[有沙入眼]是咁的，我嘅職業係幫想自殺嘅人寫遺書: 434.煮晚餐

由於間屋真係好大，miki又無請清潔工人，所以除左佢間房、廁所、廚房同客廳之外嘅地方都比較污糟

我本身比較大汗，所以去海洋公園已經帶定多一套衫，仲有毛巾，不過就無褲

miki帶我去佢房，拎左啲彈性比較好嘅運動褲比我，然後就叫我用佢房入面個浴室沖涼

成間屋一共有三個浴室，三個浴室都唔同風格，miki話我亂行實盪失路，所以佢去另一個浴室，讓房入面嗰個比我沖

咁大家都知男人同女人沖涼嘅時間差幾鬼耐架啦，總之我沖完出黎，miki肯定未得，我見無無聊聊就出去行吓





由位於二樓嘅房行樓梯落去，又翻到詭異嘅客廳

我搖一搖頭，行去廚房，睇下miki屋企有咩材料煮今晚嗰餐

好彩雪櫃入面都叫有啲材料，睇過⋯⋯有雞蛋、香腸、芝士、牛奶同嗰盒⋯⋯脆香雞翼？

打開廚櫃，正喎，有幾個韓國辣杯麵，黑色包裝嗰隻，估唔到我同miki口味幾相似

雖然我一開始覺得間屋有啲得人驚，幾乎有衝動同miki講：「唔好再留喺度，黎我屋企住。」





但睇黎佢根本唔覺得間屋恐怖，而且好地地咁生活緊

好，煮卡邦尼，好似係