『你地睇下!!』啊賢指住地下大聲咁講。

係一部Samsung 電話, 好似係Note 3嚟。

不過無啦啦又會有部電話嘅?

咦!仲響緊喎,聽電話?

「個電話響緊!!啫係外面打到入嚟?」我好奇問亦再嘗試打俾其他人。



結果都係一樣~

個女人執起部機聽~

仲對住個電話大叫『你到底想點?收手啦好嘛?只要啊Sam 安全,你想點就點呀。』

佢講完之後就拎住個電話行過嚟,再解鎖show 張Wallpaper俾我地睇~

係啊Sam 同佢既合照~



『部電話係啊Sam 架!所以我先……』

今次到啊賢板起口面『所以諗都唔諗就聽?或者呢度唔係我地熟悉嘅世界。下次有任何決定前可唔可以同我地講聲?」

女人點頭作回應~

啊賢又係幾時變得咁心思細密架?

完全冇左佢厹既本質,真係好奇怪。



不過重點!!

「到底頭先電話果個係邊個?你同佢講果啲嘢係咩意思?」

佢低一低頭再講『喺我答你之前,我想知道一樣嘢!到底你係咪真係有個細佬?』

明知自己害死我細佬,佢都仲要問架喎!

「係呀,咪就係俾你搞到自殺果個!」

佢呆左呆咁望住我『佢叫咩名?』

「佢咪叫……」

點解我諗唔到自己細佬叫咩名架?



個女人再講『以我記得死左果個男仔係獨生,而且同你都唔同姓架喎!!』

What???

"Mika 千祈唔好信佢!!佢講大話架!"

又係小燁把聲~

我好亂!到底邊個先信得過?

到底我係咪真係有個細佬?

呢一刻連我都唔記得,冇印象!!



小燁!! 我緊握羽毛樣嘅頸鍊,希望佢能夠俾啲提示我~

冇反應~

我俾唔到反應,只係呆左咁企住喺度。

『Mika, 妳點?』啊賢拍一拍我。

「我…我。我唔肯定, 淨係有把聲話我知我係有個細佬!!」

『唔好講住啦,你地下果度!!』啊賢手指住路邊既大樹。

望個去果下~

個女人一路跑,一路大叫『啊Sam,啊Sam。』



真係啊Sam 嚟!但係……

佢俾人綁住左喺棵樹上面~

『快啲救佢落嚟先啦!!』個女人對住我地大叫『啊Sam 你唔好有事呀!!』

『Mika, 喺我個袋度拎把刀出嚟。』啊賢對我講。

冇理由… 真係冇理由!!平日怕事既啊賢呢?

平日佢一定會呆左喺度。仲要打佢都唔識郁果隻~

點解佢會咁奇怪?



變到咁溫柔,咁勇敢?

算啦~都係救人先!

「呢把刀咪係小燁既……」我怒視啊賢「點解你會拎左小燁啲嘢架?」

佢低住頭完全唔出聲~

「答我呀…答我…答…」我又忍唔住自己既淚水~

我拎住小燁既匕首慢慢行近啊Sam,個女人仲係背對住我!!

好機會!!為左細佬,為左小燁。

我將匕首喺刀套慢慢咁扙出嚟,對準佢條頸。

用力狠狠將刀刃插落去之際,啊賢衝過嚟為佢擋開我。

「做咩要阻住我?」我怒斥啊賢。

啊賢冇答我,面上表露出痛苦表情。

而且我感覺到有啲液體流向我手心。

係血!!啊賢既血!!

佢為左個女人,不惜受傷。

喺佢後面竟然係啊敏!

一個睇起嚟同我地差唔多大既女仔~

但佢雙手有對長長血紅利爪。

"我係唔會俾你傷害啊Sam 同佢所愛既人!"聲音直接傳入我心中。

係個女仔同我講嘢?

"係我同你講緊嘢!凡係傷害佢地既人都要死喺呢度!!"

佢行緊過嚟!!

我嚇到跌低左~

試圖以地上嘅碎石拋向佢,阻止佢行近我~

不過全部都係喺佢個身中間通過再應聲落地。

「啊婷,啊婷!」我嘗試向個女人求助 。

『乜你都識得去求我既咩?你唔係我憎我既咩?』個女人得戚咁講~

「我求……」

未講完果下,個女人口吐鮮血~

…………

………

……

佢身上出現一隻鮮紅色的血爪,將佢成個舉起!!!!!!

佢慢慢咁變成碎片,飛散~

隱約聽到佢最後一句話『小燁,對唔住。』

未反應得過嚟,啊敏又行過嚟啦!!