[毒撚][少甜]點解我會變左做索女架????: 11
「因為佢唔係我杯茶﹗」呢句我想講好耐架啦﹗但以前邊有機會講丫﹗
「…唔通你有其他目標…」表姐沉思左陣，敏銳地反擊。
「無啊…真架…你打黎有咩事啊﹖」我沒好氣地說。
「樂樂大個女啦…覺得表姐煩啦…細細個果陣成日纏住表姐要表姐抱你…而家大個女就唔理我啦…不過
話時話，你細個果陣其實都生得幾似女仔架喎﹗仲幾cute添﹗」表姐忽然雀躍起上黎。
「得啦…得啦…」我爭少少必到dd大話既開頭啦﹗
講起cute，其實細個果陣小善都好cute；果陣時我仲有d呷醋，覺得小善威脅到我cute王既寶座。
腦海浮起小善既笑容…一於用埋小善過橋…話我要去佢屋企住兩個禮拜啦﹗
「um…其實表姐啊…我係…我係有d事想同你講既…」我既不安，虛假得黎又帶幾分真。
「無論有咩事，表姐一定會撐你架﹗」表姐認真得有點過份。
「即係咁…啊…我要呢…有需要…去其他朋友屋企訓兩星期…係女仔黎﹗…但係老竇返左黎…我唔知點開口…」。
表姐機靈地：「唔通樂樂你仲未捨棄到男兒身，去左溝女﹖」。
「唔…唔係啊…」靈機一觸，認左咪仲好﹖「係…係啊﹗其實我…我做左十六年男仔…唔適應…仲鐘意女仔係好正常既﹗」。
小善，我既小女神；你就頂住做我女朋友先啦﹗
「其實我有左個女朋友…我想去佢度住兩個月加深彼此認識﹗」我勇敢地繼續，畢竟毒向左走向右走將女神級既女仔講成係自己女朋友係極大既僭越；以前淨係諗都覺得自己好過份。但係而家，我都係女神﹗所以一D都唔過份﹗
呢下到表姐沉默，雖然見唔到樣，但我都知表姐肯定係面露驚訝。
「樂樂你…咁表姐上次同你單獨留係廁所咪好危險﹖」。
表姐竟然係咁答我，原本緊張表姐點回覆既我差D搞到部手機跌落地。
「哈哈哈….表姐講下笑喳…」表姐頓一頓：「表姐都好明白你十六年既男性經驗底下，你仲鐘意女仔係好正常，更何況而家同性戀都好平常姐…不過你真係完全對男性無FEEL﹖」。
表姐又糾纏返去呢個問題上。我諗起獅兄壞壞既笑容…仲有輕佻既口吻…我諗緊咩啊﹖
「無﹗一D都無﹗」真係好危險啊﹗
表姐又嘻笑起上黎：「樂樂你唔駛咁大反應喎﹗」此地無銀左添﹗
「…」我又一次陷於下風，明明開始作緊大話都俾表姐帶住兜圈…
「其實表姐打黎，係想約你禮拜三去做身體檢查架。」表姐忽然正色道。
身體檢查﹖咁到時係唔係要剝光豬架﹖
大驚﹗以呢段日子既經驗，逢係有關我性別既野都唔係好事﹗
咁係唔係要剝光頭姐﹖「表姐啊…唔剝光豬得唔得啊…﹖」。
「吓﹖樂樂好想俾表姐剝光頭咩﹖」我係話唔好剝啊﹗
你唔好逼我帶把菜刀做身體檢查啊下﹗
「傻妹黎既﹗身體檢查要除曬衫架咩﹖當然…有部分係尖對你既生殖器官既。」表姐一副專業口吻。
我就係驚呢PART丫嗎﹗
「由於你未成年，所以請阿姨陪埋你一齊黎醫院，我地會做返個簡短報告俾家長。」。
咁大個人都未真正FEEL過表姐咁妙手仁心。
「啊仲有啊，姑丈返左黎，咁你有無同佢講你而家既情況啊﹖」。
「啊…」，「你啊咁耐姐係無啦。」表姐語氣充滿諒解。
「駛唔駛表姐幫你啊﹖又或者等你再準備好先﹖」。
「等我再準備好先﹗」諗都唔駛諗就答左呢句。
最起碼俾我既肉身準備好挨幾千下藤條先啦﹗
「其實樂樂啊，我明白你好怕俾姑丈知道你而家既情況；但你無可能呃一世架喎。你都會大個女，都會嫁人架嗎。…就算你而家係Les﹗」最後一句有D戲謔意味。
「其實啊表姐…你可唔可以幫我呃住老竇先﹗話我去你到住兩個禮拜溫書﹗得唔得啊﹖」差D唔記得做正經野﹗
情況陷入膠著，係咁俾表姐帶住遊花園，可惡啊﹗
「你同你個小女友同居兩個星期…會做D咩培養感情啊…﹖」語氣甚為古惑。
我點知獅兄會做D咩啊﹗
「捉下棋…唱下歌咁囉…」講出口連我自己都唔信。
「咁啦…你約佢出黎，等我地見下面再決定幫唔幫你啦。」表姐淡定地說。
今次Hi Hi了。
俾小善知道我咁樣借佢過橋…仲唔反面啊﹖
上次已經錫過一啖啦…而家仲要話約佢出黎見表姐…佢會點諗啊﹖
一定會覺得我借D咦抽水啦…同時我既形象都插曬水啦…
「點啊樂樂…你唔會係呃表姐，其實係同D損友去玩啊﹖」
死啦﹗表姐起疑啦…
「…緊係…唔係啦﹗…我而家即刻約佢，一陣再搵你啦表姐﹗」說罷我就收左線。
