我的死鬼老婆: 第十四節

一如所料，當我致電給他們父母的時候，他們無不感到驚訝，我交代了一下現時身處的位置之後，並著他們盡快趕來醫院。
 
我回到急症室的位置等候，希望醫生可以盡快告訴我他們倆個人的消息。
 
晚上的醫院如早上一樣燈火通明，感覺不到一絲恐懼，可是只要想起每日在醫院內有人因為各種原因而死去，內心便感到有點不是味兒，我也很佩服那些日本AV竟然夠膽在醫院拍攝，他們難道不怕褻瀆了剛去世的人嗎？
 
「踏！踏！」一下下急速的腳步聲從遠至近傳來。
 
我回頭一看，原來是阿健和阿俊的父母。
 




「世伯，伯母！」我走前去迎接他們，我內心有點緊張，對於他們的事我應該從何說起？
 
「曦仔！發生咩事呀！做咩健仔會無拿拿出事架！」健媽緊張的捉著我說。
 
「係囉！咁阿俊而家點呀？」俊媽接著說。
 
「其實我都唔太知發生咩事，佢地倆個響我屋企樓下懷疑俾人襲擊，係大廈看更認得出佢地係我朋友先通知到我咋。」
 
「咁佢地而家情況點樣？」健媽雙眼通紅地說。
 




「未知，仲響裡面搶救緊………不如你地坐低等下先，而家我地都做唔到啲咩。」我指著附近的空坐椅說。
 
氣氛變得有點沉寂，我也不知道說些什麼可以安慰到他們，只見醫院裡的護士和醫生在急步的走來走去，我幾可聯想到情況其實不太樂觀。
 
可是，為何他們會同一時間發生意外？從阿俊頭破血流的情況看來，他顯然是被人襲擊所至，可是現場看不到有任何兇器，難道是「扑頭黨」？我還記得劉啟發說過「今次件事唔簡單」，為何他會這樣說？他掌握了什麼資訊？
 
我本想立刻去找劉啟發，可是我知道現在的我不能那麼不負責任的離開。
 
「葉子俊既屋企人響度嗎？」一個戴著眼鏡，樣似吳啟華的醫生說。
 




「喺度！」我們快步的往醫生的方向走過去。
 
「你地係葉子俊既屋企人？」醫生說。
 
「係呀，我係佢阿媽，我個仔點呀？」俊媽說。
 
「葉子俊既頭部受到重創，腦部嚴重出血，我地而家要即時同佢做手術，抽返啲血出黎，如果唔係佢既性命會有危險，不過即使手術成功都好，有機會佢會有後遺症，如失憶，全身癱瘓或者變成植物人，今次呢個係高風險手術，所以我地要得到你地既同意先得。」
 
「吓！點解會咁架！仔呀！！！」俊媽聽了這個消息之後，已經哭成淚人。
 
「唔做手術得唔得呀，醫生。」俊爸說。
 
「唔做手術既話，我驚佢過唔到今晚。」
 
「咁……咁做啦！醫生，我拜託你，你一定要盡力救佢，我得一個仔咋！」俊爸捉著醫生的手說。




 
「醫生！咁你地有冇陳永健既消息呀？佢應該都係響急症室入面架！」健媽亦爭取機會問醫生有關阿健既消息。
 
「對唔住！我地已經盡力架啦，不過佢頸部折斷，我地救唔返，你地可以入去睇一睇佢。」
 
聽了這句說話之後，健媽便突然之間暈倒在地。
 
場面有一點混亂，醫生立刻安排護士到場協助，而醫生索取了俊爸的簽名之後，便急步離開。
 
<< 節哀順變說就輕易，做起來又談何容易？>>