咩都有機會要做，真係屌你老母on99。
係人地學校開完會，準備離開果陣，我見到子琪。
明明佢都有份負責呢個ball，但頭先開會唔見佢。
子琪：「唷~魯路修！黎陪阿晨開會？
」 我：「eh…係啊，頭先唔見你開會既？」
子琪：「哦..我有d事所以叫左其他人幫我開會，唔好講咁多啦我送你地出去啦！
」 我望望晨哥，突然覺得佢兩個好似，周不時推d野比人做。
另外，我又突然諗起朱雀。
不過今次無之前咁傷感，只係有少少懷念以前三個人一齊既日子啫。
我：「喂，你記唔記得朱雀..？」
子琪：「梗係記得啦，佢小六果陣無啦啦走左去，我仲記得你果陣唔開心左一排
，做乜事？ 」 我：「無，問下啫。」
原來唔係得我記得，但好似得我一個放唔低..
子琪：「咦，果個好似係你女朋友？」
唔？佢係度講乜？Cherry又點會係呢度啊。
不過我都係伸個頭去望下佢指既方向。
咦？？？？點解Cherry會係呢度？？
大鑊！佢身邊仲好似有幾個男仔圍住佢！
我：「喂！唔講咁多！我要行先！！」