死啦﹗點解吹到咁大啊﹗…Hi Hi啦Hi Hi啦﹗如果而家話唔係令表姐疑心再大同阿媽講，咁我就禾味過禾味隆啦…
小劇院又愈來愈大風，吹到我披頭散髮咁；返屋企又隔牆有耳難溝通喎。
毒向左走向右走樂啊，你快d諗辦法啦﹗
但真係無計架啦喎﹗都同表姐開左口啦，你仲識第二個同性密友咩﹖大女神定琪琪啊﹖
身體說不，但其實手指已經很誠實；一早就拎住部電話碌左去小善屋或既電話；係啊﹗我就係咁毒向左走向右走自己加左小善電話落手機，等有朝一日佢大發慈卑搵我果陣我知道佢係邊個啊。
亞太區有一天成為亞太區佢個街﹗咁向左走向右走凍既﹗忽然劇凍陣風吹到我牙都震埋。
唉Hi，死就死啦﹗我禁﹗
「dodo…do…」等待既途中往往係無盡既恐懼，如果又係伯母聽電話咁點算呢﹖小善拒絕我又點算呢﹖小善嬲左我又點算呢…
「喂﹖請問邊位﹖」話筒傳來小善愉快甜美既聲音。
我終於感到一日不見如隔三秋既感覺，對住靚女就係咁。
「啊…小善啊…記唔記得我啊…我係陳津樂啊…陳俊樂既堂妹呢﹖」咩陳津樂陳俊樂姐﹗咪又係我自己﹗真係傻的嗎勁生勾勾﹗
「…記得﹗…果日我地見過面嫁嗎﹗點啊，你睇左那些年未啊﹖」其實果日既見面我同小善係傾得幾開心既，唔係肥輝都唔會反我枱啦。
見小善咁happy，一於食住上﹗
可能係開始有d習慣同小善溝通，所以忽然間我覺得自己勇過勇者王啊﹗
「我未睇啊…邊有人陪我睇喎…」但我瞬間又變返Seven Head。
我突然退縮失望既語氣令小善竊笑左陣，相同既頻率，小善跑贏左琪琪百九幾條街。
「不如我你去睇多次丫﹗橫掂我都得閒﹗」睇多幾次戲係social人既權利，當然我係未試過架啦。
「下…唔係幾好既…」你講乜野啊毒向左走向右走樂﹗「啊…之但係我又想睇…」咁就岩啦﹗食住上啦﹗真係溝左小善佢啦﹗咁就唔駛煩啦﹗
「去啦﹗睇多次啦﹗個結局我唔係好鐘意啊…」d 咁唔make sence係小女神先有資格講﹗
小善好可愛啊﹗佢就咁捉住我講曬個故事流程，俾著係第二個咁Hi Hi劇透，我一早就收左佢線。
「點啊﹖去睇啦﹗」小善苦苦哀求。
Wow，人生第一次有咁靚既女仔求我，我就黎high上天啦﹗
「啊…好啦…咁你幾時得閒啊…﹖」時間係好重要的，幾多毒向左走向右走就係因為時間唔岩，所以激嬲女神啊﹗
「不如…就而家啦﹗我見上網仲有位啊﹗」小善興奮雀躍地說。
咁快﹖咪住先，我唔係就要約小善出黎培養下感情講大話嫁咩﹖
「6點半apm有位啊…你得唔得啊﹖」你再係咁嗲我就要jizz in my pants啦﹗
家下先四點半，仲有成兩個鐘俾我作另一個大話，時間配合得岩岩好啊﹗就咁話啦﹗
「好啊，咁一陣見啦﹗」簡直係極意外既收穫，估唔到講大話都會成真﹗去溝女啦喂﹗
但可惜既係我要以女身出現…可恨啊﹗
眨眼間，我已經企係apm商場前人來人往既長通道，等候小善既來臨。
岩岩返屋企空無一人，廚房放左d等緊人煮既餸，睇黎阿媽又去左打牌；老竇又未放工。
望住我又一次外露既白滑長腿—我條褲仲係獅兄度未攞返，屋企又無其他褲見得人…唯有局住著返條迷你裙啦﹗
上身又著住件哈哈笑tee…無其他野見得人丫嗎﹗我仲好毒向左走向右走地咩住個背囊落街…唔係邊有地方俾我放銀包啊﹗呢身咁令人熱血既裝扮，落街果陣凍到我Hi Hi﹗
我不安地雙手捉緊背帶，因為我注意到前方有一班染到五顏六色既棒棒頭mk不停地將目光放係我身上。
雖然聽唔到佢地講乜，但從目光與佢地對望過幾次，我肯定唔係好野。
仲有佢地淫賤既笑容，我不安地移一移站姿。
我好淆底啊﹗點解我又俾mk睇中架﹗小善呢﹖點解小善仲未黎架﹖
「樂樂﹗你等左我好耐啊﹖」小善親切既聲音由遠方傳來—髮型與前日一樣，只係今日著住件灰色毛衣同深藍色牛仔褲。並無我想像中拖三搭四咁與一班朋友，只係小善一個。
「咦…你無其他朋友陪你咩…﹖」我強作鎮定，好奇地問。
小善扁扁嘴：「你唔係我朋友咩﹖」。
「吓…﹖」我受寵苦驚，我終於做左小善朋友啦﹗yeah﹗
「嘻嘻…佢地話我睇左太多次唔理我喎﹗佢地好衰架﹗」小善笑逐顏開。
咁其實我都係大後備黎姐…
「其實我都有諗起你架﹗你同阿樂一樣咁鐘意睇戲，可能你會陪我呢﹗」。
咁你應該打俾我丫嗎﹗我亞太區有一天成為亞太區到黎啊﹗
