佢無答我,但我已經無所謂。 

就算佢想點都好,我都樂以接受。 

最重要既係,我已經向佢表明左我既心意,咁就夠,我無野後悔。 

最令人心痛既係,明明係有野想講出口但又無法講,最痛莫過於此。 

但我已經講左出黎,所以我已經無痛苦,而家只有單純既快樂。 





至少我係咁同自己講。 

又一個星期六黎到,代表住聯校ball好快就到。 

然而,我仲未準備好要著咩衫。 

我一大朝早就猛係度上淘寶睇suit。 

唔知而家先淘寶趕唔趕得切呢? 





Cherry:「今日陪我出去睇下衫好無?」 

Eh?咁突然? 

算啦出下去啦,順手我都可以睇下衫。

我好快就換好衫,同佢出左旺角。 


陪佢行左好多間鋪,睇住佢試左好多件衫,我都開始有少少倦意。 





不過每次佢換衫行出黎我都有種耳目一新既感覺,所以我咩都無講,由佢試到滿意為止。 

我感覺佢唔係試左好耐,但當佢話走個陣,我發現已經五點幾。 

可能咁就係「快活不知時日過」啦。 

我:「試夠嗱?買左咩?」 

Cherry:「唔試啦,我肚餓啦,買左兩條裙咋。」 

我:「咁去食野啦,我都有少少肚餓。」 

佢一話走得,我d倦意即刻湧哂上黎,忍唔住當場打左個喊露。 

Cherry:「係咪好悶啊..Sorry呀要你陪我咁耐..」 





我:「唔會!點會呢!唔好亂諗野!快d去食野啦我地!」 

我嚇到大聲左自己都唔知,搞到其他人都望住我地。 

哇真係好醜怪,唔得要速速離開此地先得。 

我拖住佢,急步離開商場,行落大街。 

出到外面,嘩,咁多人既,媽,我好驚呀。 

我下意識回頭望下佢,發現佢望住我。 

我:「做乜事?」 





Cherry:「無事,只係突然覺得你好型啫。 」 

一聽到「型」呢個字,我不受控咁笑左出黎。 

又氹我開心。 

我:「不嬲都型架啦 ,點呀食乜呀?」 

Cherry:「咁多人..不如買狗仔粉返去食囉,買埋家姐個份。」 

狗仔粉?聽過但係未食過,無所謂啦。 

但係又要返去同美星食?我想二人世界喎。 

唉,算啦,就下佢啦。 





係去買狗仔粉既途中,我地經過G2000。 

我先醒起自己仲未買衫。 

我:「不如等我一陣?我想入去睇下野。」 

我已經轉左身,準備入去,但係俾佢用力拉住。 

Cherry:「唔得。」 

吓?做乜呀佢? 

我:「好快就得架啦,等我一陣啦,我轉個圈就出黎架啦。」 





我開始用力,嘗試行入去,但佢仍然拉住我。 

Cherry:「呢度D野唔岩你,我唔鐘意你著呢度D衫。」 

做乜呀佢? 

不過佢一打出「唔鐘意」三隻字,我即刻棄械投降,跟佢繼續行。 

乜佢咁憎G2000架咩?

買完狗仔粉,我地就坐車返屋企。 


途中佢都無乜點講野,只係捉實個袋訓落我膊頭度。 

望住佢訓教個樣,我忍唔住又影低左佢,感覺好似係度犯罪。 

屌,你痴線架魯路修!自己女朋友黎啦! 

我差少少就大大力咁拍落自己塊臉度,只係費事嘈醒佢先無咁做。 

同佢一齊,智商就會不自覺咁降低,搞到我成日好似個傻仔咁。 

就好似由夜神月變成松田咁。 

「你個腦裝屎架! 」 

屌,自動load左把聲出黎添。 

返到屋企,果然美星係度,好似好耐無見佢返工咁。 

我:「喂,食左野未,Cherry買埋你份狗仔粉。」 

美星:「嗯?岩哂,我未食飯,多謝阿妹。」 

Cherry:「唔洗,你地食先啦,我入房放低野先。 」 

佢講完就入左房,美星即刻挨過黎我度。 

美星:「喂!做乜唔係出面食埋先返?」 

佢壓低把聲,好似唔想俾係房入面既Cherry聽到,我決定用相同既音量回應。 

我:「屌!撚知咩!佢話買返黎食架!仲要我想行G2000都唔比添呀!」 

美星:「去G2000做乜? 」 

我:「買suit去ball囉! 」 

佢突然坐直個人,開始係度暴風吸入狗仔粉,嚇撚死我以為佢撞邪。 

唉,怪怪地,算,食野。 

我伸手去拎碗狗仔粉,卻發現後面企左個人係度。 

我抬頭一望。 

嘩! 

嘩嘩嘩! 

發生咩事呀而家!! 

Cherry換左條黑色連身窄身裙行左出黎呀!! 

痴線架點解可以靚到咁架!!我搵唔到形容詞去形容而家既佢呀!! 

太靚啦實在!! 

Cherrry:「我諗住咁著去ball吖…靚唔靚吖… 」 

我:「靚!好靚!!喂你話係咪? 」 

我諗都無諗就答,仲係度係咁拍美星膊頭,叫佢俾意見。 

但我諗多左一秒,突然覺得唔對路,好大力咁拍左落美星度,幾乎搞到佢用臉食狗仔粉。 

我:「唔得!你唔可以咁著!!你太靚啦肯定俾人睇蝕哂! 」 

換黎既,係兩位女性既大笑。 

Cherry:「所以我需要一位好型既護花使者保護我囉。」 

佢係身後拎出一個紙袋,我無記錯既話呢個袋係響佢屋企拎返黎既。 

我:「咩黎架?」 

Cherry:「係屬於你呢位騎士既盔甲吖,開黎睇下。」 

我打開一睇,係一套suit。 

嘩…原來佢一早準備好…唔怪得知唔比我去G2000啦… 

點算好我而家講唔到野.. 

Cherry:「著住佢,陪我去ball唔好俾其他男仔撩我好無? 」 

「YES!YOUR Majesity!」

呢句說話我係第一次咁大聲講,直頭係由心入面嗌出黎咁濟。 


呢套suit,對我黎講就係Iron Man D suit咁,賜予我力量,同時給予我勇氣同自信。 

有呢套衫,就算果日想撩Cherry既係神都好,我都會將佢斬殺! 

Eh…好似有點中二病添..