【情人節系列】《我男友撞左嘢？》: 六

頭先係發夢？

定係小燁真係嚟過？

唔理住聽電話先，小燁屋企打嚟。

"Mika？係咪你呀？"

係小燁媽咪呀～





「早晨 Auntie, 小燁係咪返左嚟？」

"我都唔知點答你好，個衰仔成晚都冇返過嚟呢度，嫲嫲又話佢冇返過去 。"Auntie唉聲嘆氣咁講

「咁而家佢喺邊？」我好緊張咁問～

呢個問題同冇問分別係唔大，但我都想喺小燁媽咪口中聽到答案。

"我都想知，個衰仔行完山就奇奇怪怪咁！ 放低左本簿就出左去，之後就冇人搵到佢～佢返嚟，我實醒餐勁嘅佢！"





簿？ 唔通係佢平日寫故事果本？

「Auntie，本簿係咪紅黑色，寫住股東人工咁架？」

呢本簿佢一直放喺個袋度。

寫低每日發生嘅事，雖然大部份都係我同佢～

"係呀！你點知架？哎喲連我做人啊媽都唔知添。你好了解佢喎！"





「咁我而家過嚟你果度先，半個鐘後見。」

我肯定小燁唔會咁同我講分手！

仲有佢嘅體溫，氣味，確實存過喺我間房！！

～～～～～～～～～～～～～～～～

大約二十分鐘，我就到左小燁屋企。

真係快到有啲誇張！

梗係啦，我連頭都未梳好呀，求其着件出得街嘅衫就算。

『妳就係Mika ？又會咁快嘅？』成熟男聲





我俾眼前呢個男人嚇左跳～

我驚訝咁講「小燁！？」

佢地真係好似，只係多咗種蒼桑感。

『哈哈，估唔到佢女朋友仔都認錯。我係佢爸爸，入嚟先講。』世界好開心咁話

感覺佢睇穿我諗咩咁～

「Uncle Auntie！可唔可以俾我睇下本簿？」

我係咪有啲心急？





『冇問題，之但係仲有啲嘢想妳睇下！』世伯叫我行去小燁部notebook度

佢嘆氣咁講『前日佢對住部電腦係咁話邪仲唔肯離開部機，可能有咩線索都唔定。可惜我地冇人知道密碼。』

密碼？

到底係咩？？

好在小燁佢平日都成日唔記得嘢，所以密碼提示都打左啲嘢：Ipimporpplbir&dat

？？

完全冇頭緒～

世伯喺呢個時候話『我哋唔係好識電腦，不過會唔會係幾個字嚟？』





我心諗“唔通係ip important people birthday&date？"

一於試下：mika5131009

密碼錯誤～

咁？Mikaka5131009？

果然密碼係咁！！ 前面係我個名同生日，後面係拍拖紀念日。

我更確信小燁肯定有事發生，個衰人唔會就咁走左去！！

世伯大笑『果然係女朋友仔，哈哈。』





「我都係估下啫。」

入到去個桌面真係嚇我一跳！！

呢啲相！？ 全部都係啲荒廢嘅地方～

紅色嘅月亮！？

好恐怖，仲有就係一堆地圖～

點解係呢張有條紅色線？

仲要係彩色圖？黃竹洋村？

一時間真係好多資料～

"Mika, Mika……"

係小燁叫我？

咦！我唔係喺小燁間房嘅咩？

呢度係？

山路？ 係小燁同佢朋友！！佢哋着住件行山衫嘅？

我知啦！佢哋又去左行山！！

「哼，嬲死你呀小燁，搞到我周圍搵你！！」我嬲到流眼淚

咪住！！點解佢哋完全聽唔到我把聲咁，仲越行越快。

快到我跟本追唔到～

我仲跌左喺地度喊。

「點解要咁？你到左邊？我真係好掛住你……嗚嗚～」我個心好痛

"Mika, Mika……"

我周圍望～

唔會搞錯，今次一定係小燁把聲。

之不過把聲……

係由本簿傳出嚟？

我幾時拎住左本簿架？