「但我又無你手提電話…搵阿樂去搵你又好似無乜誠意咁…」小善失望地。
「我地而家交換電話啦﹗等以後我有人陪，唔駛理班衰人﹗」。
說罷，小善就從佢…佢都係咩背囊度拎左部電話出黎，興奮地同我交換左電話。
時間都唔早，我地都慢慢行上戲院，一路行一路傾，我好幸福啊﹗
沉醒係小善迷人笑容既我，完全無留意班mk正吊緊我地尾…
係旁人眼中，我地呢對靚女組合係好朋友，而係我眼中，我已經幻想緊如果小善做左我女朋友會係點…
「阿樂起身啦…仲訓﹖返學遲到啦﹗」、「我整左個飯盒俾你啊﹗唔準食淨架﹗」、「喂啊﹗你岩岩同果個女仔講D咩啊﹗唔準啊﹗」…
真係諗起都爽到彈起﹗
「你咁唔專心既，諗緊咩啊﹖」一輪嘴講緊野既小善見我神不守舍，將個頭移向我面前。
「…無啊…」小善親暱既舉動令我有點方寸大亂…小亂啦﹗
小善又笑左下：「你同陳俊樂好似啊﹗兩個都成日怕怕醜醜咁﹗」。
「係啊…我地係堂兄妹丫嗎…哈哈哈…」我胡亂推搪。
我地行扶手電梯；一層又一層，一層又一層。終於俾我地上到黎頂樓戲院。
望住顯示電影剩餘座位既mon，果然仲有好多位剩啊…兩個鐘前可能係既…而家只係剩返中間後段既一排…大約6、7個位啦…套戲有無咁好睇啊﹖
忽然，我感到隻手被人用力一拉，回頭一望—小善已經捉住我隻手拖緊我埋去櫃台：「快D啦樂樂﹗再遲就買唔到飛架啦﹗」。
小善仲心急過我，真係好傻豬啊﹗
「唔該我地要6點半那些年…」小善流暢交代場次、時間同座號；換轉係我實口窒窒。
「買左啦﹗仲有4個字，我地去邊度好啊﹖」講開又講，買位果陣見到有條友零零丁丁買左最右邊向左數第三個位，即係將一排劏開左；究竟係邊條毒向左走向右走咁串嘴呢﹖
我同小善就買左呢條Hi Hi隔離果兩個位，因為近中間丫嗎。
「入去等一陣啦，時間好快過架姐。」我無聊地東張西望…果班MK仲跟住黎﹖眼神仲無轉過方向。
望住佢地行得愈來愈近，佢地目標唔係自己既心中希望完全幻滅。
「喂靚女﹗你地係唔係買左6點半果場啊﹖喂岩喎﹗我地又係睇果場喎﹗不如睇完戲一切去食下飯、吹下水、上下床囉哈哈哈哈哈。」為首既金髮MK黑人憎地笑道。
「係囉﹗橫掂你兩條女咁dry，我地班靚仔咪可以陪下你囉﹗」。
我諗係因為果件事既陰影，小善恐懼地縮係我身後。我知道自己要勇敢﹗即使我都好驚…
「唔…唔駛啦﹗我地自己好開心啊﹗…」我寒惴地說。
「好開心﹖咁同我地一齊仲HIGH啊﹗」另一個蟑頭鼠目既MK說。
「係囉﹗我地幫你地搵G點丫…哈哈哈﹗」。
佢地既行為叫做溝女又唔係，調戲又OVER曬；定還是佢地平時就係咁同D MK妹溝通﹖
不幸地，原來佢地頭先係買飛果陣偷望過我地，所以專登坐係我地隔離。
小善與我正不安地依靠。
「不如…我地走囉…」小善充滿恐懼…究竟果晚之後…班mk對小善係唔係做過d咩呢…
唔通小善俾佢地…
「嗯。」我裝作冷靜以安撫小善，並努力尋找可以快速安全離開既路線。
戲院人流多，但我又唔夠膽貿貿然大叫喎…
你真係無向左走向右走用啊毒向左走向右走樂﹗…咁我真係無向左走向右走用丫嗎﹗
「咦﹖樂樂﹗你又黎睇戲啊﹖」忽然，一道熟悉、邪惡既聲音傳入。
獅兄﹗佢自遠方慢慢步近，臉上一貫古惑但迷人既表情。
換上便服既獅兄著住一貫既合身t-shirt，盡顯佢高大、而且健美壯碩既身形。
班mk最高果個都係高我少少；仲有件矮過小善。唔係肥就瘦，望到咁英俊雄偉既獅兄出現都非常相形見拙。
Mk們一臉諤然。
係呢刻，獅兄堪比毛主席，簡直係我心目中既紅太陽同大救星﹗
「獅兄﹗」我拉住小善既手，奔到獅兄身旁。
獅兄望一望我地，又望一望班mk；笑意更濃：「哦﹗你地誤交損友﹗所以就唔返屋企黎睇戲﹗」。
我沒好氣地：「咁你呢…」。
「我作為一個成年人，係有自由同權利決定任何時間去睇戲﹗」獅兄義正詞嚴，但脫不了一臉唔正經。
我瞇起對眼抬頭望住獅兄。
行到黎更為高大既獅兄身邊，小善直接哩我同獅兄中間。
Mk們正埋首議論紛紛，不時向獅兄投向惡毒既眼神。
「獅兄…佢地有四個…你唔驚咩﹖」我開始有d擔心做架兩既獅兄。
「哎呀﹗樂樂關心我啊﹗」正經d啊﹗「唔驚﹗我有帶電話出街﹗隨時可以報警﹗」仲一臉精明。
