火車站周圍都好迫,特別係羅湖/落馬洲方向~

啊賢向我提議『不如我地搭去紅磡再座返轉頭,起碼有位坐。我好攰呀…』

「要座你自己座。」我鄙視啊賢明知我心急,仲講埋啲九唔搭八嘅建議。

厹真係唔用腦~上火車開始,啊賢就係咁講嘢。

又講到自己幾好幾叻,屋企又點有錢。真係頂佢唔順!!講到自己屋企有錢,識咩……但我唔想知囉!!



「乜你搵返嚟嘅咩?」忍唔住窒佢一句…啊賢即刻收聲,自己玩電話~

過左火炭站,車箱已經冇咁迫。

不過啊賢就越企越埋。搏咩啫?「我忍夠啦!你企開啲得唔得?」

『OK~』佢成個down左咁~

火車行到吐路港果陣,身邊突然好涼。



周圍嘅乘客又係得個返影!!點解似足學校門口咁架??

『Mika, Mika……』好熟悉嘅聲音…有人叫我?呢把聲係?係小燁~

我唔會認錯,一定係佢!!

「小燁?係咪你呀?你喺邊呀?」我完全無視仲有其他人,大叫出嚟~

『Mika, 妳冇事嘛?』吓?答我嘅竟然係啊賢~



「頭先我係咪大叫左出嚟?」我尷尬咁問佢指一指車箱。

『梗係啦,啲人以為妳係傻嘅,全部都走唒啦』『係我先永遠留喺妳身邊!』啊賢自豪咁講平日怕事嘅佢,竟然仲留喺度?

我對啊賢印象稍稍提升,對佢笑一下。不過厹始終係厹,永遠都借機會表現自己。

為左確認頭先嘅事,我問左個白痴問題。

「啊賢,頭先你有冇聽到小燁叫我?」

『小燁?邊個嚟架?妳男友?』佢好奇咁問呢下除左話自己白痴,真係冇其他嘢講。

我同小燁係同一間U ,但唔同系,大家亦有自己圈子。

除左出pool飯同俾人撞到之外,我地既圈子跟本就唔會有接觸。諗返起啊賢嘅反應,佢咩都冇聽到?頭先我真係聽錯?