基於陸運會分社坐既關係,
終於唔洗再對住家樂。

「點解你會係到?」我問嵐嵐。

「同社咪係到囉。」

「我意思係點解你係要坐我隔離。」

「煩住你囉。」



「得..你羸。」

「好心你兩個咪係到打情罵俏。」係隔離既肥森開聲講野。

「無呀!!」我同嵐嵐異口同聲。

「同你講埋同一句野,好嘔心!!」嵐嵐。

「唔同你講,我肚餓,肥森落去買野食。」



「好呀! 順便去搵天欣。」

「我又要去!!」嵐嵐捉住我。

「你放手啦,怕鬼左你。」

落到小食部竟然撞到柔柔。
心裡的確戚左一戚,但已經無以前咁犀利。



「表姐你食咩呀?」嵐嵐好醒目咁拉開柔柔。

肥森拍一拍呆左既我。
示意我地繼續買野食。
但我好似突然無咩胃口。

「兩個餐蛋麵,我請你,你點都同我食晒佢。」

「得啦。」

肥森應該又察覺到我既不快。
兄弟就係你唔需要出聲都知你發生緊咩事。
買完野之後迎頭撞到黑豹。

「小狼肥森。」黑豹向我地打招呼。



「Yo豹哥。」

打完招呼就刷身行過。

「你有無打算番黎?」黑豹突然問我。

「對唔住,暫時未有。」

「喂! 我都係一個熱愛足球既人,希望你唔好咁就放棄。」

「嗯…..真係好想再同你跑多次。」

「社際接力應該有機會一齊跑。」



「咁社際接力見。」

我同肥森走番去坐位。

「你真係唔諗住番足球隊?」肥森問我。

「因間1500米唔知係你羸定我羸呢?」

「哼,無論點我都會羸。」

從肥森既哼聲就知道佢get到我既意思。

「嘩!!我都想食餐蛋麵!!」嵐嵐係我前面嘩然。

「你自己落去買咪得。」



「我買一個食唔晒。」

「繼續扮細食。」

「我150唔過食得幾多野?」

「身高同食量有關係嗎?」


“””乙組100米第一次召集”””

從看台傳出既召集聲突然令我沸騰。

「我行先。」



「唔好仆親。」嵐嵐勸我。

「走啦閃電俠。」

我走左去預備區做熱身。
估唔到我同組入面有田徑隊既人。
不過唔緊要,拎第二名就可以入決賽。

「仲有一名同學未到,我地等多一等。」老師向我地講。

「咁不如乙組B跑先。」第二位老師同佢講。

乙組B差唔多起跑,果位遲到既同學就到步。
原來又係田徑隊既人。
估唔到預賽就爭崩頭。

「聽講你係足球隊跑得好快,多多指教。」遲到既同學明顯向我挑釁。

「嗯,多多指教。」

無記錯呢兩位田徑隊既同學,好似都係短跑手。
唔會今年連決賽都入唔到掛…..

「乙組A準備。」

有兩位田徑隊既人增強左觀眾既歡呼聲。

「黃少朗!!!!」估唔到足球隊既人會為我打氣。

作為叛徒既我真係有啲羞家。

「on your mark!!!」
「Readyyyyy!!!」
「Get set!!」
心情打緊張….
心跳得好快….
好驚輸………..
好怕果種落敗感…..
緊張感令我心跳不斷加速。
突然腦海頓空左…
就係呢種久違既感覺。

「GO!!!!」

「TRANS-AM!!!」我忍唔住爆左呢句出黎。

一起步我同另外兩個田徑隊員應聲彈出。
係跑一百米幾乎無需留力。
我地三個出盡全力向前衝。
我見到有一個已經開始張我拋離。

淨番我同遲到生叮噹馬頭。

仲有20米….

追唔到上去…..

仲有15米….

突然有個足球迎面碌埋黎。
對上次掂足球係幾時?
真係好耐啦…..
耐到令人懷念既足球感。
出盡力踢落去果下,
腳與波之間既觸感,
明明有點硬,
但被你狂暴揪射下而強制嫉軟既觸….快感…..

好….想…射…..