「獅兄…我可以咁叫你架可…﹖」小善不安地問，眼神不時望向班mk。
「叫我亭哥哥或亭bb都得架。」獅兄懶迷人地眨眨雙眼。
小善泛起紅暈：「阿亭…我叫你阿亭丫…你睇邊場戲啊…﹖我怕…我怕你走左佢地會…」。
哦﹗原來格開左邊邊果兩個位既人就係你﹗
「無辦法啦﹗作為毒男，係要自己一個黎睇戲架啦﹗」獅兄坐係我身邊，旁若無人地繼續唔正經—佢身旁既
四個mk坐得極不自然，睇黎係怯於獅兄既高大氣勢。
我地三個調左位，原本買左最右面既獅兄同小善調，咁就完美分開mk啦。
獅兄繼續韜韜不絕地講一條友睇戲點樣寂寞點樣孤單，置於佢安全保護下既我地安心地聽佢勁up。
唉…男人果然係高大先吸引人…雖然隔住我，但從小善咁專心伸個頭聆聽獅兄的勁up就知道佢已經繼續被迷得神魂顛到。
又係獅兄壞我好事…條女係屬於我架﹗
「你唔係毒男，你係咸濕佬﹗」趁獅兄講我的毒男生活講到眉飛色舞既瞬間，我猛然出擊；我要破壞你既形象﹗小善係我架﹗
話咁快那些年已經成為左我心目中既那些年。而套戲既內容…我淨係記得小善睇得好肉緊捉實我手臂，有幾次痛到我要開聲叫小女神高抬貴手。
而獅兄周不時挨個頭埋黎搏懵，仲懶深情：「樂樂，如果我地都咁浪漫就好啦。」仲一副情聖腔。
真係一啖砂糖一啖屎。
係果一刻，小善眼中有柯震東，而我眼中有小善。
班MK係師兄既強大力場下，散場果陣無聲無息地消失左。
「點解你又會出現係呢度架﹖你唔係跟蹤我咁變態下話﹖」我質問如沐春風既獅兄。
「乜你沖緊涼果陣唔覺有人望緊你架咩…哎啊…」未講完我就醒左佢一拳。
「小善你睇到啦﹗佢就係咁口花花咁花心架啦﹗你唔好上當啊﹗」獅兄簡直係自取滅亡，咁樣黎一次活見證；我嗱嗱聲警惕小善。
「唔係丫…佢都幾搞笑啊。」。
OH SHIT﹗唔係啊﹗小女神你真係中曬箭﹖丘比特你有無搞向左走向右走錯啊﹖
「咳咳…善妹妹就講得岩啦﹗我呢種係幽默，歪蘇SIRI日﹖」幽默﹖幽下對襪啊﹖
「唔係啊﹗佢周不時都會借D咦非禮人，好咸濕架﹗」見第一招唔得，我馬上加多兩錢油鹽。
「吓…唔會掛…你地係唔係有咩誤會啊﹖」小女神一臉不相信。
「當然係有誤會啦，可能我既態度真係有D輕佻，搞到樂樂誤會左我；我真係好有誠意請求原諒架。」獅兄嬉笑地說。
「係囉樂樂﹗有時候男女朋友相處唔可以咁緊張架﹗雖然阿亭係口花花左D，但我覺得佢都係好緊張你嫁﹗」。
What7YouSay﹖點解我聽唔明你講緊咩既﹖
阿康改造日一役，散水果陣，原來獅兄借D咦送左小善返屋企。
獅兄除左借呢個機會同小善溝通溝通之外，仲貫輸埋我地係情侶，因為獅兄平時太口花花所以我嬲左佢，希望小善可以幫佢美言幾句氹返我。
荒謬﹗我同佢毫無關係﹗我追緊你啊小善﹗
「唔係啊﹗件事唔係你諗咁架﹗」。
我愈解釋，小善就幫獅兄解釋。
「你唔好嬲阿亭啦﹗佢應承會改架啦﹗」小善非常真摰。
「係囉樂樂，係兩星期既貼身特訓，我會顯示出改善既成果。」。
差D唔記得正事﹗約小女神都係為左呢件事喳﹗
「唔好嬲啦﹗」小善見我作沉思狀，輕輕拉住我手臂溫柔地說。
嘩﹗好滑啊﹗
我將視線輕輕地與小善對望，小女神既目光好熱切。媽的﹗為何結果不是我所想﹗
獅兄已經展現勝利笑容；臉上簡直完全表達對我運籌帷幄既感覺。
但仲有兩星期特訓要進行喎﹗如果而家同獅兄反面咁咪無得令老竇高興﹖
算啦﹗目前要忍辱負重﹗君子報仇十年未晚﹗等贏左場波再踢爆獅兄個春袋﹗
我垂低頭，狀甚感慨：「小善其實，我今日約你出黎係有D野想同你傾架…關於獅兄…」
小善活躍起來：「你肯原諒佢啦﹖」
「…其實呢…我準備去獅兄度住兩個星期做特訓…準備去打一場好重要既比賽。」我刻意地迴避問題。
「咁係唔係原諒佢姐﹖」但小善依舊執著。
我閉上雙眼，搭住小善膊頭：「你聽埋我講先啦…」。
小善微微前傾：「其實阿亭真係好慘架﹗為左你連飯都食唔落，對啦都無曬興趣，又訓唔著覺喎…」
咁有無標埋冷汗心煩氣躁咁啊﹖
「唔係啊小善…我係想你幫我…幫我…扮係…啊…啊…」聲音愈來愈小，要小善扮係同性戀做我女朋友…會唔會好過份呢﹖
「幫你咩啊﹖」小善終於肯放棄獅兄，投入我既問題。
「啊…我講出黎你唔好嬲喎…」我眼神閃縮。
「唔緊要架，你講啦﹗」。
「樂樂係想你做佢女朋友啊。」獅兄忽然搭嗲。
