Week34 Tus

今日晏晝,Janet帶咗我上一層位於跑馬地嘅單位。我一行入屋,講真唔係話好大,應該最多得500呎左右。但係不過就裝修得相當有心思。落地玻璃嘅廁所間隔,加上開放式嘅廚房,本身睇落已經大好多,原本睡房嘅地方亦都同廳打通咗,用升高木地台取代原來房間間隔,真係品味十足。我唔知其他人點諗,但呢間我我諗我就算打一世工都未必買得起,對我黎講呢間屋簡直就係一個夢。

見到我呆咗唔識反應,Janet首先打破靜局:「喜歡嗎,如果你願意,這房子就是你的。」 

「點解……」我幾乎係明知故問…… 

「我只是要證明,我給你的,絕對比你在考慮的另外一個人多。」 



「我係唔會要呢間屋。」我斬釘截鐵咁講。 

「為甚麼?難道她真的有比我好嗎?」 

「唔係,只係你當我係咩人呀?我鍾意一個人唔係為咗佢啲錢,只要我鍾意,就算我養佢都唔係問題!」係講完呢番咁假高尚嘅說話,我真係有少少後悔,因為我真係好鍾意好想要間屋呀。

「所以說,你選擇她了?」 

「聽日,下晝三點,旺角等,我帶你去一個地方,到時我會俾答案你。」 



就係咁,我地離開咗跑馬地,走個陣我同Janet講有野做,唔洗送我返屋企,佢都冇再過問我要做咩就走開車走咗。