【情人節系列】《我男友撞左嘢？》: 回憶: 1

就係咁勾返起段屬於我同小燁嘅回憶。

我隨手send個WhatsApp俾小燁。

我："我好唔舒服"唔夠五鈔，已經顯示online同輸入中…小燁："咁妳睇左醫生未？"  "都係唔好,我過嚟煲粥俾妳食！
真係唔想佢為左我而分心，不竟今個Sem 對佢好重要。

小燁："Mika，midterm有好多個亦唔差在果少少分"




『醒左嗱，妳發燒呀！仲話冇事。』

溫柔語氣我摸一摸額頭，黐住左塊退熱貼。

「我屋企明明冇架，點解…」疑惑中～

一隻凍凍地嘅手放喺我頭上『因為見妳屋企冇，所以咪買囉。食完粥就落去睇醫生。幫妳登記好啦。』

佢真係好細心，咩都幫我安排晒咁。啲粥都好好食，係我最鍾意嘅豬骨粥。





到底佢用左幾多時間？仲記得同醫生講我最怕就係藥水味～

「可唔可以唔食藥？我唔想食～」我嗲佢

『唔得！一定要！！』語帶嚴厲

我唯有扁嘴食藥～

「你聽日有midterm，我食完藥你就返去溫書。」





『做得妳男友就預左成世愛妳，照顧妳！除非妳唔要我啦。』

小燁對我笑到笑真係令我好感動，揀佢係冇錯架。雖然佢唔係特別靚仔有錢，但有既係對我全心全意。唔似其他人有目的咁埋我身～

「應承我，以後你病左我都會照顧你，等你好返為止。」真係感動到喊出嚟

佢對笑住講『咒我病喎～』

「快啲啦！！」

『應承妳啦～傻妹！』溫暖嘅手放喺我頭上

「咩喎～」

慢慢我就喺佢照顧下訓左，起身果陣已經係天光。





爸爸敲門入我房～

『你個男朋友仔，見我返嚟先走。仲煲左粥俾你送藥。呢啲男仔好少有架！』

講完對我單眼。

「我有你遺傳嘛～嘻！」

『啫係點？』爸爸奇怪望我一眼！

「就係一樣咁識揀人。」

『咁你得閒就帶佢上嚟食飯，我諗你媽咪都會鐘意佢～』





爸爸睇嚟都好鐘意佢～

小燁，你明明應承左俾我照顧！！

點解你要反口？

到底你係咪有咩事？