乜…乜野啊﹗你亂講乜野啊﹗我係想﹗…我的確係想小善做我女朋友…
不過你點知架﹖
「通常你面紅都係因為充滿非分之想。」獅兄瞇起雙眼微笑。
我開始感到臉上燙熱。
小善朱唇輕啟，一臉諤然。
我不自然地低頭，令氣氛再添兩分尷尬。
「我啊…我啊…係想你扮les扮我女朋友…呃我表姐去左你度住…方便去獅兄度特訓兩星期…」。
結果係極度尷尬下，小善無點考慮過就應誠左我。我馬上通知表姐，約定日期出黎見下面，係禮拜三個身體檢查後。
望見小善面紅紅又退縮，我知道佢肯應誠係出於個人修養同尷尬氣氛；如果唔係我一早收左皮。
其實我而家都算係另一方面既Stop la…
搞成咁，大家都各自歸家，唯獨得獅兄最開心；佢話為左表示對我既禮讓，將特訓放係星期四開始。
返歸後，赫然醒起自己仍然係女裝打扮，故技重施；鼠左入阿恆屋企再call救兵。
今次得對孖妹係屋企，我同佢地玩左成個鐘阿媽先施施然到場。
「不如你唔好返屋企﹗」，「留低同我地玩啦﹗」。
對孖妹真係好鬼盞鬼得意啊﹗佢地仲表演如何呈現行動高度一致，一舉手一投足，就好似機械人set曬程式咁。
但好可惜，我唔死返屋企老竇一定發曬火；我死死氣地係阿媽又一次鬧我衣著暴露定任性下換好衫，然後死返屋企面對老竇。
老竇既態度有所改善，可能係以為我今日去左練波。
時間黎到9點正，我喱左入房，隔住塵世既煩擾。小善、獅兄、表姐；三件事同時間襲來，係好事定係壞事呢﹖
隨著沉思，我漸漸進入夢鄉…
一醒…Miss Lee份project…大向左走向右走獲﹗郁都未郁過﹗Hi Hi啦Hi Hi啦﹗…景物又漸漸蒙糊…
「起身啦…樂樂﹗」小善溫柔既聲音輕輕傳入耳中，但任我點睜眼，都睇唔清小善個樣。
「偽君子﹗」、「你都係想同獅兄行街之嘛﹗」異常不滿既阿康同肥輝映入眼廉。
「樂樂，你既戰術意識仲有進步既空間﹗」獅兄非常專業地說。
「估唔到你兩父子變得咁勁啊…想唔輸得唔得啦﹗」接住係老徐既勁聲。
「叻仔啊阿樂﹗你終於為我地陳家爭花D光啦﹗」老竇興奮既聲音。
猛然扎起，枱燈靜靜地發出亮光，身邊虛無；只有我一個孤獨地伏係枱上。
我劇烈地喘氣，回想起夢境。
原來我既內心有咁多野諗緊。
「唉…」我自顧自地坐全課室嘆氣；從阿康肥輝依然仇恨既眼神，睇黎佢地仲未原諒我。
但比起佢兩個既目光，阿怡既目光先更為恐怖；自從早排佢返番學後，佢對我既仇恨，我feel到愈來愈大…大到望一望都會融為灰燼既地步…
與此同時，佢既前狗公—mk三人組經常接到阿怡order要侮辱下我，玩下我。點解我會知﹖因為mk三人組已經轉投左我門下，經常為我通風報信，係阿怡面前扮下野玩下我，轉個頭就獻曬殷勤。
你地唔蝦我已經十萬個感激，真係唔駛對我咁好架﹗
「我真係飽架啦…你地唔駛再理我啦…」我攬住個飯盒，同mk四人組保持段距離。
岩岩又因班內某人對我咁女人型有d意見，所以mk三人組借故夾左我上天台離開險境。
但睇見佢地咁狗公既樣又好難感激得落…
「唔係啊樂樂﹗我地之前成日搶你地飯盒，你一定成日食唔飽啦﹗就得我地而家補償番啦﹗」飛機嬉皮笑臉地。
俾佢地三個叫樂樂真係零捨背脊骨落。
「係囉﹗黎啦﹗食多d先會快高長大架﹗」阿冠應聲和應。
「係啦…黎啦﹗我地之前咁對你…係好過意唔去既﹗食啦﹗唔食即係唔俾面啦﹗」小豪充滿江湖口吻。
全場靜曬。
「啊豪哥啊...樂樂係女仔黎架，你唔好咁惡對佢啦﹗」飛機敏感地說。
「係囉豪哥…一陣又…」阿冠係小豪既怒目下收聲。
小豪瞬間變得親切：「對唔住啊﹗我平時慣左係呢d地方出入，你會原諒我嫁嗎﹗」。
我有得揀咩﹖
三人組好似烏蠅咁纏住我成個lunch time。
途中獅兄仲好知頂地上黎天台督師，睇下三人組同我相處成點。
「樂樂，又係我啊﹗點啊，大家相處成點啊﹖玩得開唔開心啊﹖」獅兄嬉皮笑臉。
佢地三隻野已經夠煩啦，仲要加埋獅兄。
「我落返課室啦。」我拎起飯盒，冷冷地拋低呢句。
「你係唔係嬲我干擾你追小善啊﹖」獅兄從後追上。
「你知就好啦﹗」我第一時間回應。
哎呀﹗講錯野。
「樂樂…你真係les架﹖」獅兄既驚訝唔明顯。
我臉上微紅：「係…係又點啊﹖」。
Les只係一個美麗既誤會黎姐，當有朝一日你變左一個6呎高既女仔再繼續追我；你就會感受到個誤會有幾美麗。
