『Mika, Mika… 』

聽到小燁媽咪叫我先回神返嚟。

啊賢搶住嚟講『Mika 今日成日都呆下呆下咁。似有事多過啊燁喎!』

我再怒目啊賢再話「你可以唔出聲,由頭到尾都冇叫你跟住晒。頭先我係諗起小燁。」

眼淚真係忍唔住,成個氣氛冷左~



小燁媽咪打破冷局『好啦!傻女唔好再喊,個衰仔識到你真係幾生修道。都夜啦,不如喺度過晚?』

「多謝你Auntie, 我怕爸爸擔心都係返去先。不如佢返嚟就叫佢打俾我,就算真係分手都好。」我都唔想阻佢哋咁耐

但係最後果幾個字,我細聲到幾乎冇人聽到。

『你真係乖女嘅啫~』

『放心Auntie,我會睇住Mika。』啊又嚟~



條死厹…… 算我唔同你嘈。

Auntie問『夜啦,不過叫我送你返去。你住邊架?』

「我好近架炸,就係果邊啲村屋。」

我指一下外面。

Auntie非常客氣咁講『咁近就多啲過嚟食飯啦,放心啦個衰仔好就返。』



雖然小燁媽咪話佢返嚟就會通知我,但我嘅不安感完全冇消失,並且係更加強烈。

落到樓下,我上左的士就即刻關門。

理都冇理過啊賢。只係隱約聽到佢講幾句嘢,大慨就係話我唔理佢之類。

爸爸今晚OT, 媽咪又出左trip下星期先返。屋企就淨係得我同狗狗長毛。

平日長毛一見我返嚟就會嗲我,拉我去收埋零食果度。

佢就一反常態,見到我就係咁吠仲好驚咁周圍哩。

算囉~

唔餓就算。我冇理長毛直接行入房。



拎部電話出嚟先見到有N 個WhatsApp。

大多數msg係來自班gossip girl。佢哋真係咩都可以講一餐,由天光講到天黑都唔收。

呢個group可以無視~

啊賢?可以無視~

一堆厹?成日問我做緊咩,無視~

我打開小燁個聊天記錄,諗住睇下佢有冇on 過!

點知~上次上線時間?係今朝九點!!



明明我收到佢msg 係下晝六點,點會咁架?

我send 個果msg 到而家都係一個tick,電話到而家都仲係留言信箱……

坐喺床上等到我都訓左。

『Mika 我愛妳。比起我嘅生命,妳對我嚟講更加重要!幫我照顧我屋企人。』小燁背住我講

我怒吼佢「你就咁走左去啫係點?無啦啦send 個msg 話分手而家仲要我照顧你屋企?到底你想點?知唔知我好擔心你?」

眼淚完全停唔到~

小燁就轉身過嚟攬實我,擦乾我面上嘅淚痕~

『對唔住。我真係好愛妳,忘記我。』



我想打小燁果陣,電話響起!

係咪小燁返左嚟?

咦?我摸下自己眼角,真係一條半乾淚痕。