“”砰””

好爽…真係好爽……

個波已經唔知飛左去邊。
全場鴉無雀聲。
我淨係記得自己見到個足球,
之後就好似斷左片咁。

肥森咁岩係前面行過…..
但佢應該係看台上面。

「我岩岩好似斷左片咁,知唔知咩事?」我問肥森。

肥森拉番我上看台。

「我岩岩碌左個波出黎比你,你就怒射個波,仲追過埋第二名。」

「你做咩無啦啦碌個波出黎?」

「因為我有預感咁做係好事,我咪預先走左過去碌個波出黎。」

「其實你有幾唔信我?」

「你而家連自己都唔信你自己啦。」

好想反駁,但駁唔到……

話時話…好似今日無見過小櫻咁。
佢咁大個女應該識照顧自己。

食個飯之後,
1500米比賽終於開始。
無預賽,一黎就分羸負既比賽。

「你今次無咁好彩,我羸硬你。」剛剛既遲到生向我下戰書。

估唔到在行短跑既佢都會跑1500米。
不過我最大既敵人唔係佢,係肥森。
肥森出名好氣,長跑既高手。
要羸唔係咁易。

「我羸左你就一定要番足球隊。」肥森重新一次我地既約定。

「羸左我先講啦肥野。」

「冠軍一定係我。」遲到生揚言。

但我同肥森都無理佢。
同行12人,只有一位勝利者。
Hunger Game!!!

鎗聲響起,比賽正式開始。
肥森同我都選擇留前鬥後。
我地保持係人群中間。
而遲到生就威風滿滿咁帶頭。

跑左大約700米已經開始有人行緊,
有部份人已經脫離大隊既速度。
但估唔到遲到生仍然帶頭。

肥森都開始加速。
已經跑到上第二。
並開始向遲到生施加壓力。
我都開始加速追過第三、四名既跑手。
我同肥森一步一步逼近遲到生。
遲到生不斷加速。
但好顯步伐已經開始唔協調,
只係強將速度提升。
睇黎餘下400米就係我同肥森既決鬥。

遲到到突然向前大爆,再度越過我同肥森重奪第一。
遲到生距離終點大約有250米。
我同肥森都加速拉番近距離,
遲到生因為岩岩既爆速已經體力無所剩。
我體力應該可以支持我爆速50米。
估計肥森既氣量可以係80米內進行爆速。
如果佢80米開始爆,我要係50米先開始爆發既話,都未必追得番佢。
雖然速度值我本就高佢好多,
但基於氣量值同體力值既影響下,速值都會有所下降。
如果強調到60米內就開始粄發,應該有機會追過肥森。

大約距離終點150米內,我地貼近遲到生。
遲到生不斷強行加速,但無功而回。

距離100米下,肥森突然啟動推動器,
比起預期早左20米。
如果我而家跟佢提升速度會有機會係終點前既20~30米無氣。
如果我係原來既60米內先進行爆速,根本無機會追過肥森。
要搏一搏嗎?

那怕認真模式都用上,都要羸肥森。
兄弟間既決鬥,係熱血,猶如烈炎焚城之壯華。

我全速奔前,準備過埋遲到生之際…..
佢竟然將我kick低。
跌低時我見到佢無恥既笑容。
我仲唔小心拗到隻腳。

痛到起唔番身……
無恥生繼續向前跑。
我勉強企起身。
本來拗柴已經痛不欲生,
仲要係而家大量消耗體力既狀態下,
莫講話行,連企都費力。

我離遠見到肥森跑番轉頭。
跑到我身邊扶起我。

「你做咩?」我問肥森。

「要呢種情況下羸你,實在太唔甘心。」

「你羸唔到唔好拎我做藉口。」

「白痴,我先唔會dum低兄弟自己走去做冠軍。」

最後因為我令到肥森跌左落第五,無恥生成個拎左冠軍。
老實講真係好唔甘心,比佢咁既賤人羸左。

肥森係醫療區問我點解會跌到。
我完全咁講左比佢知無恥將我kick低。
小櫻都跑左黎醫療區,
同肥森一齊扶我番位。

期間無恥拎住個獎牌係我地面前fing。

「對唔住呀,你無事丫嗎?」無恥一句充滿揶揄既問候。

肥森無出聲,一腳將踢左一半遠。
我絕對相信肥森已經留左力。

旁邊既人都靜晒。
望訓左係地既無恥生。

「唔好問我點解踢你,你岩岩做過咩你自己好清楚。」

肥森身旁既霸氣轉左做殺氣。
嚇到無慰生唔敢出聲。
訓導都趕到,捉左肥森去問話。

訓導得悉成件事之後都堅決寄左個缺點比肥森。
話雖然無恥生係唔岩,但佢用刑呢下真係無得嗌。
不過訓導都好明事理咁追極番件事,
最後直接取消無恥生資格,
將佢個獎牌比左第二名既學生。
第三名變第二名,如此類推。

只可惜聽日既放假要番係屋企……