「…咁你會唔會係雙性戀啊﹖」獅兄絕不輕易放棄。
「唔會啊﹗」我繼續低頭前進。
最近途人既目光愈來愈尖銳，交頭接耳頻率加劇；都係因為你啊﹗
「你係學校可唔可以唔好成日痴埋黎啊﹗再係咁我遲早俾人打架啦﹗」我猛然回頭，點知一轉身就撞上獅兄鋼鐵般既胸肌。
究竟佢點練可以練成咁既呢﹖
「傻妹黎既，邊個敢打我既樂樂啊﹖」獅兄毫不在乎。
我仍然望住佢舊肌肉，皺起眉毛沉思—佢究竟係點練到咁既呢﹖
話說當年我仲雄糾糾既時候，有段時間都想做下gym增加自己既男性魅力；但做左兩個禮拜就收左皮，因為
我發覺自己真係毫無天份，連舉個啞鈴都扭親隻手。
獅兄突然將頭擺係我面前：「樂樂望住我心口諗緊咩啊﹖」笑容甚詭異。
我皺起眉毛，嘴唇輕啟作沉思狀；抬頭與獅兄對視。
我倆對視左成分鐘：苦惱既我vs詭笑既獅兄。
我吞一吞口水，眼前既大舊衰好似又大左一倍咁。
而目前獅兄既表情，絕非樣衰可以形容；佢又唔知諗緊咩衰野啦﹗鬆人至為上策﹗
「我返課室啦﹗」我頭也不回，競自向前大步走。
畢竟，我對腳短過獅兄咁多，輕易就比佢追返上：「憑你對我健美身形既妒羨神情，我好肯定你對男性係有感覺既﹗」。
有你個頭﹗
「無啊﹗你唔好煩我啦﹗」獅兄果句有感覺聲音略大，搞到則邊既同學為之側目。
咁你即係陷我於不義姐﹗
「黎啦樂樂﹗等我地黎個深情既擁抱﹗喚醒你體內對男性既反應﹗」說罷，獅兄就展開佢強而有力既臂彎向我襲來。
跟住又係一場拉扯戰，獅兄無視身邊人既竊竊私語，對我展開攻擊。
而我當然唔會咁容易就範啦﹗我左閃右避，多日連受既侵犯係無白廢既﹗獅兄既攻擊模式已經被我摸熟曬啦﹗哈哈哈哈哈﹗
獅兄既笑容愈展燦爛，睇黎捉唔到我佢係唔會放棄既。
我閃啊閃，好似練左神行百變咁，獅兄連我件衫尾都捉唔到。
「你個傻妹丫…做乜今日會咁難捉既呢﹖」獅兄係三個身位前停低，語氣繞有興致。
「緊係啦﹗一早叫你唔好睇小我﹗」我得勢不饒人。
突然，獅兄又發動新一輪攻勢，係驚恐下我自然地往後退…唉啊﹗撞到人﹗我趕緊撞身道歉：「對唔住啊…﹗」
真係愈窮愈見鬼，我撞到既係阿怡，佢正以極度仇恨既目光仇視我。
阿怡先係掘左我一陣，再將焦點放係獅兄身上。
我睇得出，阿怡係度咬緊牙；獅兄都收起笑容，嚴肅起黎。
企係焦點既正中，我感到非常強大既壓力同氣場。
我成碌木咁企係中間，眼都唔敢眨一下。
當然，我用左誇張既修詞手法；我有乜可能唔眨眼﹖但一眨眼，就壞事啦﹗
阿怡猛烈地撞左我一下就行開左去遠遠那方；我被佢忽然一擊擊到企都企唔穩。眼見就黎仆街前，獅兄雙手一伸﹗就抱住左我。
我始終都係被佢攬住﹗
獅兄恢復笑容：「你輸左啦﹗」。
雖然佢令我不至於仆街，但佢咁快就忘記岩岩有個傷心的人係佢身邊走過；呢種咁負心漢既行為令我勃然大怒：「你究竟有無良心架﹗整到阿怡咁嬲仲咁得閒玩﹗」。
獅兄有點諤然，顯然無諗過我會再挑起呢個話題。
扶返起我後，獅兄忽然沉鬱：「咁…我可以點做啊﹖」。
獅兄一臉苦笑。
「我鐘意你，但對阿怡無感覺，而且我根本無應誠過佢D乜野。」。
「你鐘意我都係因為我靚喳嗎﹗點解你唔鐘意阿怡喎﹗咁阿怡咪會開心返囉﹗你又唔駛再煩我﹗」我斬釘截鐵地回應。
獅兄深呼吸，行去我身前；然後搭住我膊頭：「我只會揀你﹗」。
佢情深既目光令我想嘔。
沉靜左兩秒。忽覺身邊既目光全部投射係我身上…頭先無收細把聲，又無扮聲…通天啦﹗
周邊既學生都議論紛紛：「嘩﹗乜陳俊樂把聲咁既﹗」、「屌﹗原來佢兩個真係搞基架﹗李汝亭連吳家怡都
唔搞搞陳俊樂，好撚GAY啊屌﹗」、「陳俊樂會唔會無JERJER架﹖平時已經咁那，把聲仲係咁…」。
我迅速地擰轉頭，競自低頭向前走。
獅兄都好知機無再追黎；我擰轉個頭0.35mm望下佢，佢企係原地笑。
屌﹗真係變態﹗
我迅速地走返入房室，迎面而黎既係mk三人組懶凶狠既表情。
跟住望下阿怡個位…好彩未返﹗咦﹗少咁d俾人怨視既feel咁既﹖…環迴課室一周…肥輝同阿康，睇黎係落左場打波。
取而代之既係李永燊同何志堅。佢地既目光同議論，比阿康同肥輝簡直討厭一百倍。
再望返mk三人組，佢地好有默契咁對我單一單眼，然後就埋左去兩條小毒撚身邊：「喂﹗你兩條撚樣阻住我喎﹗」。
我雖然係唔鐘意佢地姐，但無叫你地凌佢地喎﹗
本著大家都係毒撚同正義感，我準備拯救佢地﹗我行去mk三人組身邊，故意地撞左佢地一下。
三人組有點諤然地回望我不滿既視線；佢地都算聰明，好快就get到我既意思，轉而「欺凌」我。
小豪轉身，霸氣地說：「毒撚樂﹗我唔搞你你搞我﹗」再一次的左我出課室。
黎到頂樓呢個咁人煙罕至既地方，我既恐懼表情隨之消失；轉而一臉不滿：「你地唔好再蝦人啊﹗知唔知咁樣好慘架﹗」。
「但係…佢地咁對你…呢d人唔教訓下係唔得既﹗」小豪挺胸回答。
對你三隻野就係﹗
我無奈地搖搖頭：「呢個世界唔係樣樣野都要用武力解決架﹗你地應該多d用愛心同關心﹗少d問候別人母親﹗」。
一個月前既今日，又點會估到自己竟然對mk組說教而無俾佢地質兩拳﹖
三隻野好似明，又好似唔明。
飛機：「但有D撚樣真係唔屌唔鬆化架嗎﹗」。
「邊D啊﹖我啊﹖」我叉住條腰。
我突然提起往事，令原本仲有異議既三人組慚愧地垂低頭。
「你唔同﹗你係女仔黎嫁嗎﹗」阿冠好似發現新大陸咁。
「咁如果何志堅同李永燊都係女仔呢﹖」我瞇起對眼。
「唔撚係掛﹗」小豪驚恐地叫道。
「佢兩個都係女仔﹖」，「咁撚樣衰﹖」飛機同阿冠開始議論。
你地真係蠢撚過隻豬啊﹗
「唉…我係話如果啊…」我又無奈地搖搖頭。
「如果喳話﹗」、「嚇得我地丫﹗」、「樂樂你講清楚D丫嗎﹗」佢地一致地如釋重負。
「總之﹗無論係邊個都唔準蝦﹗係咁啦﹗我落返去啦﹗」我唔想再同佢地鳩UP辯論。
忽然，有人搭我膊頭：「咁…我地仲要唔要蝦你啊﹖」小豪一臉疑惑。
醒水啦靚仔﹗
自從三人組唔蝦我之後，每一日上堂既時間都快左好多；而我都歡樂左好多。唔駛成日疑神疑鬼咁防人，真係好輕鬆啊﹗
BTW，Miss李份功課又係時候要交；岩岩受到佢既溫馨小提示，下個星期二就要present。
而家我面對present都無咁驚啦﹗有三人組，邊個仲敢對我叫囂﹗
但唔知要點先可以同肥輝同阿康和解返呢﹖…你地唔好嬲我啦﹗講起肥輝同阿康，我聽日就會同小善扮情侶呃表姐再同獅兄同居兩星期…
其實佢地嬲我都唔係無道理既…
無論點都好啦﹗關關難過關關過﹗仲有老竇果關…打左場波先再講啦!
原本想放學後約小善出黎拖下手仔，誰知岩岩俾我拯救完既兩條毒撚面露惶恐地行埋黎我身邊，話佢地一個舊同學都搵唔到，唔知點算好喎。
「你扮佢舊同學。」我指住李永燊，「你扮佢舊同學。」再指向何志堅；「咁咪得囉﹗」擺出一個WFC既手勢。
「唔好玩啦大佬樂﹗」，「再係咁我地實俾陰濕女屌死架﹗」兩毒撚情急地。
「點解你地覺得我幫到忙呢﹖」我不解地問。
「阿康同肥輝唔肯幫啊﹗佢地叫我地搵你啊﹗」何志堅一論嘴咁UP左一大段說話。
非不為也，實不能也；阿康同肥輝咪又係我幫佢地﹗
「咁你覺得我可以點幫你地呢﹖」佢地變臉既技巧真係高明，明明午休果陣先對我一臉厭惡，但而家對我就彷如救世主。
「仲駛講既﹗」，「幫我地搵舊同學囉﹗」。
嘩，你地駛唔駛咁理所當然啊﹗不過咁，詐傻扮懵亦係我既強項：「唔係話唔幫啊…不過我都係毒撚…點幫你地喎…」有幾為難得幾為難。
「唔駛扮野啦﹗肥輝已經將你既秘密講曬俾我地知﹗」李永燊斬釘截鐵。
「咩秘密啊﹖」乜我都會有秘密俾人爆架咩﹖
毒撚二人組既表情，由理所當然變到淫淫賤賤：「你仲扮野﹖你個秘密就係：你—係—女—仔—﹗」。
「吓﹖」黎唔切反應，口中吐出呢個字。
「唔駛扮啦﹗肥輝俾我地睇過你地既合照，你仲係索女黎添﹗如果你唔幫我地，我地就爆你大鑊﹗」李永燊仍然理所當然。
佢地…真係知道左個秘密…﹖
嘴唇輕啟，我面露驚訝。
「…哈哈哈…你地唔係信吓話﹗…佢求其作個大話你呃你地都信…」講大話係我既弱項，而且我既語氣已經有明顯既顫抖；再係咁就連聲都扮唔到。
「啍﹗我唔知﹗我靜係知佢地有相為證﹗」原本係一邊斯斯縮縮地為李永燊吶喊助威既何志堅忽然勇敢起來，向前踏左一大步再挺胸。
「你咁都信…﹖」勉強展現一個笑容。
「你不嬲都咁那型﹗把聲又女人﹗就算係都唔奇丫﹗」何志堅繼續進逼。
「肥輝話如果我地唔信，可以撥開你D頭髮睇真D﹗」李永燊又踏出一步，唯獨我向後退。
肥輝你個仚家剷﹗又多兩條蛋散知道我既身份；最重要係，肥輝你條撚樣出賣我﹗
好耐都未試過咁火滾，我無視眼前一對毒撚，慍怒地低頭站係原地。
但面前呢兩條毒撚實在太唔識睇眉頭眼額，仲步步進逼：「點啊毒撚樂…啊唔係﹗應該改口做毒女樂先岩﹗」李永燊個樣變得有史以黎咁樣衰。
怒火已經令我唔記得左點樣驚，肥輝果筆遲下再計，但你兩條毒撚竟然威脅我﹗枉我今日仲幫你地解圍﹗我要俾少少顏色你地睇睇啦﹗
「哈哈哈哈﹗估唔到我偽裝得咁出色都有被揭穿既一日﹗」岩岩諗起寵物小精靈，我學住武藏既口吻扮奸人。
兩毒撚對我一d都唔驚表示驚訝：「陳…陳俊樂﹗你笑咩啊﹗你有秘密係我地手啊…精精地就同我地合作﹗ 我地都會俾返d好日子你過既﹗」何志堅愈講愈猥褻。
既然佢地都知我身份，我索性係褲袋拎條橡膠出黎扎起d頭髮，露出真面見；順便震一震你兩條撚樣。
哈哈﹗佢兩條友驚訝到o到個嘴大一大，郁都唔識郁﹗
我繼續，叉住條腰：「你地真係奶野奶到深一深啦﹗我話你知﹗其實小豪、飛機同阿冠係我既朋友﹗平時蝦我只係扮野順道保護下我既姐﹗」。
佢地仍然o住嘴咁聽我講野。
「你—地—竟—然—威—脅—我﹗」我咬牙切齒，瞪著眼；獰笑地逐隻字吐出。
「你…你唔駛作咁大嚇…嚇我地啦…我地唔唔唔…唔怕既﹗」恐怕咁樣大一大，已經勾起左當日兵敗，毒撚燊俾小豪的入廁失既黑暗史。
應聲蟲何志堅見毒撚燊形勢急轉直下，神色亦開始畏縮。
我行出兩步：「我唯有叫小豪同你地溝通下，勸下你地唔好講我個秘密出去啦﹗」一臉不在乎。
結果佢地好無骨氣地馬上認輸，仲話咩一日係大佬，一世都係大佬；差d仲跪係我腳邊求我原諒佢地。
俾佢地搞一搞，我咩心情都無曬，就算約小善出黎都夾唔到d乜野。 更何況佢今日唔得閒。唔知係唔係約左其他男仔呢﹖ 我攤係床上，認真思考聽日既身體檢查同點呃表姐。
房門外既老竇不動如山咁坐係梳化睇緊電視，如果而家衝出去話佢知我變左做女仔；佢會有咩反應呢﹖ 都係唔好搞我，拖得一日得一日﹗…話時話，我幾時要換女仔既身份證呢﹖
一於聽日問埋表姐啦﹗ 換句話說，即刻向老竇坦白又出現左限期啦…
仲有肥輝個撚樣…竟然出賣我…
我識左你十幾年啦﹗以前我有d咩都分俾你﹗你又輪盡﹗當年借個完整既烈焰朱雀你玩﹗你淨返舊鐵俾我﹗話唔小心跌左落坑渠嘻嘻﹗我個朱雀正版架﹗你對唔住都無聲就整唔見﹗仲有啊﹗次次有野食我都分俾你﹗
你又唔係唔知自己肥﹗自己大食﹗次次有野食又一個人食左一大半﹗我都無怨言啊﹗識到靚女我仲介紹埋你識﹗幫你製造機會﹗
但你竟然咁對我﹗
你隻死肥仔﹗自己鐘意小善咪追人囉﹗又無用又唔識講野﹗我而家都係女仔黎嫁﹗我可以偕到幾多水姐﹗我有心無力都幫你啊﹗我有咁多煩惱都幫你啊﹗點解你唔體諒下我啊﹗正衰人﹗
「死肥仔﹗死肥仔﹗死肥仔﹗我永遠都唔會原諒你﹗我地永遠都無朋友做﹗我唔會再幫你約小善﹗小善同我都唔會再理你﹗」 我自內心吶喊。
諗下諗下，眼淚又不自覺地流下。
「嗯…」哎呀﹗乜成六點啦﹗
琴晚喊完之後，攰得制訓著左；有乜慘得過一醒左就要訓學丫…
唉…唔理啦﹗沖左涼先再講啦﹗
自從老竇返歸，我每日沖涼都要避避忌忌；係廁所抹好曬身，換好曬衫先行返出黎。
老竇怨我姐手姐腳都唔係新鮮事，都無咩值得煩惱；真正出事既係—我兩個運動胸圍。
有次阿媽曬完衫果陣，獨獨係唔記得收我個胸圍；老竇係騎樓望到一個咁young既女性用品，自然起疑。
討論呢個胸圍誰屬既時機好揀唔揀揀係食飯果陣；我係一邊聽老竇講個胸圍聽到面都紅曬，鬼死咁尷尬。
最後係老母格硬話係自己黎結束對話，勉強收口。
又係既，邊個會諗到自己個仔會突然變性丫…
我慢慢咁摔每一個部位，經過一個月既適應，我已經非常清楚咩位可以大力，咩位好敏感。
我發現我個胸好似大左些少﹗除左手感上唔同之外，戴胸圍果陣仲有d緊。
阿媽都逼過我買真正女裝既胸圍；唔係話唔買，但一日未確認女性身份，一日都唔好咁張揚啦…
即係拎到新身份證同老竇知道真相之後。
老竇返歸即係代表放假，再過幾日佢又要返上去開工；我又有喘息既機會。
希望下次我會準備好表白一切啦﹗
全屋得我一個清醒，我獨自享受清晨既時光。
「如果每一日都好似而家咁舒服就好啦﹗」我一邊抹乾身體，一邊舒暢地說道。
「邊個﹖」一道充滿警戒既男聲自廁所外傳入。
弊﹗老竇醒左﹗